ತಾಜ್‌ ಮಹಲ್‌-2 ಹಾಡು ಹೊರಬಂತು

Team Udayavani, Mar 21, 2022, 1:16 PM IST

ಸ್ಯಾಂಡಲ್‌ವುಡ್‌ನ‌ಲ್ಲಿ ನಟ ಕೃಷ್ಣ ಅಜೇಯ್‌ ರಾವ್‌ ಮತ್ತು ಪೂಜಾ ಗಾಂಧಿ ಜೋಡಿಯಾಗಿ ಅಭಿನಯಿಸಿದ್ದ “ತಾಜ್‌ ಮಹಲ್‌’ ಎಂಬ ಹೆಸರಿನ ಚಿತ್ರ ತೆರೆಗೆ ಬಂದು ಸಿನಿಪ್ರಿಯರ ಮನಗೆದ್ದಿರುವುದು ನಿಮಗೆ ಗೊತ್ತಿರಬಹುದು.

ಈಗ ಅದೇ ಹೆಸರಿನಲ್ಲಿ “ತಾಜ್‌ ಮಹಲ್‌-2′ ಎಂಬ ಹೊಸ ಚಿತ್ರವೊಂದು ತೆರೆಗೆ ಬರಲು ಸಿದ್ಧವಾಗುತ್ತಿದೆ. ಈ ಹಿಂದೆ “ಡೇಂಜರ್‌ ಜೋನ್‌’ ಚಿತ್ರವನ್ನು ನಿರ್ದೇಶಿಸಿದ್ದ ದೇವರಾಜ ಕುಮಾರ್‌ ಈ ಚಿತ್ರದಲ್ಲಿ ನಾಯಕ ನಟನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ ಜೊತೆಗೆ ಚಿತ್ರಕ್ಕೆ ಅವರೇ ಕಥೆ, ಚಿತ್ರಕಥೆ ಬರೆದು ಆ್ಯಕ್ಷನ್‌-ಕಟ್‌ ಹೇಳಿದ್ದಾರೆ.

ಈಗಾಗಲೇ “ತಾಜ್‌ ಮಹಲ್‌-2′ ಸಿನಿಮಾದ ಚಿತ್ರೀಕರಣ ಪೂರ್ಣಗೊಂಡಿದ್ದು, ಇತ್ತೀಚೆಗೆ “ತಾಜ್‌ ಮಹಲ್‌-2′ ಚಿತ್ರದ ಹಾಡುಗಳು ಬಿಡುಗಡೆಯಾಯಿತು.

ಕರ್ನಾಟಕ ಚಲನಚಿತ್ರ ಕಲಾವಿದರ ಸಂಘದ ಸಭಾಂಗಣದಲ್ಲಿ ನಡೆದ “ತಾಜ್‌ ಮಹಲ್‌-2′ ಚಿತ್ರದ ಹಾಡುಗಳನ್ನು ನಟ ರೋರಿಂಗ್‌ ಸ್ಟಾರ್‌ ಶ್ರೀಮುರಳಿ, ಹಿರಿಯ ನಿರ್ಮಾಪಕ ಎಸ್‌. ಎ ಚಿನ್ನೇಗೌಡ ಬಿಡುಗಡೆಗೊಳಿಸಿದರು.

ಇದನ್ನೂ ಓದಿ: ಹೋಮ್ ಮಿನಿಸ್ಟರ್ ಟ್ರೈಲರ್ : ಹೆಣ್ತನ ತೋರಿ ಕುತೂಹಲ ಮೂಡಿಸಿದ ಉಪ್ಪಿ!

ನಿರ್ಮಾಪಕರಾದ ಭಾ. ಮ ಹರೀಶ್‌, ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿ ಉಪಾಧ್ಯಕ್ಷ ಉಮೇಶ್‌ ಬಣಕಾರ್‌, ನಿರ್ದೇಶಕ ವಿಕ್ಟರಿ ವಾಸು, ಸುನೀಲ್‌ ಕುಮಾರ್‌, ಭಾ. ಮ ಗಿರೀಶ್‌, ನಟ ಕಾಕ್ರೋಚ್‌ ಸುಧಿ ಸೇರಿದಂತೆ ಚಿತ್ರರಂಗದ ಅನೇಕರು ಹಾಜರಿದ್ದರು.

ಇನ್ನು ಔಟ್‌ ಆ್ಯಂಡ್‌ ಔಟ್‌ ರೊಮ್ಯಾಂಟಿಕ್‌ ಲವ್‌ ಕಥಾಹಂದರ ಹೊಂದಿರುವ “ತಾಜ್‌ ಮಹಲ್‌-2′ ಸಿನಿಮಾದ ಹಾಡುಗಳಿಗೆ ವಿಕ್ರಂ ಸೆಲ್ವ ಸಂಗೀತ ಸಂಯೋಜಿಸಿದ್ದಾರೆ.

ಈಗಾಗಲೇ “ತಾಜ್‌ ಮಹಲ್‌-2′ ಪೋಸ್ಟ್‌ ಪ್ರೊಡಕ್ಷನ್‌ ಕೆಲಸಗಳು ಅಂತಿಮ ಹಂತದಲ್ಲಿದ್ದು, ಸದ್ಯ ಆಡಿಯೋ ಬಿಡುಗಡೆಯ ಮೂಲಕ “ತಾಜ್‌ ಮಹಲ್‌-2′ ಚಿತ್ರದ ಪ್ರಚಾರ ಕಾರ್ಯಗಳಿಗೆ ಚಾಲನೆ ನೀಡಿರುವ ಚಿತ್ರತಂಡ, ಮೇ ಅಂತ್ಯದೊಳಗೆ ಚಿತ್ರವನ್ನು ಪ್ರೇಕ್ಷಕರ ಮುಂದೆ ತರುವ ಯೋಚನೆಯಲ್ಲಿದೆ.