ಶಾನ್ವಿ ಜಾಲಿ ಮೂಡ್‌ : ಮಾಲ್ಡೀವ್ಸ್‌ ಟ್ರಿಪ್‌ ಫೋಟೋಗಳು ಸೋಶಿಯಲ್‌ ಮೀಡಿಯಾಗಳಲ್ಲಿ ವೈರಲ್‌

Team Udayavani, Nov 23, 2020, 2:22 PM IST

ಕಳೆದ ತಿಂಗಳಷ್ಟೇ ಹಿರಿಯ ನಿರ್ದೇಶಕ ದಿನೇಶ್‌ ಬಾಬು ನಿರ್ದೇಶನದ “ಕಸ್ತೂರಿ ಮಹಲ್‌’ ಚಿತ್ರದ ಶೂಟಿಂಗ್‌ ಮುಗಿಸಿರುವ ನಟಿ ಶಾನ್ವಿ ಶ್ರೀವಾಸ್ತವ್‌ ಸದ್ಯ ಜಾಲಿ ಮೂಡ್‌ನ‌ಲ್ಲಿದ್ದಾರೆ.

ಇತ್ತೀಚೆಗಷ್ಟೇ ಮಾಲ್ಡಿವ್ಸ್‌ ಪ್ರವಾಸಕ್ಕೆ ತೆರಳಿರುವ ಶಾನ್ವಿ, ಅಲ್ಲಿನ ಸುಂದರ ತಾಣಗಳ ಸೊಬಗನ್ನು ಸವಿಯುತ್ತಿದ್ದಾರೆ. ಆಷ್ಟೇ ಆಗಿದ್ದರೆ ಪರವಾಗಿಲ್ಲ, ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿರುವ ಶಾನ್ವಿಅಲ್ಲಿನಕಡಲ ಕಿನಾರೆಯಲ್ಲಿ ತಾವು ಕಳೆಯುತ್ತಿರುವ ಸಂತೋಷದ ಕ್ಷಣಗಳ ಗ್ಲಾಮರಸ್‌ ಫೋಟೋಗಳನ್ನ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.

ಹೌದು, ಹಬ್ಬದ ಸಂದರ್ಭದಲ್ಲಿಯೇ ಬಿಡುವು ಮಾಡಿಕೊಂಡು ಶಾನ್ವಿ ಮಾಲ್ಡೀವ್ಸ್‌ಗೆ ಹಾರಿದ್ದಾರೆ. ಮಾಲ್ಡೀವ್ಸ್‌ನ ಸುಂದರಕಡಲ ಕಿನಾರೆಯಲ್ಲಿ ಎಂಜಾಯ್‌ ಮಾಡುತ್ತಿರುವ ಶಾನ್ವಿ ತಮ್ಮ ವಿಡಿಯೋ ಹಾಗೂ ಫೋಟೋಗಳನ್ನ ಇನ್ಸ್ಟಾಗ್ರಾಮ್‌ ನಲ್ಲಿ ಶೇರ್‌ ಮಾಡಿಕೊಳ್ಳುತ್ತಿದ್ದಾರೆ. ಈ ಫೋಟೋಗಳು ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿ ಹರಿದಾಡುತ್ತಿದ್ದು, ಬೀಚ್‌ನಲ್ಲಿನ ಶಾನ್ವಿ ಬೋಲ್ಡ್‌ ಲುಕ್‌ಗೆ ಅನೇಕರು ಬೆರಗಾಗಿದ್ದಾರೆ.

ಇದನ್ನೂ ಓದಿ : ಎಂಟು ತಿಂಗಳ ಬಳಿಕ ಮತ್ತೆ ಹೌಸ್‌ಫ‌ುಲ್‌ ಆದ ಥಿಯೇಟರ್‌ಗಳು

ಕೋವಿಡ್ ಲಾಕ್‌ಡೌನ್‌ ಬಳಿಕ ಅನೇಕ ನಟಿಯರು ಮಾಲ್ಡೀವ್ಸ್‌ನತ್ತ ಮುಖ ಮಾಡುತ್ತಿದ್ದಾರೆ.ಕೆಲ ದಿನಗಳ ಹಿಂದಷ್ಟೇ ನಟಿ ಕಾಜಲ್‌ ಅಗರ್‌ ವಾಲ್‌ ಹನಿಮೂನ್‌ಗಾಗಿ ಮಾಲ್ಡೀವ್ಸ್‌ಗೆ ತೆರಳಿದ್ದರು. ಬಳಿಕ ಪ್ರಣಿತಾ ಸುಭಾಶ್‌ ಸೇರಿದಂತೆ ಅನೇಕ ನಟಿಯರು ಮಾಲ್ಡೀವ್ಸ್‌ ಕಿನಾರೆಯಲ್ಲಿ ಕಾಣಿಸಿಕೊಂಡಿದ್ದರು. ಇದೀಗ ಆ ಸಾಲಿಗೆ ಶಾನ್ವಿ ಶ್ರೀವಾಸ್ತವ್‌ ಹೆಸರೂ ಕೂಡ ಸೇರ್ಪಡೆಯಾಗಿದ್ದು, ಬೀಚ್‌ನಲ್ಲಿ ಶಾನ್ವಿ ಬೋಲ್ಡ್‌ ಲುಕ್‌ ನೋಡಿ ಪಡ್ಡೆಗಳು ಹುಬ್ಬೇರಿಸುವಂತಾಗಿದೆ.

ರಕ್ಷಿತ್‌ ಶೆಟ್ಟಿ ಅಭಿನಯದ “ಅವನೇ ಶ್ರೀಮನ್ನಾರಾಯಣ’ ಸಿನಿಮಾದ ಬಳಿಕ ಕನ್ನಡದಲ್ಲಿ ಶಾನ್ವಿ ಶ್ರೀವಾಸ್ತವ್‌ “ತ್ರಿಶೂಲಂ’ ಮತ್ತು “ಕಸ್ತೂರಿ ಮಹಲ್‌’ ಚಿತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ. ಮುಂದಿನ ವರ್ಷದ ಆರಂಭದಲ್ಲಿ ಈ ಎರಡೂ ಸಿನಿಮಾಗಳು ತೆರೆಗೆ ಬರುವ ಸಾಧ್ಯತೆ ಇದೆ.