ಸೈನ್ಸ್‌ ಫಿಕ್ಷನ್‌ ಸ್ಟೆಬಿಲಿಟಿ ಈ ವಾರ ತೆರೆಗೆ

Team Udayavani, Feb 24, 2022, 11:37 AM IST

ಸ್ಟೆಬಿಲಿಟಿ ಎಂಬ ಸಿನಿಮಾವೊಂದು ಈ ವಾರ ತೆರೆಕಾಣುತ್ತಿದೆ. ಈ ಚಿತ್ರವನ್ನು ಗೌತಮ್‌ ಕಾನಡೆ ನಿರ್ಮಿಸಿ, ನಿರ್ದೇಶಿಸಿದ್ದಾರೆ. ಇದೊಂದು ಸೈನ್ಸ್‌ ಫಿಕ್ಷನ್‌, ಥ್ರಿಲ್ಲರ್‌ ಸಿನಿಮಾ.

ಇದು ಮೂಲತಃ ಸೈಬರ್‌ ಕ್ರೈಮ್‌ ಆಧರಿತ ಕಥೆಯಾಗಿದ್ದು, ಹಲವು ಸೈನ್ಸ್‌ ಫಿಕ್ಷನ್‌ ಅಂಶಗಳನ್ನು ಈ ಚಿತ್ರದಲ್ಲಿ ತೋರಿಸಲಾಗಿದೆಯಂತೆ. ಕಶ್ಯಪ್‌ ಭಾಸ್ಕರ್‌, ಸಂದೀಪ್‌ ಶ್ರೀನಿಧಿ, ಎಸ್‌.ಎನ್‌.ಸೇತುರಾಮ್‌ ಸೇರಿದಂತೆ ಅನೇಕರು ನಟಿಸಿದ್ದಾರೆ.

ಬಹುತೇಕ ಈ ಸಿನಿಮಾದ ಚಿತ್ರೀಕರಣ ವೀಕೆಂಡ್‌ನಲ್ಲೇ ನಡೆದಿದ್ದು, ಬೆಂಗಳೂರು, ಹುಬ್ಬಳ್ಳಿ, ಕೊಕ್ಕಡ ಸುತ್ತಮುತ್ತ ಮಾಡಲಾಗಿದೆ. ಈ ಚಿತ್ರದ ಮತ್ತೂಂದು ವಿಶೇಷ ವೆಂದರೆ ಬೇರೆ ಬೇರೆ ಚಿತ್ರೋತ್ಸವಗಳಲ್ಲಿ ಈ ಚಿತ್ರದ ಸ್ಕ್ರೀನ್‌ಪ್ಲೇಗೆ ಒಂಬತ್ತು ಪ್ರಶಸ್ತಿ ಗಳು ಬಂದಿವೆ. ಚಿತ್ರ ಈ ವಾರ (ಫೆ.25)ತೆರೆಕಾಣುತ್ತಿದೆ.