ಇಂದು ರಕ್ಷಿತ್‌ ಶೆಟ್ಟಿ ಬರ್ತ್‌ಡೇ

Team Udayavani, Jun 6, 2017, 12:00 PM IST

ನಟ ರಕ್ಷಿತ್‌ ಶೆಟ್ಟಿಗೆ ಇಂದು ಹುಟ್ಟುಹಬ್ಬ ಸಂಭ್ರಮ. ಈ ಬಾರಿಯ ಹುಟ್ಟುಹಬ್ಬ ಅವರಿಗೆ ನಾನಾ ಕಾರಣಗಳಿಗಾಗಿ ವಿಶೇಷ. ಮೊದಲನೇಯದಾಗಿ ಅವರು ಕಥೆ ಬರೆದು ನಟಿಸಿರುವ “ಕಿರಿಕ್‌ ಪಾರ್ಟಿ’ ಚಿತ್ರ ಭರ್ಜರಿ ಹಿಟ್‌ ಆಗಿದ್ದು, ಮೊನ್ನೆಯಷ್ಟೇ ಇನ್ನೋವೇಟಿವ್‌ ಫಿಲಂ ಸಿಟಿಯಲ್ಲಿ 150ನೇ ದಿನ ಸಂಭ್ರಮವನ್ನು ಚಿತ್ರತಂಡ ಆಚರಿಸಿದೆ.

ಇದು ಒಂದು ಕಾರಣವಾದರೆ ಅದಕ್ಕಿಂತ ದೊಡ್ಡ ಮತ್ತೂಂದು ಕಾರಣ, ರಕ್ಷಿತ್‌ ಮದುವೆ. ಹೌದು, ರಕ್ಷಿತ್‌ ಯಾವಾಗ ಮದುವೆಯಾಗುತ್ತಾರೆ ಮತ್ತು ಯಾರನ್ನು ಮದುವೆಯಾಗುತ್ತಾರೆಂಬ ಪ್ರಶ್ನೆಗೆ ಈಗಾಗಲೇ ಉತ್ತರ ಸಿಕ್ಕಿದೆ. ಅದು ರಶ್ಮಿಕಾ ಮಂದಣ್ಣ.

“ಕಿರಿಕ್‌ ಪಾರ್ಟಿ’ ಚಿತ್ರದಲ್ಲಿ ನಾಯಕಿಯಾಗಿದ್ದ ರಶ್ಮಿಕಾ ಹಾಗೂ ರಕ್ಷಿತ್‌ ಪ್ರೀತಿಯಲ್ಲಿ ಬಿದ್ದಿದ್ದು, ಜುಲೈ 3 ರಂದು ಇವರ ನಿಶ್ಚಿತಾರ್ಥ ನಡೆಯಲಿದೆ. ಇದಲ್ಲದೇ, ರಕ್ಷಿತ್‌ಗೆ ಸುದೀಪ್‌ ಸಿನಿಮಾವನ್ನು ನಿರ್ದೇಶಿಸುವ ಅವಕಾಶವೂ ಸಿಕ್ಕಿದೆ. ಈ ಎಲ್ಲಾ ಕಾರಣಗಳಿಂದ ರಕ್ಷಿತ್‌ಗೆ ಈ ಹುಟ್ಟುಹಬ್ಬ ತುಂಬಾನೇ ವಿಶೇಷ.