ಕಿರೀಟಿ ಅದ್ಧೂರಿ ಲಾಂಚ್‌

Team Udayavani, Mar 7, 2022, 1:24 PM IST

ಮಾಜಿ ಸಚಿವ ಜನಾರ್ದನ ರೆಡ್ಡಿ ಪುತ್ರ ಕಿರೀಟಿ ಹೀರೋ ಆಗಿ ಲಾಂಚ್‌ ಆಗಲಿದ್ದಾರೆಂಬ ಸುದ್ದಿಯನ್ನು ನೀವು ಕೇಳಿರುತ್ತೀರಿ. ಅದರಂತೆ ಇತ್ತೀಚೆಗೆ ಕಿರೀಟಿಯ ಚೊಚ್ಚಲ ಸಿನಿಮಾಕ್ಕೆ ಅದ್ಧೂರಿ ಮುಹೂರ್ತವಾಗಿದೆ.  ಖ್ಯಾತ ನಿರ್ದೇಶಕ ರಾಜ್‌ಮೌಳಿ ಮೊದಲ ದೃಶ್ಯಕ್ಕೆ ಕ್ಲಾಪ್‌ ಮಾಡಿ, ಶುಭ ಹಾರೈಸಿದ್ದಾರೆ.

ಇದೇ ವೇಳೆ ಕಿರೀಟಿಯ ಇಂಟ್ರೋಡಕ್ಷನ್‌ ಟೀಸರ್‌ ಅನ್ನು ತೋರಿಸಲಾಯಿತು. ಈ ಚಿತ್ರದಲ್ಲಿ ಶ್ರೀಲೀಲಾ ಹಾಗೂ ಜೆನಿಲಿಯಾ ನಾಯಕಿಯರು. ಈ ಚಿತ್ರದ ಮೂಲಕ ಜೆನಿಲಿಯಾದೊಡ್ಡ ಗ್ಯಾಪ್‌ನ ನಂತರ ಮತ್ತೆ ಕನ್ನಡ ಚಿತ್ರದಲ್ಲಿ ನಟಿಸಿದಂತಾಗಿದೆ.

ಕಿರೀಟಿ ಕನ್ನಡ ಹಾಗೂ ತೆಲುಗಿನಲ್ಲಿ ಲಾಂಚ್‌ ಆಗಿದ್ದು, ರಾಧಾಕೃಷ್ಣ ಎನ್ನುವವರು ಈ ಸಿನಿಮಾದ ನಿರ್ದೇಶಕರು.

ಚಿತ್ರವನ್ನು ತೆಲುಗಿನ ಹೆಸರಾಂತ ನಿರ್ಮಾಣ ಸಂಸ್ಥೆ ವಾರಾಹಿ ಫಿಲಂಸ್‌ ನಿರ್ಮಿಸುತ್ತಿದ್ದು, ಸಾಯಿ ಕೊರಪಾಠಿ ನಿರ್ಮಿಸುತ್ತಿದ್ದಾರೆ. ಇದು ಲವ್‌ ಕಂ ಫ್ಯಾಮಿಲಿ ಎಂಟರ್‌ಟೈನರ್‌ಸಿನಿಮಾವಾಗಿದ್ದು, ದೊಡ್ಡತಾರಾಬಳಗ ಇರಲಿದೆ.

ಚಿತ್ರದಲ್ಲಿ ರವಿಚಂದ್ರನ್‌ಕೂಡಾ ಪ್ರಮುಖ ಪಾತ್ರಮಾಡುತ್ತಿದ್ದಾರೆ. ಚಿತ್ರಕ್ಕೆತೆಲುಗಿನ ಖ್ಯಾತ ಸಂಗೀತನಿರ್ದೇಶಕ ದೇವಿಶ್ರೀಪ್ರಸಾದ್‌ಸಂಗೀತ, ಸೆಂಥಿಲ್‌ ಕುಮಾರ್‌ಛಾಯಾಗ್ರಹಣ, ಪೀಟರ್‌ ಹೆನ್‌ ಸಾಹಸ ಇದೆ.