ನಟಿ ಸಂಯುಕ್ತಾ ಹೊರನಾಡು ಕೈಗೆ ಸುತ್ತಿಕೊಂಡ ಹಾವು, ಬೆಚ್ಚಿಬಿದ್ದ ಅಭಿಮಾನಿಗಳು !

Team Udayavani, Jul 16, 2020, 12:51 PM IST

ಬೆಂಗಳೂರು: ಸ್ಯಾಂಡಲ್ ವುಡ್ ನಟಿ ಸಂಯುಕ್ತಾ ಹೊರನಾಡು ‘ವಿಶ್ವ ಹಾವುಗಳ ದಿನ’ದಂದು(world snake day-july16)  ಅಭಿಮಾನಿಗಳಿಗೆ ಅಚ್ಚರಿಯ ಜೊತೆಗೆ ಅಘಾತವನ್ನು ನೀಡಿದ್ದಾರೆ.

ಹೌದು, ಭಾರೀ ಗಾತ್ರದ ಹಾವೊಂದು ಕೈಗೆ ಸುತ್ತಿಕೊಂಡಿರುವ ವಿಡಿಯೋವನ್ನು ಟ್ವಿಟ್ಟರ್ ನಲ್ಲಿ ಅಪ್ಲೋಡ್ ಮಾಡಿದ್ದು, ಸಂಯುಕ್ತಾ ಅವರ ಎದೆಗಾರಿಕೆ ಕಂಡು ಅಭಿಮಾನಿಗಳು ಭೇಷ್ ಎಂದಿದ್ದಾರೆ. 40 ಸೆಕೆಂಡುಗಳ ಈ ವಿಡಿಯೋದಲ್ಲಿ  ಕಪ್ಪು ಮತ್ತು ಚಿನ್ನದ ಕಲರಿನ ಚುಕ್ಕೆ ಹೊಂದಿರುವ ಹಾವನ್ನು ಹಿಡಿದುಕೊಂಡಿದ್ದು, ಹ್ಯಾಪಿ ವರ್ಲ್ಡ್ ಸ್ನೇಕ್ ಡೇ ಎಂದು ಬರೆದುಕೊಂಡಿದ್ದಾರೆ.

Happy #WorldSnakeDay 🙂 pic.twitter.com/QXnZzmnOVg

— Samyukta Hornad (@samyuktahornad) July 16, 2020

ಅಭಿಮಾನಿಯೊಬ್ಬರು ಇದು ನಿಮ್ಮ ಸಾಕು ಪ್ರಾಣಿಯೇ ಎಂದು ಪ್ರಶ್ನಿಸಿದ್ದು, ಇದಕ್ಕೆ ಸಂಯುಕ್ತಾ’ ನನ್ನ ಸ್ನೇಹಿತರೊಬ್ಬರು ರಕ್ಷಿಸಿದ ಹಾವು ಇದಾಗಿದ್ದು, ಸುರಕ್ಷಿತವಾಗಿ ಕಾಡಿಗೆ ಬಿಡಲಾಗಿದೆ ಎಂದಿದ್ದಾರೆ.

ಇಂದು ವಿಶ್ವ ಹಾವು ದಿನ. ಹಾವಿನ ಬಗ್ಗೆ ಜನರಲ್ಲಿರುವ ಅನಗತ್ಯ ಭಯವನ್ನು ಹೋಗಲಾಡಿಸಿ, ಹಾವುಗಳ ಮಹತ್ವ, ಅದರ ವಿವಿಧ ತಳಿಗಳ ಉಳಿವಿಗಾಗಿ ಮಾಡಬೇಕಾದ ಪ್ರಯತ್ನಗಳ ಬಗ್ಗೆ ಜಾಗೃತಿ ಮೂಡಿಸುವ ಸಲುವಾಗಿ ಪ್ರತಿವರ್ಷ ಜುಲೈ 16ರಂದು ಭಾರತ ಸೇರಿದಂತೆ ವಿಶ್ವದಾದ್ಯಂತ ವಿಶ್ವ ಹಾವುಗಳ ದಿನ ಆಚರಿಸಲಾಗುತ್ತದೆ. ಜಗತ್ತಿನಲ್ಲಿ 3,500ಕ್ಕೂ ಹೆಚ್ಚು ಜಾತಿಯ ಹಾವುಗಳಿದ್ದು ಅವುಗಳ ಪೈಕಿ 600 ಹಾವುಗಳು ವಿಷಕಾರಿಯಾಗಿವೆ. ಈ 600 ವಿಷಕಾರಿ ಹಾವುಗಳ ಪೈಕಿ 330 ವಿಷಕಾರಿ ಹಾವುಗಳು ಭಾರತದಲ್ಲೇ ಇವೆ.