“ಕಿಡಿ” ಪ್ರಥಮ ಪ್ರತಿ ರೆಡಿ

Team Udayavani, Jul 26, 2017, 10:58 AM IST

ಮಾಸ್ಟರ್‌ ಛಾಯ್ಸ ಕ್ರಿಯೇಷನ್ಸ್‌ ಲಾಂಛನದಲ್ಲಿ ಟಿ. ನಾಗರಾಜ್‌ ಅವರು ನಿರ್ಮಿಸಿರುವ “ಕಿಡಿ’ ಚಿತ್ರದ ಪ್ರಥಮ ಪ್ರತಿ ಸಿದ್ಧವಾಗಿದೆ. ಚಿತ್ರ ಆಗಸ್ಟ್‌ನಲ್ಲಿ ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ. ಚಿತ್ರಕ್ಕೆ ಬೆಂಗಳೂರು, ಚಿಕ್ಕಮಗಳೂರು, ಆಗುಂಬೆ, ಪುಕ್ಕೆಟ್‌ ಮುಂತಾದ ಕಡೆ ಐವತ್ತು ದಿನಗಳ ಚಿತ್ರೀಕರಣ ನಡೆದಿದೆ.

ಮುಂಗಾರು ಮಳೆ ಚಿತ್ರದಿಂದ ನೃತ್ಯ ನಿರ್ದೇಶಕರಾದ ರಘು ಅವರು “ಕಿಡಿ’ ಚಿತ್ರವನ್ನು ನಿರ್ದೇಶಿಸಿದ್ದಾರೆ.  ಆರ್‌. ಗಿರಿ ಅವರೊಂದಿಗೆ ಸಹಾಯಕರಾಗಿದ್ದ ಬೆನಕರಾಜು ಛಾಯಾಗ್ರಹಣ, ಎಮಿಲ್‌ ಸಂಗೀತ ನಿರ್ದೇಶನ ಹಾಗೂ ವಿಶ್ವ ಸಂಕಲನ “ಕಿಡಿ’ ಚಿತ್ರಕ್ಕಿದೆ

ಈ ಚಿತ್ರದ ಮೂಲಕ ಪೂರ್ಣ ಪ್ರಮಾಣದಲ್ಲಿ ನಾಯಕನಾಗಿರುವ ಭುವನ್‌ ಚಂದ್ರ ಈ ಹಿಂದೆ “ಸಿರಿವಂತ’ ಚಿತ್ರದಲ್ಲಿ ವಿಷ್ಣು ಅವರ ಹಿರಿಯ ಮಗನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ನಂತರ ವಿಜಯ ರಾಘವೇಂದ್ರ ಅವರೊಂದಿಗೆ “ಶ್ರಾವಣ’ ಚಿತ್ರದಲ್ಲಿ ಎರಡನೇ ನಾಯಕನಾಗಿ ಕೂಡಾ ಅಭಿನಯಿಸಿದ್ದರು. ಭುವನ್‌ ಚಂದ್ರ ಅವರೊಟ್ಟಿಗೆ ನಾಯಕಿಯಾಗಿ ಪಲ್ಲವಿ ನಟಿಸಿದ್ದಾರೆ.