ಆ್ಯಕ್ಷನ್‌ ಸ್ಪೆಷಲೀ!

Team Udayavani, Jan 12, 2017, 11:18 AM IST

ಸುಮಂತ್‌ ಶೈಲೇಂದ್ರಬಾಬು ಅಭಿನಯದ “ಲೀ’ ಚಿತ್ರ ಈ ವಾರ ರಾಜ್ಯಾದ್ಯಂತ ತೆರೆ ಕಾಣುತ್ತಿದೆ. ಶ್ರೀನಂದನ್‌ ಈ ಸಿನಿಮಾದ ನಿರ್ದೇಶಕರು. ಈ ಹಿಂದೆ “ಅಗ್ರಜ’ ಸಿನಿಮಾ ಮಾಡಿದ್ದ ಇವರಿಗೆ ಇದು ಎರಡನೇ ಸಿನಿಮಾ. ಈ ಚಿತ್ರದಲ್ಲಿ ನಾಯಕ ಸುಮಂತ್‌ ಮೂರು ವಿಭಿನ್ನ ಶೇಡ್‌ಗಳಲ್ಲಿ ಕಾಣಿಸಿಕೊಂಡಿದ್ದಾರಂತೆ. ನಾಯಕ ಸುಂಮತ್‌ಗೆ “ಲೀ’ ಒಂದು ಒಳ್ಳೆಯ ಅನುಭವ ಕೊಟ್ಟಿರುವ ಸಿನಿಮಾವಂತೆ.

ಮೂರು ವಿಭಿನ್ನ ಗೆಟಪ್‌ಗ್ಳಲ್ಲಿ ಅವರು ಕಾಣಿಸಿಕೊಂಡಿದ್ದು, ಮಾನಸಿಕ ಅಸ್ವಸ್ಥನಾಗಿಯೂ ನಟಿಸಿದ್ದಾರಂತೆ. ಅದಕ್ಕಾಗಿ ನಿಮ್ಹಾನ್ಸ್‌ಗೆ ಹೋಗಿ ಸ್ಟಡಿ ಮಾಡಿದ್ದಾರಂತೆ. ಚಿತ್ರದಲ್ಲಿ ಹುಶು ಎಂಬ ಮಾರ್ಷಲ್‌ ಆರ್ಟ್ಸ್ ಬಳಸಿದ್ದು, ವಿವಿಧ ಪ್ರಾಕಾರಗಳ ಮಾರ್ಷಲ್‌ ಆರ್ಟ್ಸ್ ಅನ್ನು ಇಲ್ಲಿ ಬಳಸಲಾಗಿದೆಯಂತೆ.

ಅದು ತನ್ನ ಮುಂದಿನ ಕೆರಿಯರ್‌ಗೆ ಸಹಾಯವಾಗುತ್ತದೆ ಎಂಬ ನಂಬಿಕೆ ಕೂಡಾ ಸುಮಂತ್‌ಗಿದೆ. ಇನ್ನು, ಈ ಚಿತ್ರದಲ್ಲಿ ನಭಾನಟೇಶ್‌ ನಾಯಕಿಯಾಗಿ ನಟಿಸಿದ್ದಾರೆ. ಅವರಿಗಿಲ್ಲಿ ಹೊಸತರಹದ ಪಾತ್ರ ಸಿಕ್ಕಿದೆಯಂತೆ. “ಲೀ’ ಅಂದರೆ ಏನು ಎಂಬ ಪ್ರಶ್ನೆಗೆ ಸಿನಿಮಾ ನೋಡಬೇಕೆಂಬುದು ಅವರ ಮಾತು. ಇನ್ನು, ಮುಂಬೈಯ ಸ್ನೇಹಾ ದ್ವಿತೀಯ ನಾಯಕಿಯಾಗಿ ನಟಿಸಿದ್ದಾರೆ.