ಶುಭಾ ‘ತ್ರಿದೇವಿ’ ದರ್ಶನ! ಆ್ಯಕ್ಷನ್ ಲುಕ್ ನಲ್ಲಿ ಎಂಟ್ರಿ

Team Udayavani, Apr 7, 2023, 4:32 PM IST

ಇಲ್ಲಿಯವರೆಗೆ ಕನ್ನಡದಲ್ಲಿ ಗ್ಲಾಮರಸ್‌ ಮತ್ತು ಹೋಮ್ಲಿ ಲುಕ್‌ನಲ್ಲಿ ಮಿಂಚಿದ್ದ ನಟಿ ಶುಭಾ ಪೂಂಜಾ, ಈಗ “ತ್ರಿದೇವಿ’ ಅವತಾರದಲ್ಲಿ ಔಟ್‌ ಆ್ಯಂಡ್‌ ಔಟ್‌ ಆ್ಯಕ್ಷನ್‌ ಲುಕ್‌ನಲ್ಲಿ ಪ್ರೇಕ್ಷಕರ ಮುಂದೆ ಬರಲು ರೆಡಿಯಾಗಿದ್ದಾರೆ. ಸದ್ಯ “ತ್ರಿದೇವಿ’ ಸಿನಿಮಾ ಬಿಡುಗಡೆಯಾಗಿದ್ದು, ಈ ಸಿನಿಮಾದಲ್ಲಿ ಶುಭಾ ಪೂಂಜಾ ಮೊದಲ ಬಾರಿಗೆ ಆ್ಯಕ್ಷನ್‌ ಲೇಡಿಯಾಗಿ ಅವತಾರವೆತ್ತಿದ್ದಾರೆ.

ಈಗಾಗಲೇ “ತ್ರಿದೇವಿ’ ಸಿನಿಮಾ ಹಲವು ಅಂತರಾಷ್ಟ್ರೀಯ ಫಿಲಂ ಫೆಸ್ಟಿವಲ್‌ಗ‌ಳಲ್ಲಿ ಪ್ರದರ್ಶನಗೊಂಡು ವಿವಿಧ ವಿಭಾಗಗಳಲ್ಲಿ ಹತ್ತಾರು ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದ್ದು, ಶೀಘ್ರದಲ್ಲಿಯೇ ಕನ್ನಡ ಪ್ರೇಕ್ಷಕರ ಮುಂದೆಯೂ ಬರ್ತುದೆ.

ಇನ್ನು ಮೊದಲ ಬಾರಿಗೆ ಇಂಥದ್ದೊಂದು ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಶುಭಾ ಪೂಂಜಾ ತಮ್ಮ ಪಾತ್ರದ ಬಗ್ಗೆ ಸಾಕಷ್ಟು ನಿರೀಕ್ಷೆಯನ್ನು ಇಟ್ಟುಕೊಂಡಿದ್ದಾರೆ. “ಹೊಸಥರದ ಪಾತ್ರವೇನಾದರೂ ಮಾಡಬೇಕು ಎಂಬ ಯೋಚನೆಯಲ್ಲಿದ್ದಾಗ “ತ್ರಿದೇವಿ’ ಸಿನಿಮಾದ ಈ ಪಾತ್ರ ಸಿಕ್ಕಿತು. ನಾನು ಏನು ನಿರೀಕ್ಷೆ ಮಾಡುತ್ತಿದ್ದೆನೋ, ಅದಕ್ಕೆ ಹೇಳಿ ಮಾಡಿಸಿದಂತಿತ್ತು ಈ ಪಾತ್ರ. ನಿರ್ದೇಶಕ ಅಶ್ವಿ‌ನ್‌ ಮ್ಯಾಥ್ಯೂ ಹೇಳಿದ ಕಥೆ ಮತ್ತು ಪಾತ್ರ ಎರಡೂ ತುಂಬ ಇಷ್ಟವಾಯಿತು. ಕೂಡಲೇ ಈ ಸಿನಿಮಾ ಮಾಡಲು ಒಪ್ಪಿಕೊಂಡೆ’ ಎಂಬುದು ಶುಭಾ ಮಾತು.

“ತ್ರಿದೇವಿ’ ಸಿನಿಮಾದಲ್ಲಿ ಶುಭಾ ಪೂಂಜಾ ತೆರೆಮೇಲೆ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುವುದರ ಜೊತೆಗೆ, ತೆರೆಹಿಂದೆ ಸಿನಿಮಾದ ಮೇಕಿಂಗ್‌ ನಲ್ಲೂ ತಮ್ಮನ್ನು ತೊಡಗಿಸಿಕೊಂಡಿ ದ್ದಾರೆ. “ಈ ಸಿನಿಮಾದ ಕಥೆ ಆರಂಭವಾದಾಗಿನಿಂದ, ಶೂಟಿಂಗ್‌ ನಡೆದು ಕೊನೆಗೆ ಪೋಸ್ಟ್‌ ಪ್ರೊಡಕ್ಷನ್‌ ಕೆಲಸಗಳು ಮುಗಿಯುವವರೆಗೂ, ನಾನು ಈ ಸಿನಿಮಾದ ಎಲ್ಲ ಹಂತದಲ್ಲೂ ಇದ್ದೇನೆ. “ತ್ರಿದೇವಿ’ ಸಿನಿಮಾದ ಮೂಲಕ ಇಡಿ ಸಿನಿಮಾ ನಿರ್ಮಾಣದ ಪ್ರಕ್ರಿಯೆ ಹೇಗೆ ಆಗುತ್ತದೆ ಎಂಬುದನ್ನು ಕಲಿತಿದ್ದೇನೆ’ ಎನ್ನುತ್ತಾರೆ ಶುಭಾ ಪೂಂಜಾ.

“”ತ್ರಿದೇವಿ’ ಸಿನಿಮಾದ ಟೈಟಲ್ಲೇ ಹೇಳುವಂತೆ, ಇದು ಮೂವರು ಹುಡುಗಿಯರ ಸುತ್ತ ನಡೆಯುವ ಸಿನಿಮಾ. “ಮೊಗ್ಗಿನ ಮನಸು’ ನಂತರ ಮೂರು ಹುಡುಗಿಯರ ಜೊತೆ ಮತ್ತೂಮ್ಮೆ ಸಿನಿಮಾ ಮಾಡುವ ಅವಕಾಶ ಸಿಕ್ಕಿದೆ. ಕಂಪ್ಲೀಟ್‌ ಆ್ಯಕ್ಷನ್‌ ಪ್ಯಾಕ್‌ ಸಿನಿಮಾ ಇದಾಗಿದ್ದು, ಪಾತ್ರಕ್ಕಾಗಿ ತಿಂಗಳುಗಳ ಕಾಲ ವರ್ಕೌಟ್‌ ಕೂಡ ಮಾಡಿದ್ದೇವೆ. ಕನ್ನಡದಲ್ಲಿ ಈ ಥರದ ಸಿನಿಮಾಗಳು ಬಂದಿದ್ದು ವಿರಳ’ ಎನ್ನುವುದು ಶುಭಾ ಮಾತು.

“ತ್ರಿದೇವಿ’ ಸಿನಿಮಾದಲ್ಲಿ ಶುಭಾ ಪೂಂಜಾ ಅವರೊಂದಿಗೆ ಜ್ಯೋತ್ಸ್ನಾ ಬಿ. ರಾವ್‌, ಸಂಧ್ಯಾ ಎಲ್‌ ಮುಖ್ಯಭೂಮಿಕೆಯಲ್ಲಿ ಅಭಿನಯಿಸಿದ್ದಾರೆ. ಉಳಿದಂತೆ ಅಮ್ಮನ್‌, ಜಯದೇವ್‌, ನಿಖೀಲ್‌ ಭಾರದ್ವಾಜ್‌, ಫ್ರೇಯಾ ಕೊಠಾರಿ, ಪಿ. ಡಿ ಸತೀಶ್‌, ನಂದಗೋಪಾಲ್, ಶೈಲಾ ಗೋವಿಂದರಾಜ್‌, ರವಿಕುಮಾರ್‌, ಅಶ್ವಿ‌ನ್‌ ಕಾಕುಮನು ಮೊದಲಾದವರು ಇತರ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.

“ಅಲ್ಟೆàರೆಡ್‌ ಇಗೋ ಎಂಟರ್‌ಟೈ ನ್ಮೆಂಟ್‌’ ಬ್ಯಾನರಿನಲ್ಲಿ ನಿರ್ಮಾಣವಾಗಿರುವ “ತ್ರಿದೇವಿ’ ಸಿನಿಮಾಕ್ಕೆ ಅಶ್ವಿ‌ನ್‌ ಮ್ಯಾಥ್ಯೂ ನಿರ್ದೇಶನವಿದೆ. ಇತ್ತೀಚೆಗಷ್ಟೇ ಮಾಧ್ಯಮಗಳ ಮುಂದೆ ಬಂದಿದ್ದ ಶುಭಾ ಪೂಂಜಾ ಮತ್ತು “ತ್ರಿದೇವಿ’ ಚಿತ್ರತಂಡ, ಸಿನಿಮಾದ ಬಗ್ಗೆ ಹೀಗೆ ಹಲವು ವಿಷಯಗಳನ್ನು ಹಂಚಿಕೊಂಡಿತು.