ರ್ಯಾಪರ್‌ ಚಂದನ್‌ ಶೆಟ್ಟಿಗೆ ಜೋಡಿಯಾದ ಸಂಜನಾ ಆನಂದ್‌

Team Udayavani, Dec 22, 2022, 3:21 PM IST

ನಟಿ ಸಂಜನಾ ಆನಂದ್‌ ನಾಯಕಿಯಾಗಿ ಅಭಿನಯಿಸುತ್ತಿರುವ “ಸೂತ್ರಧಾರಿ’ ಸಿನಿಮಾದ ಚಿತ್ರೀಕರಣ ಕೊನೆ ಹಂತಕ್ಕೆ ತಲುಪಿದೆ. ಇನ್ನು “ಸೂತ್ರಧಾರಿ’ ಸಿನಿಮಾದಲ್ಲಿ ತೆರೆಮೇಲೆ ಕನ್ನಡ ರ್ಯಾಪರ್‌ ಚಂದನ್‌ ಶೆಟ್ಟಿ ನಾಯಕನಾಗಿ ಅಭಿನಯಿಸುತ್ತಿದ್ದು, ಚಂದನ್‌ ಶೆಟ್ಟಿಗೆ ಸಂಜನಾ ಆನಂದ್‌ ನಾಯಕಿಯಾಗಿ ಜೋಡಿಯಾಗುತ್ತಿದ್ದಾರೆ.

“ಸೂತ್ರಧಾರಿ’ ಸಿನಿಮಾದ ಹಾಡುಗಳಿಗೆ ಚಂದನ್‌ ಶೆಟ್ಟಿ ಸಂಗೀತ ವನ್ನೂ ಸಂಯೋಜಿಸಿದ್ದು, ಜೊತೆಗೆ ಗೀತೆಯೊಂದಕ್ಕೆ ಧ್ವನಿಯಾಗಿದ್ದಾರೆ. ನವರಸನ್‌ ನಿರ್ಮಾಣದಲ್ಲಿ ಮೂಡಿ ಬರುತ್ತಿರುವ “ಸೂತ್ರಧಾರಿ’ ಸಿನಿಮಾದ 90% ಚಿತ್ರೀಕರಣ ಈಗಾಗಲೇ ಮುಕ್ತಾ ಯವಾಗಿದ್ದು, ಸದ್ಯ ಸಿನಿಮಾದ ಹಾಡುಗಳ ಚಿತ್ರೀಕರಣಕ್ಕೆ ಚಿತ್ರತಂಡ ಮುಂದಾ ಗಿದೆ.

ಅಂದಹಾಗೆ, “ಸೂತ್ರದಾರಿ’ ಸಿನಿಮಾದಲ್ಲಿ ಸಂಜನಾ ಆನಂದ್‌ ಮತ್ತು ಚಂದನ್‌ ಶೆಟ್ಟಿ ಜೋಡಿಯಾಗಿ ಕಾಣಿಸಿಕೊಂಡಿರುವ ಮೊದಲ ಹಾಡು ಇದೇ ಡಿಸೆಂಬರ್‌ 27ಕ್ಕೆ ಸಾಮಾಜಿಕ ಜಾಲತಾಣಗಳಲ್ಲಿ ಬಿಡುಗಡೆಯಾಗುತ್ತಿದೆ