ಇದು ಹೊಸಬರ ಮೈಸೂರು ಸ್ಯಾಂಡಲ್‌ 

Team Udayavani, Sep 4, 2019, 1:14 PM IST

“ಮೈಸೂರ್‌ ಸ್ಯಾಂಡಲ್‌’ ಎಂಬ ಚಿತ್ರವೊಂದು ಕನ್ನಡದಲ್ಲಿ ನಿರ್ಮಾಣವಾಗುತ್ತಿದೆ. ಇತ್ತೀಚೆಗೆ ಈ ಚಿತ್ರದ ಮುಹೂರ್ತ ಕಾರ್ಯಕ್ರಮ ಹೆಸರಘಟ್ಟ ರಸ್ತೆಯ ಬಾಗಲಗುಂಟೆ ಮಾರಮ್ಮ ದೇವಸ್ಥಾನದಲ್ಲಿ ನಡೆುತು.

ರಾಜಪುರಿ ಈ ಚಿತ್ರಕ್ಕೆ ಕಥೆ-ಚಿತ್ರಕಥೆ-ಸಂಭಾಷಣೆ ಬರೆದು ನಿರ್ದೇಶನ ಮಾಡಿ¨ªಾರೆ. ರಿಲೀಸ್‌ಗೆ ರೆಡಿಯಾಗಿರುವ “ಸ್ಪಲ್ವ ಸಮಯದ ನಂತರ ಕರೆಮಾಡಿ’ ಎಂದ ಚಿತ್ರವನ್ನು ನಿರ್ದೇಶಿಸಿದ್ದ ರಾಜಪುರಿ ಅವರ ಎರಡನೆ ಚಿತ್ರದು. ಸಿನಿಮಾ ರಂಗದಲ್ಲಿ ನಿರ್ದೇಶಕರಾಗಬೇಕೆಂದು ಬಂದವರು ಏನೆಲ್ಲಾ ಅನುಭವ ಪಡೆದರು ಎಂದು ನಾಯಕ ನಾಯಕಿಯ ಮೂಲಕ ಹೇಳಲು ಪ್ರಯತ್ನಿಸಿದ್ದಾರೆ.

ಬೆಂಗಳೂರು, ಶಿವಮೊಗ್ಗ, ದೊಡ್ಡಬಳ್ಳಾಪುರ ಹಾಗೂ ಚಿಕ್ಕಮಗಳೂರು ಸುತ್ತಮುತ್ತ “ಮೈಸೂರ್‌ ಸ್ಯಾಂಡಲ್‌’ ಚಿತ್ರಕ್ಕೆ ಚಿತ್ರಕರಣ ನಡೆಯಲಿದೆ. ಅಭಯ್‌ ಪಚ್‌ಪಾಂಡೆ ನಿರ್ಮಿಸುತ್ತಿರುವ ಈ ಚಿತ್ರಕ್ಕೆ ಎಂ.ಆರ್‌.ಸೀನು ಛಾಯಾಗ್ರಹಣ, ಹರ್ಷ ಕೂಗೂಡು ಸಂಗೀತ, ದುರ್ಗ ಪಿ.ಎಸ್‌. ಸಂಕಲನ, ಅಪ್ಪು ವೆಂಕಟೇಶ್‌ ಸಾಹಸ, ಶ್ರೀತೇಜ ಸಾಹಿತ್ಯ, ಕಂಬಿರಾಜು ನೃತ್ಯವಿದೆ.

ವಿಶಾಲ್‌ಕುಮಾರ್‌, ಮಹಿಮಾ, ಕುರಿ ಪ್ರತಾಪ್‌ , ಪ್ರಕಾಶ್‌, ದುರ್ಗಪ್ರಸಾದ್‌, ಶಾಂತಕುಮಾರ್‌, ಅರುಣ್‌, ಶಿವಾಸ್‌.ಕೆ.ಪಾಣಿ, ಸೀನಂ ಕುಮಾರ್‌ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.