ಶೀಘ್ರದಲ್ಲೇ “ಜಿಗ್ರಿ ದೋಸ್ತ್’ ತೆರೆಗೆ

Team Udayavani, Sep 7, 2019, 3:00 AM IST

“ಎಎನ್‌ಎಸ್‌ ಪ್ರೊಡಕ್ಷನ್ಸ್‌’ ಲಾಂಛನದಲ್ಲಿ ಬಿ.ಎನ್‌.ಗಂಗಾಧರ್‌ ನಿರ್ಮಿಸಿರುವ “ಜಿಗ್ರಿ ದೋಸ್ತ್’ ಚಿತ್ರವನ್ನು ವೀಕ್ಷಿಸಿದ ಪ್ರಾದೇಶಿಕ ಸೆನ್ಸಾರ್‌ ಮಂಡಳಿ ಚಿತ್ರಕ್ಕೆ “ಯು/ಎ’ ಅರ್ಹತಾ ಪತ್ರವನ್ನು ನೀಡಿ, ಬಿಡುಗಡೆಗೆ ಅಸ್ತು ಎಂದಿದೆ. ಚಿತ್ರ ಸದ್ಯದಲ್ಲೇ ರಾಜ್ಯಾದ್ಯಂತ ಬಿಡುಗಡೆಯಾಗಲಿದೆ. ಬೆಂಗಳೂರು, ದಾಂಡೇಲಿ ಮುಂತಾದ ಕಡೆ ಚಿತ್ರಕ್ಕೆ 42ದಿನಗಳ ಚಿತ್ರೀಕರಣ ನಡೆದಿದೆ.

ಎಸ್‌. ಮೋಹನ್‌ ಕಥೆ, ಚಿತ್ರಕಥೆ ಬರೆದು ನಿರ್ದೇಶಿಸಿರುವ ಈ ಚಿತ್ರದ ತಾರಾಬಳಗದಲ್ಲಿ ಸ್ಕಂದ ಅಶೋಕ್‌(ರಾಧಾರಮಣ ಖ್ಯಾತಿ), ಚೇತನ್‌ ಸೂರ್ಯ, ವಿನೋದ್‌ ಆಳ್ವಾ, ಸುಷ್ಮಾ, ಅಕ್ಷತಾ ಮುಂತಾದವರಿದ್ದಾರೆ. ಇಲ್ಲಿಯವರೆಗೂ ಸಾಕಷ್ಟು ಚಿತ್ರಗಳಲ್ಲಿ ನಟಿಸಿರುವ ನಟ ವಿನೋದ್‌ ಆಳ್ವಾ ಅವರು ತಮ್ಮ ಯಾವುದೇ ಚಿತ್ರಕ್ಕೂ ಸ್ವತಃ ಡಬ್ಬಿಂಗ್‌ ಮಾಡಿಲ್ಲ.

ನಮ್ಮ ಚಿತ್ರದಲ್ಲಿ ಮೊದಲ ಬಾರಿಗೆ ಅವರು ಡಬ್ಬಿಂಗ್‌ ಮಾಡಿದ್ದಾರೆ ಎಂದು ನಿರ್ದೇಶಕ ಮೋಹನ್‌ ತಿಳಿಸಿದ್ದಾರೆ. ದಿನೇಶ್‌ ಕುಮಾರ್‌ ಸಂಗೀತ ನಿರ್ದೇಶನದ ಈ ಚಿತ್ರಕ್ಕೆ ಪ್ರಸಾದ್‌ ಬಾಬು ಅವರ ಛಾಯಾಗ್ರಹಣದೆ. ಶಿವಪ್ರಸಾದ್‌ ಸಂಕಲನ, ಕೌರವ ವೆಂಕಟೇಶ್‌ ಸಾಹಸ ನಿರ್ದೇಶನ ಹಾಗೂ ಮದನ್‌ ಹರಿಣಿ ನೃತ್ಯ ನಿರ್ದೇಶನ ಈ ಚಿತ್ರಕ್ಕಿದೆ.