ಮನೆಮಂದಿಯೊಂದಿಗೆ ಬರ್ತ್ ಡೇ ಆಚರಿಸಿದ ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ

Team Udayavani, Jun 6, 2020, 5:34 PM IST

ಉಡುಪಿ: ಕನ್ನಡದ ಪ್ರತಿಭಾನ್ವಿತ ನಟ, ಯುವ ನಿರ್ದೇಶಕ ರಕ್ಷಿತ್ ಶೆಟ್ಟಿ ಅವರು ಇಂದು ಹುಟ್ಟುಹಬ್ಬವನ್ನು ಆಚರಿಸಿಕೊಂಡರು. ಲಾಕ್ ಡೌನ್ ಕಾರಣ ಉಡುಪಿಯ ತನ್ನ ಮನೆಯಲ್ಲಿರುವ ರಕ್ಷಿತ್ ಶೆಟ್ಟಿಯವರು ಮನೆ ಮಂದಿಯೊಂದಿಗೆ ಸರಳವಾಗಿಯೇ ಬರ್ತ್ ಡೇ ಆಚರಿಸಿದರು.

ಪ್ರತೀ ವರ್ಷ ಅಭಿಮಾನಿಗಳೊಂದಿಗೆ ಹುಟ್ಟು ಹಬ್ಬ ಆಚರಿಸಿಕೊಳ್ಳುತ್ತಿದ್ದ ರಕ್ಷಿತ್ ಗೆ ಈ ವರ್ಷ ಲಾಕ್ ಡೌನ್ ಅಡ್ಡಿಯಾಗಿದೆ. ಹಾಗಾಗಿ ತನ್ನೂರು ಉಡುಪಿಯ ಅಲೆವೂರಿನಲ್ಲಿನ ಮನೆಯಲ್ಲಿ ತಂದೆ ತಾಯಿ, ಅಣ್ಣ ಅತ್ತಿಗೆ, ಅಣ್ಣನ ಮಕ್ಕಳ ಜೊತೆಗೆ ಕೇಕ್ ಕಟ್ ಮಾಡಿ ಸಂಭ್ರಮಿಸಿದರು.

ಇನ್ನು ನೆಚ್ಚಿನ ಹೀರೋನ ಬರ್ತ್ ಡೇ ಗೆ ರಾಜ್ಯಾದ್ಯಂತ ಅಭಿಮಾನಿಗಳು ಶುಭಾಶಯ ಕೋರಿದ್ದಾರೆ. ರಕ್ಷಿತ್ ಶೆಟ್ಟಿಯವರ ಬಹುನಿರೀಕ್ಷಿತ ಮುಂದಿನ ಚಿತ್ರ ಕಿರಣ್ ರಾಜ್ ನಿರ್ದೇಶನದ #777 ಚಾರ್ಲಿ ಚಿತ್ರದ ವಿಡಿಯೋವೊಂದನ್ನು ಬಿಡುಗಡೆ ಮಾಡಿರುವ ಚಿತ್ರತಂಡ ಶುಭ ಹಾರೈಸಿದೆ. ಅದರಂತೆ ಹೇಮಂತ್ ರಾವ್ ನಿರ್ದೇಶನದ ‘ಸಪ್ತ ಸಾಗರದಾಚೆ ಎಲ್ಲೋ’ ಚಿತ್ರತಂಡ ಪೋಸ್ಟರ್ ಬಿಡುಗಡೆ ಮಾಡಿ ರಕ್ಷಿತ್ ಶೆಟ್ರಿಗೆ ಬರ್ತ್ ಡೇ ಗಿಫ್ಟ್ ನೀಡಿದೆ.