Police ವೃತ್ತಿ ಬದುಕಿನ ಸುತ್ತ ಸಸ್ಪೆನ್ಸ್‌ ಜರ್ನಿ:“ನಿಮ್ಮೆಲ್ಲರ ಆಶೀರ್ವಾದ’ʼ ಟ್ರೇಲರ್‌ ಔಟ್

Team Udayavani, Jul 13, 2023, 6:20 PM IST

ಬೆಂಗಳೂರು: ತನ್ನ ಟೈಟಲ್‌ ಮೂಲಕವೇ ಗಮನ ಸೆಳೆದಿರುವ “ನಿಮ್ಮೆಲ್ಲರ ಆಶೀರ್ವಾದ’ʼ ಸಿನಿಮಾದ ಟ್ರೇಲರ್‌ ಗುರುವಾರ (ಜು.13 ರಂದು) ರಿಲೀಸ್‌ ಆಗಿದೆ.

ಆಶೀರ್ವಾದ್‌ ಎನ್ನುವ ಪೊಲೀಸ್ ಅಧಿಕಾರಿಯ ವೃತ್ತಿ ಬದುಕಿನ ಸುತ್ತ ಸಿನಿಮಾದ ಕಥೆ ಸಾಗುತ್ತದೆ ಎನ್ನುವುದನ್ನು ಟ್ರೇಲರ್‌ ನಲ್ಲಿ ಒಂದಷ್ಟು ಕುತೂಹಲವುಳ್ಳ ಅಂಶಗಳೊಂದಿಗೆ ತೋರಿಸಲಾಗಿದೆ.

ವೃತ್ತಿ ಬದುಕನ್ನು ಅಷ್ಟಾಗಿ ಗಂಭೀರವಾಗಿ ಸ್ವೀಕರಿಸದೆ ಇರುವ ಆಶೀರ್ವಾದ್‌ ಥೋಮಸ್‌ ಅವರ ಠಾಣಾ ವ್ಯಾಪ್ತಿಗೆ ನಾಪತ್ತೆಯಾಗಿರುವ ಪ್ರಕರಣವೊಂದು ಬರುತ್ತದೆ ಇದರ ಸುತ್ತವೇ ಕಥೆ ಸಾಗುತ್ತದೆ ಎನ್ನುವುದನ್ನು ಟ್ರೇಲರ್‌ ಹಾಸ್ಯ ಹಾಗೂ ಕುತೂಹಲ ಅಂಶಗಳನ್ನು ಸೇರಿಸಿ ತೋರಿಸಲಾಗಿದೆ.

ಕರಾವಳಿ ತೀರದ ಸುಂದರ ತಾಣ ಹಾಗೂ ಪೊಲೀಸ್‌ ಅಧಿಕಾರಿಯ ವೃತ್ತಿ ಬದುಕು ಅದರ ನಡುವೆಯೊಂದು ಪ್ರೇಮ.. ಹೀಗೆ ಟ್ರೇಲರ್‌ ಪ್ರೇಕ್ಷಕರ ಗಮನ ಸೆಳೆಯುತ್ತದೆ.

ಈಗಾಗಲೇ “ಆಸರೆ” ಎನ್ನುವ ರೊಮ್ಯಾಂಟಿಕ್ ಹಾಡಿನಿಂದ ಗಮನ ಸೆಳೆದಿರುವ ಚಿತ್ರತಂಡ ಇದೀಗ ಟ್ರೇಲರ್‌ ರಿಲೀಸ್‌ ಮಾಡಿದೆ. ವರುಣ್‌ ಸಿನಿ ಕ್ರಿಯೇಶನ್ಸ್‌ನಡಿ ವರುಣ್‌ ಹೆಗ್ಡೆ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದು, ರವಿಕಿರಣ್‌ ನಿರ್ದೇಶನ ಮಾಡಿದ್ದಾರೆ.

ಚಿತ್ರದಲ್ಲಿ ಪ್ರತೀಕ್ ಶೆಟ್ಟಿ ಮತ್ತು ಪಾಯಲ್ ರಾಧಾಕೃಷ್ಣ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಇವರೊಂದಿಗೆ ಎಂ. ಎನ್‌.ಲಕ್ಷ್ಮೀದೇವಿ, ಅರವಿಂದ ಬೋಳಾರ್‌, ಗೋವಿಂದೇಗೌಡ, ಸ್ವಾತಿ ಗುರುದತ್‌, ದಿನೇಶ್‌ ಮಂಗಳೂರು ಸೇರಿ ಹಲವರಿದ್ದಾರೆ.

ಚಿತ್ರಕ್ಕೆ ಸರವಣನ್‌ ಜಿ.ಎನ್‌ ಛಾಯಾಗ್ರಹಣ, ರಘು ನಿಡುವಳ್ಳಿ ಸಂಭಾಷಣೆ, ರೂಪೇಂದ್ರ ಆಚಾರ್‌ ಕಲಾ ನಿರ್ದೇಶನ, ಸುನಾದ್‌ ಗೌತಮ್‌ ಸಂಗೀತ ಮತ್ತು ವಿವೇಕ್‌ ಚಕ್ರವರ್ತಿ ಹಿನ್ನೆಲೆ ಸಂಗೀತ, ಸುರೇಶ್‌ ಆರುಮುಗಂ ಸಂಕಲನವಿದೆ.