ಲಾರ್ಡ್ಸ್‌ನಲ್ಲಿ ಸುದೀಪ್‌

Team Udayavani, May 13, 2017, 11:14 AM IST

ಎಲ್ಲಾ ಅಂದುಕೊಂಡಂತೆ ಆಗಿದ್ದರೆ, ಸುದೀಪ್‌ ನೇತೃತ್ವದ ಕರ್ನಾಟಕ ಬುಲ್ಡೋಜರ್ ತಂಡವು ಪ್ಯಾಡು ಮತ್ತು ಗ್ಲೌಸ್‌ಗಳನ್ನು ತೊಟ್ಟು ಇಷ್ಟರಲ್ಲಿ ಸೆಲೆಬ್ರಿಟಿ ಕ್ರಿಕೆಟ್‌ ಲೀಗ್‌ನ ಪಂದ್ಯಗಳನ್ನು ಆಡಬೇಕಿತ್ತು. ಆದರೆ, ಈ ಬಾರಿ ಯಾಕೋ ಸಿಸಿಎಲ್‌ ಹೆಚ್ಚು ಸುದ್ದಿ ಮಾಡುತ್ತಿಲ್ಲ. ಹಾಗಾದರೆ, ಸುದೀಪ್‌ ಈ ವರ್ಷ ಕ್ರಿಕೆಟ್‌ ಆಡುವುದಿಲ್ಲವಾ ಎಂಬ ಪ್ರಶ್ನೆ ಬರುವುದು ಸಹಜ. ಸುದೀಪ್‌ ಈಗಾಗಲೇ ಸದ್ದಿಲ್ಲದೆ ಕ್ರಿಕೆಟ್‌ ಆಡಿದ್ದಾರೆ.

ಅದೂ ಭಾರತದಲ್ಲಲ್ಲ, ಕ್ರಿಕೆಟ್‌ ಕಾಶಿ ಎನಿಸಿಕೊಂಡಿರುರುವ ಇಂಗ್ಲೆಂಡ್‌ನ‌ ಲಾರ್ಡ್ಸ್‌ನಲ್ಲಿ. ಗುರುವಾರ ಲಾರ್ಡ್ಸ್‌ನಲ್ಲಿ ಕಾರ್ಪೋರೇಟ್‌ ಕ್ರಿಕೆಟ್‌ ಡೇ ಆಯೋಜಿಸಲಾಗಿತ್ತು. ಈ ಟೂರ್ನಿಯಲ್ಲಿ ವಿಷನೇರ್‌ ಎಂಬ ತಂಡವನ್ನು ಸುದೀಪ್‌ ಪ್ರತಿನಿಧಿಸಿದ್ದಾರೆ. ಬರೀ ಸುದೀಪ್‌ ಅಷ್ಟೇ ಅಲ್ಲ, ಕರ್ನಾಟಕ ಬುಲ್ಡೋಜರ್ನ ಇನ್ನಿತರ ಆಟಗಾರರಾದ ರಾಜೀವ್‌, ಧ್ರುವ ಶರ್ಮ ಮುಂತಾದವರು ಸಹ ಪಾಲ್ಗೊಂಡಿದ್ದಾರೆ.

ಟೂರ್ನಿ ನಡೆಯುವ ಸಂದರ್ಭದಲ್ಲಿ ಇಂಗ್ಲೆಂಡ್‌ನ‌ ಕೌಂಟಿ ಆಡುವ ಕೆಲವು ಪ್ರಮುಖ ಆಟಗಾರರಾದ ಅಲೆಕ್ಸ್‌ ಟುಡೋರ್‌, ಮಾರ್ಕ್‌ ರಾಮ್‌ಪ್ರಕಾಶ್‌ ಮುಂತಾದವರನ್ನು ಸುದೀಪ್‌ ಭೇಟಿ ಮಾಡಿ ಬಂದಿದ್ದಾರೆ. ಜೊತೆಗೆ ಲಾರ್ಡ್ಸ್‌ನಲ್ಲಿ ತಮ್ಮ ತಂಡದವರೊಂದಿಗೆ ಹಲವು ಫೋಟೋಗಳನ್ನೂ ತೆಗೆಸಿಕೊಂಡಿದ್ದಾರೆ.