ಅಂಧ ಯುವತಿಯ ಸೇಡಿನ ಕಥೆ ಅನಕ್ಷ

Team Udayavani, Jul 26, 2017, 10:58 AM IST

ಅಂಧ ಹಾಗೂ ಮೂಕ ಯುವತಿಯೊಬ್ಬಳ ಪ್ರತೀಕಾರದ ಕಥಾನಕವನ್ನು ಹೊಂದಿರುವ “ಅನಕ್ಷ’ ಎಂಬ ಚಿತ್ರದ ಮುಹೂರ್ತ ಸಮಾರಂಭ ಇತ್ತೀಚೆಗೆ ಮತ್ತೀಕರೆಯ ಚಾಮುಂಡೇಶ್ವರಿ ದೇವಸ್ಥಾನದಲ್ಲಿ ನೆರವೇರಿತು.

ಮಾತನಾಡಲು ಬಾರದ ಅನಕ್ಷ ಎಂಬ ಅಂಧ ಯುವತಿ ತನ್ನ ಮೇಲೆ ಅತ್ಯಾಚಾರವೆಸಗಿದ ಧುರುಳನನ್ನು ಸ್ನೇಹಿತನ ಸಹಾಯದಿಂದ ಪತ್ತೆ ಹಚ್ಚಿ ಆತನಿಗೆ ಶಿಕ್ಷೆ ಕೊಡಿಸುವ ಕಥೆ ಈ ಚಿತ್ರದಲ್ಲಿದೆ. ಬೆಂಗಳೂರು ಸುತ್ತಮುತ್ತ ಸತತವಾಗಿ ಚಿತ್ರೀಕರಣ ನಡೆಸಿರುವ ಈ ಚಿತ್ರದ ನಿರ್ಮಾಪಕರ ಸಹೋದರ ಶೇಖರ್‌ ನಾಯಕನಾಗಿ ಅಭಿನಯಿಸುತ್ತಿದ್ದಾರೆ.  

ತಮ್ಮನ ಎದುರು ಪ್ರಭಾಕರ್‌ ಖಳನಾಯಕನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಬ್ರೆಟ್‌ಕಟ್‌ ಸಿನಿಮಾ ಲಾಂಛನದಲ್ಲಿ ಪ್ರಭಾಕರ್‌.ಎಂ. ನಿರ್ಮಿಸುತ್ತಿರುವ ಈ ಚಿತ್ರವನ್ನು ಪ್ರಜ್ವಲ್‌ ಸಿ. ರೆಡ್ಡಿ, ಕಥೆ, ಚಿತ್ರಕಥೆ ಸಂಭಾಷಣೆ ಬರೆದು ನಿರ್ದೇಶಿಸುತ್ತಿರುವ ಈ ಚಿತ್ರಕ್ಕೆ ವಿವೇಕ್‌ ಪಿ.ರೆಡ್ಡಿ ಸಂಗೀತ, ಪೂರ್ಣಚಂದ್ರ ಬೈಕಾಡಿ ಛಾಯಾಗ್ರಹಣ, ರವಿ ಸಂಕಲನ, ಇಸ್ಮಾಯಿಲ್‌ ಕಲಾ ನಿರ್ದೇಶನವಿದೆ. 

ಶೇಖರ್‌, ಸಂಗೀತ, ಲಿಯಾನ್‌ ಅಲ್ಕಸ್‌, ಪ್ರಭಾಕರ್‌ ಎಂ., ಅಂಬರೀಷ್‌, ಜಾನ್ವಿ ಕಾರ್ತಿಕ್‌, ರವಿಕುಮಾರ್‌ ತಾರಾ ಬಳಗದಲ್ಲಿದ್ದಾರೆ.