ಮಣಿಪಾಲ: ಶಕಲಕ ಬೂಂಬೂಂ ತುಳು ಚಿತ್ರದ ಬೊಂಬಾಟ್ ಟ್ರೈಲರ್‌ ಬಿಡುಗಡೆ

Team Udayavani, Jan 18, 2023, 3:34 PM IST

ಮಣಿಪಾಲ: ಯುಎನ್‌ ಸಿನೆಮಾಸ್‌ ಬ್ಯಾನರ್‌ ನಡಿ ಮೂಡಿಬಂದಿರುವ ಶಕಲಕ ಬೂಂಬೂಂ ಚಿತ್ರದ ಟ್ರೈಲರ್‌ ಅನ್ನು ಬುಧವಾರ (ಜನವರಿ 18) ಮಧ್ಯಾಹ್ನ ಮಣಿಪಾಲದ ಭಾರತ್‌ ಸಿನೆಮಾಸ್‌ ನಲ್ಲಿ ಬಿಡುಗಡೆಗೊಳಿಸಲಾಯಿತು.

ಇದನ್ನೂ ಓದಿ:ಚತ್ತೀಸ್ ಗಢದ ರಾಷ್ಟ್ರೀಯ ಉದ್ಯಾನದಲ್ಲಿ ಅಪಾಯಕಾರಿ ಪ್ರಭೇದದ “ಅಪರೂಪದ ಕಿತ್ತಳೆ ಬಣ್ಣದ ಬಾವಲಿ ಪತ್ತೆ!

ಕಾಂತಾರ ಸಿನೆಮಾದ ನಾಯಕನ ತಾಯಿಯ ಪಾತ್ರ ಮಾಡಿದ್ದ ಮಾನಸಿ ಸುಧೀರ್‌ ಟ್ರೈಲರ್‌ ಬಿಡುಗಡೆ ಮಾಡಿದರು. ತುಳು ಸಿನೆಮಾದಲ್ಲಿ ವೈವಿಧ್ಯ ಇರಬೇಕು ಎಂಬ ನೆಲೆಯಲ್ಲಿ ಕಾಮಿಡಿ, ಹಾರರ್‌, ಥ್ರಿಲ್ಲರ್‌, ಸಸ್ಪೆನ್ಸ್‌ ಹೊಂದಿರುವ ಯುವ ಜನತೆ, ಸಮಾಜ, ಕುಟುಂಬಕ್ಕೆ ಉತ್ತಮ ಸಂದೇಶ ನೀಡುವ ಹೊಸತನದ ಚಿತ್ರ ಇದಾಗಿದೆ.

2 ನಿಮಿಷ 27 ಸೆಕೆಂಡ್ಸ್ ಗಳ ಟ್ರೈಲರ್ ಅದ್ಭುತವಾಗಿ ಮೂಡಿಬಂದಿದ್ದು, ಸಿನಿ ಪ್ರಿಯರಿಗೆ ಸಿನಿಮಾದ ಬಗ್ಗೆ ಇನ್ನಷ್ಟು ಕುತೂಹಲ ಮೂಡಿಸುವಂತೆ ಮಾಡಿದೆ.

ಈ ಚಿತ್ರವನ್ನು ಶ್ರೀಶ ಎಳ್ಳಾರೆ ನಿರ್ದೇಶಿಸಿದ್ದು, ನಿತ್ಯಾನಂದ ನಾಯಕ್‌ ನರಸಿಂಗೆ, ಉಮೆಶ್‌ ಪ್ರಭು ಮಾಣಿಬೆಟ್ಟು ನಿರ್ಮಾಣ ಮಾಡಿದ್ದಾರೆ. ಡಾಲ್ವಿನ್‌ ಕೊಳಲಗಿರಿ ಸಂಗೀತ ಚಿತ್ರಕ್ಕಿದೆ. ಪ್ರಜ್ವಲ್‌ ಸುವರ್ಣ ಹಾಗೂ ಅರುಣ್‌ ರೈ ಪುತ್ತೂರು ಅವರ ಛಾಯಾಚಿತ್ರಗ್ರಹಣವಿದೆ.