ಇಂದು ರಿಷಬ್ ಶೆಟ್ಟಿ ಬರ್ತ್‌ಡೇ: ಅಭಿಮಾನಿಗಳ ಜೊತೆ ಅದ್ಧೂರಿ ಆಚರಣೆ

Team Udayavani, Jul 7, 2023, 10:49 AM IST

ಕಾಂತಾರ’ ಚಿತ್ರದ ಮೂಲಕ ವಿಶ್ವಮಟ್ಟದಲ್ಲಿ ಗುರುತಿಸಿಕೊಂಡಿರುವ ನಟ, ನಿರ್ದೇಶಕ ರಿಷಬ್ ಶೆಟ್ಟಿ ಅವರಿಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. ಸದ್ಯ “ಕಾಂತಾರ-2′ ಚಿತ್ರದ ಕೆಲಸಗಳಲ್ಲಿ ಬಿಝಿಯಾಗಿರುವ ರಿಷಬ್ ಈ ಬಾರಿ ಹುಟ್ಟುಹಬ್ಬವನ್ನು ಅಭಿಮಾನಿಗಳ ಜೊತೆ ಆಚರಿಸಲು ನಿರ್ಧರಿಸಿದ್ದಾರೆ. ಈ ಕುರಿತು ವಿಡಿಯೋವೊಂದನ್ನು ಬಿಡುಗಡೆ ಮಾಡಿದ್ದಾರೆ.

“ಎಲ್ಲರಿಗೂ ನಮಸ್ಕಾರ… ಕೆರಾಡಿ ಎಂಬ ಸಣ್ಣ ಹಳ್ಳಿಯಿಂದ ಸಿನಿಮಾ ಕನಸು ಕಟ್ಟಿಕೊಂಡು ಬಂದ ನನಗೆ ಇಷ್ಟೆಲ್ಲಾ ಪ್ರೀತಿ ತೋರಿಸಿ ಇಲ್ಲಿವರೆಗೂ ಕರೆದುಕೊಂಡು ಬಂದು ನಿಲ್ಲಿಸಿದ್ದೀರಿ. ನೀವು ಇಷ್ಟೇಲ್ಲಾ ಪ್ರೀತಿ ತೋರಿಸಿದಾಗ ನನಗೆ ಹೇಗೆ ಪ್ರತಿಕ್ರಿಯಿಸಬೇಕೆಂದು ಆಗ ತಿಳಿಯಲಿಲ್ಲ. ಅದು, ಕಾಂತಾರ ಬಿಡುಗಡೆ ಆದ ಮೇಲೆ ತುಂಬಾ ಜನ ನನ್ನ ಮನೆ ಹತ್ತಿರ ಬಂದಿದ್ದೀರಿ, ನಾನು ಹೋದ ಕಡೆಯೆಲ್ಲಾ ನನ್ನ ಭೇಟಿಯಾಗಲು ಕಾದಿದ್ದೀರಿ. ಎಷ್ಟೋ ಜನರನ್ನು ನಾನು ಭೇಟಿಯಾಗಲು ಸಾಧ್ಯವಾಗಲಿಲ್ಲ. ಅದ್ದರಿಂದ ಜುಲೈ 7, ಮಧ್ಯಾಹ್ನ 3ಕ್ಕೆ ಬೆಂಗಳೂರಿನ ನಂದಿ ಲಿಂಕ್‌ ಗ್ರೌಂಡ್ಸನಲ್ಲಿ ಬನ್ನಿ ಸಿಗೋಣ..’ ಎಂದು ಹೇಳಿದ್ದಾರೆ. ಈ ಮೂಲಕ ರಿಷಭ್‌ ಇಂದು ಅಭಿಮಾನಿಗಳ ಜೊತೆ ಅದ್ಧೂರಿ ಬರ್ತ್‌ಡೆ ಆಚರಿಸಲಿದ್ದಾರೆ.

ಈ ಹುಟ್ಟುಹಬ್ಬ, ಪ್ರೀತಿ ಕೊಟ್ಟು ಬೆನ್ನು ತಟ್ಟಿದ ನಿಮ್ಮೆಲ್ಲರ ಜೊತೆಗೆ!
ಜುಲೈ 7, ಮಧ್ಯಾಹ್ನ 3ಕ್ಕೆ ಬೆಂಗಳೂರಿನ ನಂದಿ ಲಿಂಕ್ ಗ್ರೌಂಡ್ಸನಲ್ಲಿ ಸಿಗೋಣ.

This birthday, with all of you who have given immense love and support, Join me at Nandi Link Grounds in Bengaluru at 3 pm on July 7th.see you all there! pic.twitter.com/5gP3NviGQ5

— Rishab Shetty (@shetty_rishab) July 4, 2023