ಸಿನಿಮಾದ ‘ಸರ್‌ಪ್ರೈಸ್‌’ ಟೈಟಲ್‌

Team Udayavani, Oct 22, 2021, 4:25 PM IST

ಸಾಮಾನ್ಯವಾಗಿ ಸಿನಿಮಾದ ಸಬ್ಜೆಕ್ಟ್, ಕ್ಲೈಮ್ಯಾಕ್ಸ್‌ ನಲ್ಲಿ ಸರ್‌ಪ್ರೈಸ್‌ ಇರೋದನ್ನ ನೀವು ಕೇಳಿರುತ್ತೀರಿ. ಆದರೆ ಇಲ್ಲೊಂದು ಚಿತ್ರತಂಡ ತನ್ನ ಸಿನಿಮಾಕ್ಕೆ “ಸರ್‌ಪ್ರೈಸ್‌’ ಅಂಥ ಟೈಟಲ್‌ ಇಟ್ಟಿದೆ. ದಸರಾ ಹಬ್ಬದ ಸಂದರ್ಭದಲ್ಲಿ “ಸರ್‌ಪ್ರೈಸ್‌’ ಟೈಟಲ್‌ ಪೋಸ್ಟರ್‌ ಬಿಡುಗಡೆಯಾಗಿದ್ದು, ನವೆಂಬರ್‌ನಿಂದ “ಸರ್‌ಪ್ರೈಸ್‌’ ಶೂಟಿಂಗ್‌ ಶುರುವಾಗಲಿದೆ.

ಈ ಹಿಂದೆ ಪುನೀತ್‌ ರಾಜಕುಮಾರ್‌, ಶ್ರೀಮುರಳಿ ಮೊದಲಾದ ಸ್ಟಾರ್ ಸಿನಿಮಾಕ್ಕೆ ಮೋಷನ್‌ ಪೋಸ್ಟರ್‌, ಲಿರಿಕಲ್‌ ವಿಡಿಯೋ ಹಾಗು ಸಂಕಲನ ಕೆಲಸ ಮಾಡಿದ ಅನುಭವವಿರುವ ಪ್ರತಿಭೆ ಕುಮಾರ್‌ ಎಸ್‌. ವಿ ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ ಬರೆದು ನಿರ್ದೇಶನ ಮಾಡುತ್ತಿದ್ದಾರೆ.

ಚಿತ್ರದಲ್ಲಿ ತಾರಕ್‌ ನಾಯಕ ನಟನಾಗಿ ನಟಿಸುತಿದ್ದು, ಚಿತ್ರಕ್ಕೆ ಮನೋಜಿ ರೂಢಿಯ ಛಾಯಾಗ್ರಹಣ, ಆಕಾಶ್‌ ಸಂಕಲನವಿದೆ. ಚಿತ್ರದ ಹಾಡುಗಳಿಗೆ ಪ್ರದ್ಯೋತ್ತಮ್‌ ಸಂಗೀತ ನಿರ್ದೇಶನವಿದೆ. ಚಿತ್ರಕ್ಕೆ ಲಿಂಗರಾಜು ವಾಡಕಿ ಬಂಡವಾಳ ಹೂಡಿ ನಿರ್ಮಿಸುತ್ತಿದ್ದಾರೆ.