ವೈರಲ್ ಆಗ್ತಿದೆ ದುನಿಯಾ ವಿಜಿ ಅಭಿನಯದ “ಸಲಗ”ನ ಸೂಪರ್ ಸಾಂಗ್

Team Udayavani, Jan 7, 2020, 10:34 AM IST

ಬೆಂಗಳೂರು:ಸದ್ಯ ಸ್ಯಾಂಡಲ್ ವುಡ್ ನಲ್ಲಿ ದುನಿಯಾ ವಿಜಿ ಅಭಿನಯದ ಸಲಗ ಚಿತ್ರ ದಿನಕ್ಕೊಂದು ಕ್ಯೂರಿಯಾಸಿಟಿನ ಹೊರಹಾಕ್ತಿದೆ. ದಿಮೋಸ್ಟ್ ಎಕ್ಸ್ಪೆಕ್ಟೆಡ್ ಸಿನಿಮಾ “ಸಲಗ” ಈ ಹಿಂದೆ ಮೇಕಿಂಗ್ ವಿಡಿಯೋ ಮೂಲಕ ತನ್ನ ಫ್ಯಾಂಟಸಿ ಏನು ಅಭಿಮಾನಿಗಳಿಗೆ ತೋರಿಸಿ ತನ್ನದೇ ಆದ ಕ್ರೇಜ್ ಹುಟ್ಟಿಸಿತ್ತು. ಈಗ ಚಿತ್ರದ ‘ಸೂರಿ ಅಣ್ಣ’ ವೀಡಿಯೋ ಸಾಂಗ್ ಈಗ ಸಿಕ್ಕಾಪಟ್ಟೆ ಸೌಂಡ್ ಮಾಡುತ್ತಿದೆ.

ಎಸ್ ಬ್ಲಾಕ್ ಕೋಬ್ರಾ ದುನಿಯಾ ವಿಜಿಯ ಮೊದಲ ಡೈರಕ್ಷನ್ ನ ಸಲಗದ ಸಖತ್ ವೀಡಿಯೋ ಸಾಂಗ್ ವೊಂದನ್ನ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅವರಿಂದ ಯೂ ಟ್ಯೂಬ್ ಲೋಕಕ್ಕೆ ಹರಿಬಿಡಲಾಗಿತ್ತು.ಈ ಸಾಂಗ್ ಈಗ ಎಲ್ಲೆಡೆ ವೈರಲ್ ಆಗ್ತಿದ್ದು ಅಭಿಮಾನಿಗಳ ಸಲಗ ದ ಕ್ರೇಜ್ ಇನ್ನಷ್ಟು ಹೆಚ್ಚುಮಾಡ್ತಿದೆ.

ಇನ್ನು ಈ ಚಿತ್ರದಲ್ಲಿ ಧನಂಜಯ್ ರ ಪೊಲೀಸ್ ಕ್ಯಾರೆಕ್ಟರ್ ಕೂಡ ಅಷ್ಟೇ ಕ್ಯೂರಿಯಾಸಿಟಿ ಹುಟ್ಟಿಸಿದ್ದು, ಸಲಗದ ಪ್ರತೀ ಪೋಸ್ಟರ್ ಹಾಗೂ ಅಪ್ಡೇಟ್ ಗಳು ಸಿನಿಮಾದ ನಿರೀಕ್ಷೆಯನ್ನ ದುಪ್ಪಟ್ಟು ಮಾಡೋದ್ರ ಜೊತೆ ಸಿನಿಪ್ರಿಯರ ನಿದ್ದೆ ಕದಿತಿದೆ..ಚಿತ್ರಕ್ಕೆ ಚರಣ್ ರಾಜ್ ಸಂಗೀತ ನಿರ್ದೇಶನವಿದ್ದು, ಸೂರಿ ಅಣ್ಣ ಹಾಡಿನ ಮೂಲಕ ತಮ್ಮ ಜಲಕ್ ನ ತೋರಿಸಿದ್ದಾಗಿದೆ.

ಟಗರು ಚಿತ್ರ ಖ್ಯಾತಿಯ ನಿರ್ಮಾಪಕ ಕೆ.ಪಿ. ಶ್ರೀಕಾಂತ್ ನಿರ್ಮಿಸಿದ್ದು ,ಸಂಜನಾ ಆನಂದ್ ನಾಯಕಿಯಾಗಿ ಬಣ್ಣ ಹಚ್ಚಿದ್ದು, ಸದ್ಯದಲ್ಲೇ ಬೆಳ್ಳಿ ಪರದೆ ಮೇಲೆ ಸಲಗ ನ ಆರ್ಭಟ ಸದ್ದು ಮಾಡಲಿದೆ.