ಕಾಲೇಜ್‌ ಲೈಫ್ ಹೇಳೋಕೆ  ಬರ್ತಾರೆ ಸ್ಟೂಡೆಂಟ್ಸ್‌

Team Udayavani, Jun 15, 2017, 12:30 PM IST

ಕಾಲೇಜ್‌ ಲೈಫ್ ಕುರಿತು ಈಗಾಗಲೇ ಹಲವು ಸಿನಿಮಾಗಳು ಬಂದಿವೆ ಈಗಲೂ ಬರುತ್ತಲೇ ಇವೆ. ಆ ಸಾಲಿಗೆ “ಸ್ಟೂಡೆಂಟ್ಸ್‌’ ಎಂಬ ಹೊಸಬರ ಚಿತ್ರವೂ ಸೇರಿದೆ. ಈ ಚಿತ್ರಕ್ಕೆ “ದಿ ಪವರ್‌ ಆಫ್ ಯೂತ್ಸ್’ ಎಂಬ ಅಡಿಬರಹವಿದೆ. ಅಲ್ಲಿಗೆ ಇದೊಂದು ಕಾಲೇಜು ಹಾಗೂ ವಿದ್ಯಾರ್ಥಿ ಬದುಕಿನ ಚಿತ್ರಣ ಅನ್ನೋದು ಗೊತ್ತಾಗುತ್ತೆ. ನಿರ್ದೇಶಕ ಸಂತೋಷ್‌ಕುಮಾರ್‌, ತಮ್ಮ ಕಾಲೇಜು ದಿನಗಳಲ್ಲಿ ನಡೆದಂತಹ ನೈಜ ಘಟನೆಗಳನ್ನು ಇಟ್ಟುಕೊಂಡೇ ಅದಕ್ಕೆ ಒಂದಷ್ಟು ಕಮರ್ಷಿಯಲ್‌ ಅಂಶಗಳನ್ನು ಸೇರಿಸಿ ಚಿತ್ರ ಮಾಡಿದ್ದಾರೆ. ಚಿತ್ರಕ್ಕೆ ಸಚಿನ್‌ ಪುರೋಹಿತ್‌ನಾಯಕ್‌, ಕಿರಣ್‌ ಹಾಗೂ ಸಚಿನ್‌ ಹೀರೋಗಳು. ಅವರಿಗೆ ಸುವರ್ಣ ಶೆಟ್ಟಿ, ಭವ್ಯಕೃಷ್ಣ ನಾಯಕಿಯರು. ಉಳಿದಂತೆ ಚಿತ್ರದಲ್ಲಿ ರಮಣ ರಘುವೀರ್‌ ಖಳನಟರಾಗಿದ್ದಾರೆ. ರೇಖಾದಾಸ್‌ ಇಲ್ಲಿ ಬಜಾರಿ ಹೆಣ್ಣಾಗಿ ಕಾಣಿಸಿಕೊಂಡಿದ್ದಾರೆ. ರಾಂಪುರೋಹಿತ್‌ ಇತರರು ನಟಿಸಿದ್ದಾರೆ. ಮೈಸೂರು, ಬೆಂಗಳೂರು ಸುತ್ತಮುತ್ತ ಚಿತ್ರೀಕರಣ ನಡೆಸಲಾಗಿದೆ. 

ಚಿತ್ರಕ್ಕೆ ಬಿ.ಜೆ. ಭರತ್‌ ಹಾಗೂ ಎಡ್ವರ್ಡ್‌ ಶಾ ಸಂಗೀತ ನೀಡಿದ್ದಾರೆ.  ವಿನು ಮನಸು ಹಿನ್ನಲೆ ಸಂಗೀತ ಕೊಟ್ಟಿದ್ದಾರೆ. ಜೆ.ಜೆ. ಶರ್ಮ ಅವರು ಕ್ಯಾಮೆರಾ ಹಿಡಿದರೆ, ಹೆಚ್‌. ಹೇಮಂತ್‌ ಚಿತ್ರಕ್ಕೆ ಸಂಭಾಷಣೆ  ಬರೆದಿದ್ದಾರೆ. ವಿನಯ್‌ ಕುಮಾರ್‌ ನಾಯ್ಡು ಅವರ ಸಂಕಲನವಿದೆ. ನೆಲಮನೆ ರಾಘವೇಂದ್ರ ಅವರ ಸಾಹಿತ್ಯವಿದೆ. ಚಿತ್ರದಲ್ಲಿ ಮೂರು ಕಥೆಗಳು ಸಾಗಲಿದ್ದು, ಒಂದು ಹಂತದಲ್ಲಿ ನಡೆಯುವ ಘಟನೆಯಿಂದ ಸಿನಿಮಾಗೊಂದು ತಿರುವು ಸಿಗಲಿದೆ. ಅದೇ ಚಿತ್ರದ ಹೈಲೆಟ್‌ ಎಂಬುದು ನಿರ್ದೇಶಕರ ಮಾತು. ಶಿವಾನಂದ ಚಿತ್ರದ ನಿರ್ಮಾಣ ಮಾಡಿದ್ದಾರೆ. ಈಗಾಗಲೇ ಚಿತ್ರತಂಡ ಹುಮ್ಮಸ್ಸಿನಲ್ಲಿದ್ದು, ನಾಳೆ ಶುಕ್ರವಾರ ಪ್ರೇಕ್ಷಕರ ಮುಂದೆ ಬರಲು ಅಣಿಯಾಗಿದೆ.