ಕನ್ನಡ ಚಿತ್ರಕ್ಕೆ ನಾಯಕಿಯಾದ ಗಾಯಕಿ ಮಂಗ್ಲಿ

Team Udayavani, Jan 11, 2023, 10:11 AM IST

ಗಾಯಕಿ ಮಂಗ್ಲಿ ಈಗ ನಾಯಕಿಯಾಗಿ ಕನ್ನಡಕ್ಕೆ ಎಂಟ್ರಿಕೊಡುತ್ತಿದ್ದಾರೆ. ನಾಗಶೇಖರ್‌ ನಾಯಕರಾಗಿರುವ “ಪಾದರಾಯ’ ಚಿತ್ರದಲ್ಲಿ ಮಂಗ್ಲಿ ನಾಯಕಿಯಾಗಿ ನಟಿಸಲಿದ್ದಾರೆ. ಈ ಚಿತ್ರವನ್ನು ಚಕ್ರವರ್ತಿ ಚಂದ್ರಚೂಡ್‌ ನಿರ್ದೇಶಿಸುತ್ತಿದ್ದಾರೆ.

ತಮ್ಮ ಗಾಯನದ ಮೂಲಕ ಕನ್ನಡಿಗರ ಮನಗೆದ್ದಿರುವ ಮಂಗ್ಲಿ ಈಗ ಕನ್ನಡ ಚಿತ್ರದ ಮೂಲಕವೇ ನಾಯಕಿಯಾಗುತ್ತಿದ್ದಾರೆ. “ಪಾದರಾಯ’ ಚಿತ್ರ 2013-14ರಲ್ಲಿ ನಡೆದ ನೈಜ ಘಟನೆ ಆಧರಿಸಿದ ಸಿನಿಮಾ. ಆರು ರಾಜ್ಯಕ್ಕೆ ಸಂಬಂಧಿಸಿದ ಘಟನೆ ಇದಾಗಿದ್ದು, ಯುನಿವರ್ಸಲ್‌ ಸಬ್ಜೆಕ್ಟ್ ಆಗಿರುವುದರಿಂದ ಪ್ಯಾನ್‌ ಇಂಡಿಯಾ ಸಿನಿಮಾವಾಗಿ ತಯಾರಾಗುತ್ತಿದೆ.

ಇದನ್ನೂ ಓದಿ:ಲಂಕಾ ಏಕದಿನ: ರನ್ ಮೇಲಾಟದಲ್ಲಿ ಹೃದಯ ಗೆದ್ದ ರೋಹಿತ್; ವಿಡಿಯೋ

ಸಿದ್ದೇಶ್ವರ ಎಂಟಪ್ರೈಸಸ್‌ ಬ್ಯಾನರ್‌ನಡಿ ಆರ್‌.ಚಂದ್ರು “ಪಾದರಾಯ’ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದು, ನಾಗಶೇಖರ್‌ ಸಹ ನಿರ್ಮಾಣವಿದೆ. ಅಜನೀಶ್‌ ಲೋಕನಾಥ್‌ ಸಂಗೀತ ನಿರ್ದೇಶನ, ಆಂಟೋನಿ ಸಂಕಲನ, ಸತ್ಯ ಹೆಗಡೆ ಛಾಯಾಗ್ರಹಣ ಚಿತ್ರಕ್ಕಿದೆ.