ಮಾಫಿಯಾ ಅಡ್ಡಕ್ಕೆ ‘ಶೈನ್‌ ಶೆಟ್ಟಿ’ ಎಂಟ್ರಿ

Team Udayavani, Jun 13, 2022, 4:16 PM IST

ಪ್ರಜ್ವಲ್‌ ನಾಯಕರಾಗಿರುವ “ಮಾಫಿಯಾ’ ಚಿತ್ರ ಮತ್ತೆ ಚಿತ್ರೀಕರಣ ಅಖಾಡಕ್ಕೆ ಇಳಿದಿದೆ. ಈಗಾಗಲೇ ಬಹುತೇಕ ಚಿತ್ರೀಕರಣ ಮುಗಿಸಿರುವ ಚಿತ್ರತಂಡ ಈಗ ಅಂತಿಮ ಹಂತದ ಚಿತ್ರೀಕರಣಕ್ಕೆ ಅಣಿಯಾಗಿದೆ. ಈ ನಡುವೆಯೇ ಚಿತ್ರತಂಡಕ್ಕೆ ಹೊಸ ನಟನ ಸೇರ್ಪಡೆಯಾಗಿದೆ.

ಹೌದು, ಶೈನ್‌ ಶೆಟ್ಟಿ “ಮಾಫಿಯಾ’ ಚಿತ್ರದಲ್ಲಿ ಪ್ರಮುಖ ಪಾತ್ರ ಮಾಡುತ್ತಿದ್ದಾರೆ. ಚಿತ್ರದಲ್ಲಿ ಶೈನ್‌ ಶೆಟ್ಟಿ ಪೊಲೀಸ್‌ ಆಫಿàಸರ್‌ ಆಗಿ ನಟಿಸುತ್ತಿದ್ದಾರೆ. ಈಗಾಗಲೇ ಮಾತಿನ ಭಾಗದ ಚಿತ್ರೀಕರಣ ಮುಗಿಸಿರುವ ಚಿತ್ರತಂಡ, ಕೊನೆಯ ಶೆಡ್ನೂಲ್‌ನಲ್ಲಿ ಭರ್ಜರಿ ಆ್ಯಕ್ಷನ್‌ ದೃಶ್ಯಗಳನ್ನು ಸೆರೆಹಿಡಿಯಲು ಮುಂದಾಗಿದೆ.

ಈ ಹಿಂದೆ “ಮಮ್ಮಿ’, “ದೇವಕಿ’ ಸಿನಿಮಾ ಮಾಡಿ, ಮೆಚ್ಚುಗೆ ಗಳಿಸಿದ್ದ ಲೋಹಿತ್‌ ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ಚಿತ್ರವನ್ನು ಬೆಂಗಳೂರು ಕುಮಾರ್‌ ಫಿಲಂಸ್‌ನ ಕುಮಾರ್‌.ಬಿ ನಿರ್ಮಿಸುತ್ತಿದ್ದಾರೆ. “ಮಾಫಿಯಾ’ ಎಂಬ ಹೆಸರೇ ಖಡಕ್‌ ಆಗಿದೆ, ಇನ್ನು ಸಿನಿಮಾದ ಕಥೆ ಹೇಗಿರಬೇಡ ಎಂದು ಕೇಳುವವರಿಗೆ ಸಿಗುವ ಉತ್ತರ ಖಡಕ್‌ ಟೈಟಲ್‌ ರಫ್ ಅಂಡ್‌ ಟಫ್ ಸ್ಟೋರಿ.

ಇದನ್ನೂ ಓದಿ:ಉತ್ತರ ಕರ್ನಾಟಕದತ್ತ ‘ತ್ರಿವಿಕ್ರಮ’; ಅದ್ಧೂರಿ ಕಾರ್ಯಕ್ರಮದಲ್ಲಿ ಟ್ರೇಲರ್‌ ಲಾಂಚ್‌

ಸಿನಿಮಾದ ಕಥೆ ಬಗ್ಗೆ ಮಾತನಾಡುವ ನಿರ್ದೇಶಕ ಲೋಹಿತ್‌, ಇದು ಔಟ್‌ ಅಂಡ್‌ ಔಟ್‌ ಕಮರ್ಷಿಯಲ್‌ ಎಂಟರ್‌ಟೈನರ್‌. ಮಾಫಿಯಾ ಅಂದಾಗ ಕೇವಲ ಹೊಡೆದಾಟ ಬಡಿದಾಟದ ಸಿನಿಮಾನಾ ಎಂಬ ಭಾವನೆ ಬರಬಹುದು. ಖಂಡಿತಾ ಅಲ್ಲ, ಸಾಕಷ್ಟು ಹೊಸ ವಿಚಾರಗಳನ್ನು ಹೇಳುತ್ತಿದ್ದೇವೆ. ಸಾಮಾನ್ಯವಾಗಿ ಮಾಫಿಯಾ ಎಂದಾಗ ಬರುವ ಯೋಚನೆಗೂ ನಮ್ಮ ಕಥೆಗೂ ಸಾಕಷ್ಟು ವ್ಯತ್ಯಾಸವಿದೆ. ಈ ಚಿತ್ರದಲ್ಲಿ ಪ್ರಜ್ವಲ್‌ ದೇವರಾಜ್‌ ವಿಭಿನ್ನ ಲುಕ್ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ’ ಎನ್ನುವುದು ನಿರ್ದೇಶಕ ಲೋಹಿತ್‌ ಮಾತು.

“ಮಾಫಿಯಾ’ ಚಿತ್ರದ ಮತ್ತೊಂದು ವಿಶೇಷವೆಂದರೆ ಈ ಚಿತ್ರದಲ್ಲಿ ಪ್ರಜ್ವಲ್‌ ಜೊತೆ ಅವರ ತಂದೆ ದೇವರಾಜ್‌ ಕೂಡಾ ನಟಿಸುತ್ತಿದ್ದಾರೆ. ಇಬ್ಬರೂ ಪೊಲೀಸ್‌ ಗೆಟಪ್‌ನಲ್ಲಿ ಕಾಣಿಸಿಕೊಳ್ಳುತ್ತಿರೋದು ಈ ಚಿತ್ರದ ಮತ್ತೂಂದು ಹೈಲೈಟ್‌.