ಹಾಡು ಹೇಳುತ್ತಾ ಬಂದರು ಪುಣ್ಯಾತ್‌ಗಿತ್ತೀರು….

Team Udayavani, Mar 20, 2019, 5:42 AM IST

ಮಹಿಳಾ ಪ್ರಧಾನ ಕಥಾಹಂದರ ಹೊಂದಿರುವ “ಪುಣ್ಯಾತ್‌ಗಿತ್ತೀರು’ ಚಿತ್ರದ ಹಾಡುಗಳು ಇತ್ತೀಚೆಗೆ ಬಿಡುಗಡೆಯಾಗಿದೆ. ಸತ್ಯನಾರಾಯಣ ಮನ್ನೆ ನಿರ್ಮಾಣ ಮಾಡಿರುವ ಈ ಚಿತ್ರದಲ್ಲಿ ಒಟ್ಟು ನಾಲ್ಕು ಹಾಡುಗಳಿದ್ದು, ರಾಮಾನುಜಂ ಸಂಗೀತ ಸಂಯೋಜನೆ ಇದೆ.

ಚಿತ್ರದ ಹಾಡುಗಳಿಗೆ ಡಾ. ವಿ ನಾಗೇಂದ್ರ ಪ್ರಸಾದ್‌, ಮೋಹನ್‌ ಮೊದಲಾದವರು ಸಾಹಿತ್ಯ ಒದಗಿಸಿದ್ದಾರೆ. ಇತ್ತೀಚೆಗೆ ಚಿತ್ರದ ನಾಲ್ವರು ನಾಯಕಿಯರು ಮತ್ತು ಚಿತ್ರತಂಡದ ಸದಸ್ಯರ ಸಮ್ಮುಖದಲ್ಲಿ ಆಡಿಯೋ ರಿಲೀಸ್‌ ಮಾಡಲಾಗಿದೆ.

ದಿಕ್ಕು-ದೆಸೆಯಿಲ್ಲದೆ ಪಿಜಿಯಲ್ಲಿ ಬದುಕುತ್ತಾ ಥರ ಥರದ ಮೋಸವನ್ನೇ ಬದುಕಾಗಿಸಿಕೊಂಡ ಬಜಾರಿಯರ ಕಥೆ ಈ ಚಿತ್ರದಲ್ಲಿದೆಯಂತೆ. ಚಿತ್ರದ ಮೊದಲರ್ಧ ಬಜಾರಿಯರ ಕರಾಮತ್ತಿನ ವೃತ್ತಾಂತವಿದ್ದರೆ, ದ್ವಿತಿಯಾರ್ಧ ಎಮೋಷನಲ್‌ ವೃತ್ತಾಂತ ಇರಲಿದೆಯಂತೆ. ಎಲ್ಲ ಅಂದುಕೊಂಡಂತೆ ನಡೆದರೆ, ಇದೇ ಏಪ್ರಿಲ್‌ನಲ್ಲಿ ಪುನ್ಯಾಣ್‌ಗಿತ್ತೀರು ತೆರೆಗೆ ಬರುವ ಸಾಧ್ಯತೆ ಇದೆ.