![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
Sandalwood: ಗಣೇಶ ಹಬ್ಬಕ್ಕೆ ಸ್ಯಾಂಡಲ್ ವುಡ್ ಬ್ಯುಸಿ: ರಿಲೀಸ್ ಆಗಲಿದೆ ಟೀಸರ್,ಸಾಂಗ್..
Team Udayavani, Sep 12, 2023, 4:19 PM IST
![Sandalwood: ಗಣೇಶ ಹಬ್ಬಕ್ಕೆ ಸ್ಯಾಂಡಲ್ ವುಡ್ ಬ್ಯುಸಿ: ರಿಲೀಸ್ ಆಗಲಿದೆ ಟೀಸರ್,ಸಾಂಗ್..](https://www.udayavani.com/wp-content/uploads/2023/09/tdy-17-8-620x372.jpg)
ಬೆಂಗಳೂರು: ಗಣೇಶ ಹಬ್ಬ ಹತ್ತಿರ ಬರುತ್ತಿದೆ ಪ್ರತಿ ವರ್ಷ ಗೌರಿ – ಗಣೇಶ ಹಬ್ಬದಂದು ಬಣ್ಣದ ಲೋಕದಿಂದ ವಿವಿಧ ಚಿತ್ರತಂಡಗಳು ತಮ್ಮ ಸಿನಿಮಾದ ಟೀಸರ್, ಪೋಸ್ಟರ್, ಹಾಡು.. ಹೀಗೆ ಒಂದಲ್ಲ ಒಂದು ತುಣುಕನ್ನು ರಿವೀಲ್ ಮಾಡುತ್ತವೆ.
ಸ್ಯಾಂಡಲ್ ವುಡ್ ನಲ್ಲಿ ಈ ವರ್ಷದೊಳಗೆ ರಿಲೀಸ್ ಆಗಲಿರುವ ಸಿನಿಮಾಗಳು ಈಗಾಗಲೇ ತನ್ನ ಒಂದೊಂದೇ ಝಲಕ್ ನಿಂದ ಹೈಪ್ ಕ್ರಿಯೇಟ್ ಮಾಡಿವೆ. ಉಪೇಂದ್ರ ಅವರ ʼಯುಐʼ, ಶಿವರಾಜ್ ಕುಮಾರ್ ಅವರ ʼಘೋಸ್ಟ್ʼ, ಧ್ರುವ ಸರ್ಜಾರ ಅವರ ʼಮಾರ್ಟಿನ್ʼ ಹೀಗೆ ಸ್ಯಾಂಡಲ್ ವುಡ್ ನಲ್ಲಿ ಮುಂದೆ ರಿಲೀಸ್ ಆಗಲಿರುವ ಸಿನಿಮಾಗಳು ತನ್ನ ಪೋಸ್ಟರ್, ಟೀಸರ್ ತುಣುಕಿನಿಂದ ನಿರೀಕ್ಷೆ ಹೆಚ್ಚಿಸಿದೆ.
ಉಪ್ಪಿ ಹುಟ್ಟುಹಬ್ಬ/ ಗಣೇಶ ಹಬ್ಬಕ್ಕೆ ʼಯುಐʼ ಟೀಸರ್: ರಿಯಲ್ ಸ್ಟಾರ್ ಉಪೇಂದ್ರ ಅವರು ಬಹು ಸಮಯದ ಬಳಿಕ ನಿರ್ದೇಶನಕ್ಕಿಳಿದಿರುವ ʼಯುಐʼ ಸಿನಿಮಾ ಬಹು ನಿರೀಕ್ಷಿತ ಸಿನಿಮಾಗಳಲ್ಲೊಂದು. ರಿಲೀಸ್ ಡೇಟ್ ಗೂ ಮುನ್ನವೇ ವಿಭಿನ್ನ ಪ್ರಚಾರದಲ್ಲಿ ಸಿನಿಮಾತಂಡ ನಿರತವಾಗಿದೆ. ಈಗಾಗಲೇ ಟೀಸರ್ ರಿಲೀಸ್ ವಿಚಾರದಲ್ಲಿ ಎರಡು ವಿಡಿಯೋಗಳನ್ನು ರಿಲೀಸ್ ಮಾಡಿ, ಉಪ್ಪಿ ತಲೆಗೆ ಹುಳು ಬಿಟ್ಟಿದ್ದಾರೆ. ಸೆಪ್ಟೆಂಬರ್ 18ರಂದು ಮಧ್ಯಾಹ್ನ 3 ಗಂಟೆಗೆ ಊರ್ವಶಿ ಥಿಯೇಟರ್ನಲ್ಲಿ ಟೀಸರ್ ರಿಲೀಸ್ ಆಗಲಿದೆ ಎಂದು ಉಪ್ಪಿ ಹೇಳಿದ್ದಾರೆ. ಅಂದಹಾಗೆ ಸೆ.18 ರಂದು ರಿಯಲ್ ಸ್ಟಾರ್ ಉಪ್ಪಿ ಅವರ ಹುಟ್ಟುಹಬ್ಬವಿದೆ.
ಈ ಸಿನಿಮಾದಲ್ಲಿ ಈ ಚಿತ್ರವನ್ನು ಕೆ.ಪಿ. ಶ್ರೀಕಾಂತ್ ಮತ್ತು ಜಿ. ಮನೋಹರನ್ ಅವರು ನಿರ್ಮಾಣ ಮಾಡುತ್ತಿದ್ದಾರೆ. ಸಿನಿಮಾದಲ್ಲಿ ರೀಷ್ಮಾ ನಾಣಯ್ಯ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದು,ನಿಧಿ ಸುಬ್ಬಯ್ಯ, ಇಂದ್ರಜಿತ್ ಲಂಕೇಶ್ ಹಾಗೂ ಪ್ರಶಾಂತ್ ಸಂಬರಗಿ ಮುಂತಾದವರು ನಟಿಸಿದ್ದಾರೆ.
ಗಣೇಶ ಹಬ್ಬಕ್ಕೆ ʼಘೋಷ್ಟ್ʼ ನಿಂದ ಸಾಂಗ್ ಗಿಫ್ಟ್?: ಶ್ರೀನಿ ನಿರ್ದೇಶನದ ʼಘೋಸ್ಟ್ʼ ಸಿನಿಮಾದ ಟೀಸರ್ ದೊಡ್ಡಮಟ್ಟದಲ್ಲಿ ಹಿಟ್ ಆಗಿದೆ. ʼಬಿಗ್ ಡ್ಯಾಡಿʼ ಆಗಿ ಶಿವರಾಜ್ ಕುಮಾರ್ ಲುಕ್ ಸಖತ್ ವೈರಲ್ ಆಗಿದೆ. ಗಣೇಶ ಹಬ್ಬದಂದು ಸಿನಿಮಾದ ಮೊದಲ ಹಾಡು ರಿಲೀಸ್ ಆಗಲಿದೆ ಎನ್ನಲಾಗುತ್ತಿದೆ. ಆದರೆ ಈ ಬಗ್ಗೆ ಚಿತ್ರತಂಡ ಇನ್ನಷ್ಟೇ ಅಧಿಕೃತವಾಗಿ ಅಪ್ಡೇಟ್ ನೀಡಬೇಕಿದೆ.
“ಘೋಸ್ಟ್’ ಸಿನಿಮಾದಲ್ಲಿ ಶಿವರಾಜಕುಮಾರ್ ಅವರೊಂದಿಗೆ ಅನುಪಮ್ ಖೇರ್, ಜಯರಾಂ, ಸತ್ಯಪ್ರಕಾಶ್, ಪ್ರಶಾಂತ್ ನಾರಾಯಣನ್, ದತ್ತಣ್ಣ, ಅಭಿಜಿತ್ ಮುಂತಾದವರು ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.
ಈ ಸಿನಿಮಾ “ಘೋಸ್ಟ್’ ಕನ್ನಡ ಸೇರಿದಂತೆ ಮೂರು ಭಾಷೆಗಳಲ್ಲಿ ತೆರೆಗೆ ಬರುತ್ತಿದೆ. “ಸಂದೇಶ್ ಪ್ರೊಡಕ್ಷನ್ಸ್’ ಬ್ಯಾನರ್ನಲ್ಲಿ ಸಂದೇಶ್ ಎನ್. ನಿರ್ಮಿಸಿದ್ದಾರೆ. ಅಕ್ಟೋಬರ್ ಸಿನಿಮಾ19ರಂದು ತೆರೆಕಾಣುತ್ತಿದೆ.
ಡಿಬಾಸ್ ಅಭಿಮಾನಿಗಳಿಗೆ ʼಕಾಟೇರʼನಿಂದ ಟೀಸರ್ ಝಲಕ್?
ಡಿಬಾಸ್ ದರ್ಶನ್ ಅವರ ʼಕಾಟೇರʼ ಸಿನಿಮಾ ಚಿತ್ರೀಕರಣವನ್ನು ಮುಗಿಸಿದ್ದು, 70 ರ ದಶಕದ ಕಥೆಯನ್ನು ತೆರೆ ಮೇಲೆ ತರಲು ಚಿತ್ರತಂಡ ರೆಡಿಯಾಗಿದೆ. ನೈಜ ಘಟನೆ ಸುತ್ತ ಈ ಸಿನಿಮಾ ತಯಾರಾಗಿದ್ದು ‘ರಾಬರ್ಟ್ʼ ಬಳಿಕ ತರುಣ್ ಸುಧೀರ್ ಅವರು ದರ್ಶನ್ ಅವರ ಸಿನಿಮಾಕ್ಕೆ ಮತ್ತೆ ಆ್ಯಕ್ಷನ್-ಕಟ್ ಹೇಳುತ್ತಿದ್ದಾರೆ. ಈ ಸಿನಿಮಾಕ್ಕೆ ರಾಕ್ಲೈನ್ ವೆಂಕಟೇಶ್ ಅವರು ಬಂಡವಾಳ ಹಾಕಿದ್ದಾರೆ.
ಈ ಸಿನಿಮಾದಲ್ಲಿ ಮಾಲಾಶ್ರೀ ಪುತ್ರಿ ಆರಾಧನಾ ರಾಮ್ ಅವರು ನಾಯಕಿಯಾಗಿ ನಟಿಸಿದ್ದಾರೆ.
ಇತ್ತೀಚೆಗಷ್ಟೇ ಸಿನಿಮಾ ತಂಡ ಸುದ್ದಿಗೋಷ್ಟಿ ನಡೆಸಿತ್ತು. “ಸ್ಟಾರ್ ಆಗಲಿ ಸ್ಟಾರ್ ಇಲ್ಲದೇ ಇರಲಿ ಸಿನಿಮಾ ದೊಡ್ಡದು. ನನ್ನ ಸಮಯ ಒಂದ್ ಸಿನಿಮಾಗೆ 85 ದಿನ ಮಾತ್ರ. ಸಿನಿಮಾದ 90% ಕೆಲಸ ಮುಗಿದಿದೆ. ಎಲ್ಲಿ ಪ್ರೀತಿ ಇರುತ್ತೋ ಅಲ್ಲಿ ಬಾಂಧವ್ಯ ಬೆಳೆಯುತ್ತೆ. ರಚಿತಾ ರಾಮ್ ಲೆವೆಲ್ಗೆ ನಮ್ಮ ಸಿನಿಮಾದ ನಾಯಕಿ ಆರಾಧನ ನಿಲ್ಲುತ್ತಾರೆ. ಗ್ಲಾಮರ್ ಪಾತ್ರವನ್ನು ಯಾರಾದ್ರು ಮಾಡಬಹುದು. ಆದರೆ ಕಾಟೇರ ಪಾತ್ರ ಮಾಡೋದು ಕಷ್ಟ. ಅದನ್ನು ಆರಾಧನಾ ಮಾಡಿದ್ದಾರೆ. ಇಡೀ ಸಿನಿಮಾಗೆ ನಿಮ್ಮ ಪ್ರೋತ್ಸಾಹ ಬೆಂಬಲ ಇರಲಿ” ಎಂದು ದರ್ಶನ್ ಈ ವೇಳೆ ಹೇಳಿದ್ದಾರೆ.
ಇದೀಗ ಗಣೇಶ ಹಬ್ಬದಂದು ಸಿನಿಮಾದ ಟೀಸರ್ ಪ್ರೇಕ್ಷಕರ ಮುಂದೆ ಬರಲಿದೆ ಎನ್ನುವ ಸುದ್ದಿಗಳು ಸ್ಯಾಂಡಲ್ ವುಡ್ ಹರಿದಾಡುತ್ತಿದೆ. ಟೀಸರ್ ಇಲ್ಲದಿದ್ರು ಏನಾದರೂ ಒಂದು ತುಣುಕು ಅಥವಾ ಪೋಸ್ಟರ್ ಗಣೇಶ್ ಹಬ್ಬಕ್ಕೆ ʼಕಾಟೇರʼ ನಿಂದ ಸಿಗೋದು ಪಕ್ಕಾ ಎಂದು ಅಭಿಮಾನಿಗಳ ನಿರೀಕ್ಷೆ.
ದುನಿಯಾ ವಿಜಯ್ ʼಭೀಮʼರಿಲೀಸ್ ಡೇಟ್ ಅನೌನ್ಸ್?: ʼಸಲಗʼ ಸಿನಿಮಾದ ಬಳಿಕ ದುನಿಯಾ ವಿಜಯ್ ಅವರು ಮತ್ತೊಂದು ರಗಡ್ ಲುಕ್ ನಲ್ಲಿ ಕಾಣಿಸಿಕೊಳ್ಳಲಿರುವ ʼಭೀಮʼ ಸಿನಿಮಾ ಒಂದೇ ಒಂದು ತುಣುಕಿನಿಂದ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಸಟ್ಟೇರಿದ ದಿನದಿಂದ ಸಿನಿಮಾ ಒಂದಲ್ಲ ಒಂದು ಕಾರಣದಿಂದ ಸುದ್ದಿಯಾಗುತ್ತಿದೆ. ಸಿನಿಮಾದ ಕುರಿತ ಅಪ್ಟೇಡ್ ಗಾಗಿ ಪ್ರೇಕ್ಷಕರು ಕಾಯುತ್ತಿದ್ದಾರೆ. ಇತ್ತೀಚೆಗೆ ದುನಿಯಾ ವಿಜಯ್ ʼಭೀಮʼ ನಿಂದ ʼಸೈಕ್ʼ ಅನೌನ್ಸ್ ಮೆಂಟ್ ಶೀಘ್ರದಲ್ಲಿ ಆಗಲಿದೆ ಎನ್ನುವ ಪೋಸ್ಟರ್ ವೊಂದನ್ನು ಹಂಚಿಕೊಂಡಿದ್ದಾರೆ.
ರಿಲೀಸ್ ಡೇಟ್ ಅನೌನ್ಸ್ ಅಥವಾ ಸಾಂಗ್ ಬಿಡುಗಡೆ ಆಗುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ. ದುನಿಯಾ ವಿಜಯ್ ನಿರ್ದೇಶನದ ಈ ಸಿನಿಮಾವನ್ನುಕೃಷ್ಣ ಸಾರ್ಥಕ್ ಮತ್ತು ಜಗದೀಶ್ ಗೌಡ ಅವರು ಈ ಸಿನಿಮಾವನ್ನು ನಿರ್ಮಾಣ ಮಾಡಿದ್ದಾರೆ. ಶಿವಸೇನಾ ಅವರ ಛಾಯಾಗ್ರಹಣ, ಚರಣ್ ರಾಜ್ ಅವರ ಸಂಗೀತ ನಿರ್ದೇಶನ, ಮಾಸ್ತಿ ಅವರ ಸಂಭಾಷಣೆ, ದೀಪು ಎಸ್. ಕುಮಾರ್ ಅವರ ಸಂಕಲನ ಈ ಚಿತ್ರಕ್ಕಿದೆ.
ದುನಿಯಾ ವಿಜಯ್ ಜೊತೆ ಅಚ್ಯುತ್ ಕುಮಾರ್, ರಂಗಾಯಣ ರಘು, ಕಾಕ್ರೋಚ್ ಸುಧಿ, ಅಶ್ವಿನಿ, ಕಲ್ಯಾಣಿ ಹಾಗೂ ಪ್ರಿಯಾ ಶಠಮರ್ಷಣ ಅವರು ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ಈ ಸಿನಿಮಾ ದೀಪಾವಳಿ ವೇಳಗೆ ರಿಲೀಸ್ ಆಗುವ ಸಾಧ್ಯತೆಯಿದೆ.
ಟಾಪ್ ನ್ಯೂಸ್
![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.