Sathish Ninasam: ಬರಲಿದೆ ಅಯೋಗ್ಯ-2

Team Udayavani, Dec 4, 2024, 11:11 AM IST

ಅಯೋಗ್ಯ- ನೀನಾಸಂ ಸತೀಶ್‌ಗೆ ಒಂದು ಬ್ರೇಕ್‌ ಕೊಟ್ಟ ಸಿನಿಮಾ. ಸತೀಶ್‌ ಹಾಗೂ ರಚಿತಾ ರಾಮ್‌ ಜೋಡಿಗೆ ಮೆಚ್ಚುಗೆ ವ್ಯಕ್ತವಾಗುವ ಮೂಲಕ ಚಿತ್ರ ಕೂಡಾ ಹಿಟ್‌ಲಿಸ್ಟ್‌ ಸೇರಿತ್ತು. ಈಗ ಮತ್ತೆ ಈ ಜೋಡಿ ಮೋಡಿ ಮಾಡಲು ಮುಂದಾಗಿದ್ದಾರೆ. ಅದು “ಅಯೋಗ್ಯ-2′ ಮೂಲಕ.

ಹೌದು, ಹಿಟ್‌ ಸಿನಿಮಾವೊಂದರ ಮುಂದುವರೆದ ಭಾಗ ಮಾಡುವ ಯೋಚನೆ ಸಿನಿಮಾ ಮಂದಿಯ ತಲೆಯಲ್ಲಿ ಓಡುತ್ತಲೇ ಇರುತ್ತದೆ. ಅದರಂತೆ ಈಗ “ಅಯೋಗ್ಯ-2′ ಚಿತ್ರ ಸೆಟ್ಟೇರಲು ಸಿದ್ಧವಾಗಿದೆ.

“ಅಯೋಗ್ಯ’ ಸಿನಿಮಾ ನಿರ್ದೇಶನ ಮಾಡಿದ್ದ ಮಹೇಶ್‌ ಕುಮಾರ್‌ ಅವರೇ ಈ ಸಿನಿಮಾವನ್ನು ನಿರ್ದೇಶನ ಮಾಡುತಿದ್ದಾರೆ. ಚಿತ್ರದ ನಿರ್ಮಾಣದ ಜವಾಬ್ದಾರಿಯನ್ನು ಎಂ.ಮುನೇಗೌಡ ವಹಿಸಿಕೊಂಡಿದ್ದಾರೆ. ಚಿತ್ರದ ಮುಹೂರ್ತ ಡಿ.11ರಂದು ನಡೆಯಲಿದೆ. ಈ ಮೂಲಕ ಮತ್ತೂಮ್ಮೆ ಸಿದ್ದೇಗೌಡ-ನಂದಿನಿ ಜೋಡಿ ಮಾಡಿ ಮಾಡಲಿದ್ದಾರೆ. ಅಯೋಗ್ಯ ಸಿನಿಮಾದಲ್ಲಿ ನಟಿಸಿದ ಬಹುತೇಕ ಕಲಾವಿದರು ಈ ಚಿತ್ರದಲ್ಲೂ ನಟಿಸುತ್ತಿದ್ದಾರೆ.

ರಚಿತಾ ರಾಮ್, ಸತೀಶ್‌ ನೀನಾಸಂ, ರವಿಶಂಕರ್‌, ಶಿವರಾಜ್‌ ಕೆ.ಆರ್‌. ಪೇಟೆ ಸೇರಿದಂತೆ ಅನೇಕರು ನಟಿಸುತ್ತಿದ್ದಾರೆ. ಚಿತ್ರಕ್ಕೆ ಅರ್ಜುನ್‌ ಜನ್ಯಾ ಸಂಗೀತವಿದೆ.