ಅವತಾರ್‌ ಪುರುಷನ ಹಾಡು ಶುರು

Team Udayavani, Sep 16, 2020, 2:29 PM IST

ಲಾಕ್‌ ಡೌನ್‌ತೆರವಾಗುತ್ತಿದ್ದಂತೆ ಅನೇಕನಟ-ನಟಿಯರು ಚಿತ್ರೀಕರಣದತ್ತ ವಾಲುತ್ತಿದ್ದಾರೆ. ಈ ಸಾಲಿಗೆ ಈಗ ನಟ ಶರಣ್‌ ಕೂಡಾ ಸೇರುತ್ತಿದ್ದಾರೆ. ಶರಣ್‌ ಈಗ ಚಿತ್ರೀಕರಣದತ್ತ ಮುಖ ಮಾಡಿದ್ದಾರೆ. ಅದು “ಅವತಾರ್‌ ಪುರುಷ’ ಸಿನಿಮಾ ಮೂಲಕ. ನಿಮಗೆ ಗೊತ್ತಿರುವಂತೆ ಶರಣ್‌ “ಅವತಾರ್‌ ಪುರುಷ’ ಎಂಬ ಸಿನಿಮಾ ಮಾಡುತ್ತಿದ್ದಾರೆ.

ಇನ್ನೇನು ಚಿತ್ರೀಕರಣ ಪೂರ್ಣವಾಗುವ ಹಂತಕ್ಕೆ ಬರುತ್ತಿದ್ದಾಗ ಕೋವಿಡ್ ಲಾಕ್‌ಡೌನ್‌ ಜಾರಿಯಾಗಿದ್ದರಿಂದ “ಅವತಾರ್‌ ಪುರುಷ’ ಚಿತ್ರೀಕರಣ ನಿಂತು ಹೋಗಿತ್ತು. ಈಗ ಮತ್ತೆ ಚಿತ್ರೀಕರಣಆರಂಭವಾಗಿದೆ. ಸೆ.14ರಿಂದ ಚಿತ್ರೀಕರಣ ಆರಂಭವಾಗಿದ್ದು, ಮೋಹನ್‌ ಬಿ.ಕೆರೆ ಸ್ಟುಡಿಯೋದಲ್ಲಿ ನಡೆಯುತ್ತಿದೆ.

ಮೊದಲ ದಿನ ಮಾತಿನ ಭಾಗದ ಚಿತ್ರೀಕರಣ ಮುಗಿಸಿರುವ ಚಿತ್ರತಂಡ, ಇಂದಿನಿಂದ ಹಾಡಿನ ಚಿತ್ರೀಕರಣ ಮಾಡಲಿದೆ. ಅದಕ್ಕೆ ಭರ್ಜರಿ ತಯಾರಿ ಕೂಡಾ ನಡೆಯುತ್ತಿದೆ. “ಅವತಾರ್‌ ಪುರುಷ’ ಚಿತ್ರವನ್ನು ಸಿಂಪಲ್‌ ಸುನಿ ನಿರ್ದೇಶನ ಮಾಡುತ್ತಿದ್ದು, ಪುಷ್ಕರ್‌ ಬ್ಯಾನರ್‌ನಲ್ಲಿ ಈ ಚಿತ್ರನಿರ್ಮಾಣವಾಗುತ್ತಿದೆ. ಶರಣ್‌ಗೆ ನಾಯಕಿಯಾಗಿ ಆಶಿಕಾ ರಂಗನಾಥ್‌ ನಟಿಸುತ್ತಿದ್ದಾರೆ. ಉಳಿದಂತೆ ಈ ಚಿತ್ರದಲ್ಲಿ ಶ್ರೀನಗರಕಿಟ್ಟಿ, ಸಾಯಿಕುಮಾರ್‌ ಪ್ರಮುಖ ಪಾತ್ರ ಮಾಡುತ್ತಿದ್ದಾರೆ.

ಮತ್ತೆ ಚಿತ್ರೀಕರಣ ಆರಂಭಿಸಿರುವ ಬಗ್ಗೆ ಮಾತನಾಡುವ ನಿರ್ಮಾಪಕ ಪುಷ್ಕರ್‌, “ಅವತಾರ್‌ ಪುರುಷ’ ಚಿತ್ರೀಕರಣ ಮತ್ತೆಆರಂಭಿಸಿದ್ದೇವೆ. ಸಕಲ ಮುನ್ನೆಚ್ಚರಿಕೆಯೊಂದಿಗೆ ಚಿತ್ರೀಕರಣ ಆರಂಭಿಸಿದ್ದು, ಆರಾಮವಾಗಿ ನಡೆಯುತ್ತಿದೆ’ ಎನ್ನುತ್ತಾರೆ. “ಅವತಾರ್‌ ಪುರುಷ’ ಚಿತ್ರವನ್ನು ಡಿಸೆಂಬರ್‌ನಲ್ಲಿ ತೆರೆಗೆ ತರುವ ಆಲೋಚನೆ ಚಿತ್ರ ತಂಡಕ್ಕಿದೆ