ಹೊಸ ವರ್ಷದಲ್ಲಿ ರೌಡಿ ಬೇಬಿ ತೆರೆಗೆ

Team Udayavani, Dec 3, 2019, 1:28 PM IST

“ಸುಮುಖ ಎಂಟರ್‌ಟೈನರ್‘ ಹಾಗೂ “ವಾರ್‌ ಫ‚‌ುಟ್‌ ಸ್ಟುಡಿಯೋಸ್‌‘ ಬ್ಯಾನರ್‌ನಲ್ಲಿ ಎಸ್‌.ಎಸ್‌ ರವಿಗೌಡ ಹಾಗೂಶ್ರೀಮತಿ ಶ್ಯಾಮಲಾ ರೆಡ್ಡಿ ಜಂಟಿಯಾಗಿ ನಿರ್ಮಿಸುತ್ತಿರುವ “ರೌಡಿ ಬೇಬಿ‘ ಚಿತ್ರ ಸದ್ಯ ಪೋಸ್ಟ್‌ ಪ್ರೊಡಕ್ಷನ್‌ ಕೆಲಸಗಳಲ್ಲಿ ನಿರತವಾಗಿದೆ.

ಈ ಹಿಂದೆ “ಪ್ರಯಾಣಿಕರ ಗಮನಕ್ಕೆ‘ ಚಿತ್ರದಲ್ಲಿ ಸಹಾಯಕ ನಿರ್ದೇಶಕರಾಗಿ ಕಾರ್ಯ ನಿರ್ವಹಿಸಿದ್ದ ರೆಡ್ಡಿ ಕೃಷ್ಣಅವರು ಈ ಚಿತ್ರದ ಮೂಲಕ ಸ್ವತಂತ್ರ ನಿರ್ದೇಶಕರಾಗಿದ್ದಾರೆ. ಇನ್ನು ಚಿತ್ರದ ಹಾಡುಗಳಿಗೆ ಅರ್ಮಾನ್‌ ಸಂಗೀತಸಂಯೋಜಿಸುತ್ತಿದ್ದು, ಚಿತ್ರಕ್ಕಾಗಿ ಡಾ. ವಿ. ನಾಗೇಂದ್ರ ಪ್ರಸಾದ್‌ ಅವರು ಬರೆದಿರುವ “ಸಾಗು ಮುಂದೆ ಸಾಗು ಈ ಭೂಮಿ ದೊಡ್ಡದು‘ ಹಾಡನ್ನು ಕನ್ನಡದ ರ್ಯಾಪರ್‌ ಖ್ಯಾತಿಯ ಗಾಯಕ ಚಂದನ್‌ ಶೆಟ್ಟಿ ಹಾಡಿದ್ದಾರೆ. ಉಳಿದಂತೆ ಚಿತ್ರದಲ್ಲಿ ನಾಲ್ಕು ಹಾಡುಗಳಿದ್ದು, ಡಾ. ವಿ. ನಾಗೇಂದ್ರಪ್ರಸಾದ್‌, ಸಿಂಪಲ್‌ ಸುನಿ, ಚೇತನ್‌ ಕುಮಾರ್‌, ಕಿನಾಲ್‌ ರಾಜ್‌ ಹಾಡುಗಳನ್ನು ಬರೆದಿದ್ದಾರೆ.

ಚಿತ್ರಕ್ಕೆ ಸಾಮ್ರಾಟ್‌ ಛಾಯಾಗ್ರಹಣ, ಪ್ರಮೋದ್‌ ಸೋಮರಾಜ್‌ ಸಂಕಲನ ಕಾರ್ಯವಿದೆ. ಹಾಡುಗಳಿಗೆ ಮುರಳಿನೃತ್ಯ ಸಂಯೋಜನೆಯಿದ್ದು, ಎರಡು ಸಾಹಸ ಸನ್ನಿವೇಶಗಳಿಗೆ ಚಂದ್ರು ಸಾಹಸ ಸಂಯೋಜನೆ ಮಾಡಿದ್ದಾರೆ. ಚೇತನ್‌ ಕುಮಾರ್‌ ಚಿತ್ರಕ್ಕೆ ಸಂಭಾಷಣೆ ಬರೆದಿದ್ದಾರೆ. ನಿರ್ಮಾಪಕ ರವಿಗೌಡ ಅವರು ಈ ಚಿತ್ರದ ನಾಯಕರಾಗಿ ನಟಿಸಿದ್ದು, ಹೀರಾ ಕೌರ್‌, ದಿವ್ಯಾ ರಾವ್‌, ಅರುಣಾ ಬಾಲರಾಜ್‌, ಅಮಿತ್‌, ಕೆಂಪೇಗೌಡ, ಶ್ರೀನಾಥ್‌ ವಸಿಷ್ಠ ಮುಂತಾದವರು ಈ ಚಿತ್ರದ ತಾರಾಬಳಗದಲ್ಲಿದ್ದಾರೆ. ಮಂಗಳೂರು, ಕೇರಳ, ಬೆಂಗಳೂರು ಮುಂತಾದ ಕಡೆ ಸುಮಾರು ಮೂವತ್ತು ದಿನಗಳ ಚಿತ್ರೀಕರಣ ನಡೆದಿದೆ. ಮುಂದಿನ ವರ್ಷದ ಆರಂಭದಲ್ಲಿ “ರೌಡಿ ಬೇಬಿ‘ ಚಿತ್ರ ತೆರೆಗೆ ಬರುವ ಸಾಧ್ಯತೆ ಇದೆ.