ಶೀಘ್ರದಲ್ಲಿ “ಲೋಕಲ್‌ ಟ್ರೈನ್‌’ ಹಾಡುಗಳು

Team Udayavani, Jan 1, 2020, 7:00 AM IST

ಎಸ್‌.ಹೆಚ್‌.ವಾಳ್ಕೆ ಅವರು ನಿರ್ಮಿಸುತ್ತಿರುವ “ಲೋಕಲ್‌ ಟ್ರೈನ್‌’ ಚಿತ್ರದ ಹಾಡುಗಳು ಸದ್ಯದಲ್ಲೇ ಬಿಡುಗಡೆಯಾಗಲಿದೆ. 5 ಹಾಡುಗಳಿರುವ ಈ ಚಿತ್ರಕ್ಕೆ ಅರ್ಜುನ್‌ ಜನ್ಯ ಸಂಗೀತ ನೀಡಿದ್ದಾರೆ. ಈಗಾಗಲೇ ಚಿತ್ರೀಕರಣ ಮುಕ್ತಾಯವಾಗಿದ್ದು, ಬೆಂಗಳೂರು, ಹೈದರಾಬಾದ್‌ ಮುಂತಾದ ಕಡೆ 70ದಿನಗಳ ಚಿತ್ರೀಕರಣ ನಡೆದಿದೆ. ನಿರ್ಮಾಪಕ ಎಸ್‌.ಹೆಚ್‌.ವಾಳ್ಕೆ ಅವರು ಕಥೆ ಬರೆದಿದ್ದು, ರುದ್ರಮುನಿ ನಿರ್ದೇಶನ ಮಾಡಿದ್ದಾರೆ.

ರಮೇಶ್‌ ಬಾಬು ಛಾಯಾಗ್ರಹಣ, ಪಿ.ಆರ್‌.ಸೌಂದರ್‌ರಾಜ್‌ ಸಂಕಲನ, ರಾಜು ಸುಂದರಂ, ಚಿನ್ನಿ ಪ್ರಕಾಶ್‌ ನೃತ್ಯ ಹಾಗೂ ಪಳನಿರಾಜ್‌, ರಮೇಶ್‌ ಅವರ ಸಾಹಸವಿದೆ. ಕೇಶವಾದಿತ್ಯ, ಮಾರುತಿ.ಟಿ ಸಂಭಾಷಣೆ ಬರೆದಿದ್ದಾರೆ. “ಡಾರ್ಲಿಂಗ್‌’ ಕೃಷ್ಣ ನಾಯಕರಾಗಿ ನಟಿಸಿರುವ ಈ ಚಿತ್ರದ ತಾರಾಬಳಗದಲ್ಲಿ ಮೀನಾಕ್ಷಿ ದೀಕ್ಷಿತ್‌, ಎಸ್ತರ್‌ ನರೋನ, ಸುಚೇಂದ್ರ ಪ್ರಸಾದ್‌, ಸಾಧುಕೋಕಿಲ, ಚಿ.ಗುರುದತ್‌, ಮೈಸೂರು ಗೋಪಿ ಮುಂತಾದವರಿದ್ದಾರೆ.