ಮಿತ್ರ ರಾಗಕ್ಕೆ ಸುದೀಪ್‌ ಸ್ವರ

Team Udayavani, Jan 14, 2017, 11:11 AM IST

ರಾಗ ಚಿತ್ರದ ಟ್ರೇಲರ್‌ ಈ ತಿಂಗಳ ಕೊನೆಗೆ ಬಿಡುಗಡೆಯಾಗುತ್ತಿದೆ. ಈ ಟ್ರೇಲರ್‌ಗೆ ಸುದೀಪ್‌ ಧ್ವನಿ ನೀಡಲಿದ್ದಾರೆ. ಈ ಚಿತ್ರವನ್ನು ನಿರ್ಮಿಸುವುದರ ಜೊತೆಗೆ ಮಿತ್ರ ತಮ್ಮ ವೃತ್ತಿಜೀವನದಲ್ಲಿ ಮೊದಲ ಬಾರಿಗೆ ಅಂಧರ ಪಾತ್ರ ಮಾಡಿದ್ದಾರೆ. ಅಂಧರ ಬಗ್ಗೆ ಅಭಿಮಾನವಿರುವ ಸುದೀಪ್‌, ಮಿತ್ರ ಅವರ ಪಾತ್ರದ ಬಗ್ಗೆ ಕೇಳಿದ ಕೂಡಲೇ, ಟ್ರೇಲರ್‌ಗೆ ಧ್ವನಿ ನೀಡುವುದಕ್ಕೆ ಒಪ್ಪಿಕೊಂಡಿದ್ದಾರಂತೆ. ಸದ್ಯದಲ್ಲೇ ಸುದೀಪ್‌, ಈ ಟ್ರೇಲರ್‌ಗೆ ಧ್ವನಿ ನೀಡಲಿದ್ದಾರೆ.

“ರಾಗ’ ಚಿತ್ರವನ್ನು ಮಿತ್ರ ಎಂಟರ್‌ಟೈನರ್‌ ಸಿನಿ ಕ್ರಿಯೇಷನ್ಸ್‌ನಡಿ ನಿರ್ಮಾಣವಾಗುತ್ತಿದ್ದು, ಪಿ.ಸಿ. ಶೇಖರ್‌ ಅವರು ಕಥೆ-ಚಿತ್ರಕಥೆ ಬರೆಯುವುದರ ಜೊತೆಗೆ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಇನ್ನಿತರ ತಾರಾಬಳಗದಲ್ಲಿ ಭಾಮಾ, ಅವಿನಾಶ್‌, ಜೈಜಗದೀಶ್‌, ರಮೇಶ್‌ ಭಟ್‌, ಸಿಹಿಕಹಿ ಚಂದ್ರು, ರೂಪಿಕಾ  ಇತರರು ನಟಿಸಿದ್ದಾರೆ.