ನಾಳೆ “ಕೆಂಪೇಗೌಡ-2′ ಟ್ರೇಲರ್‌ ರಿಲೀಸ್‌

Team Udayavani, Apr 13, 2019, 3:00 AM IST

ನಟ ಕೋಮಲ್‌ ಎಲ್ಲಿದ್ದಾರೆ? ಇತ್ತೀಚೆಗೆ ಕೋಮಲ್‌ ಎಲ್ಲೂ ಸುದ್ದಿಯಲ್ಲಿ ಇಲ್ಲವಲ್ಲಾ, ಎಂದುಕೊಳ್ಳುತ್ತಿದ್ದ ಸಿನಿಪ್ರಿಯರ ಮುಂದೆ ಕೋಮಲ್‌ ಹೊಸ ಸುದ್ದಿಯೊಂದನ್ನು ಹೊತ್ತು ತರುತ್ತಿದ್ದಾರೆ.  ಹೌದು, ಕಳೆದ ಎರಡೂವರೆ ವರ್ಷಗಳಿಂದ “ಕೆಂಪೇಗೌಡ-2′ ಲುಕ್‌ನಲ್ಲಿ ಪ್ರೇಕ್ಷಕರ ಮುಂದೆ ಬರಲು ತೆರೆಮರೆಯಲ್ಲಿ ಕಸರತ್ತು ನಡೆಸುತ್ತಿರುವ ಕೋಮಲ್‌ ಈ ವರ್ಷ ಪ್ರೇಕ್ಷಕರ ಮುಂದೆ ದರ್ಶನ ಕೊಡೋದೆ ಬಹುತೇಕ ಪಕ್ಕಾ ಆಗಿದೆ.

ಇದಕ್ಕೆ ಪೂರ್ವಭಾವಿ ಎಂಬಂತೆ ನಾಳೆ ಕೋಮಲ್‌ ಮಾಸ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿರುವ “ಕೆಂಪೇಗೌಡ-2′ ಆ್ಯಕ್ಷನ್‌ ಕಹಾನಿಯ ಮೊದಲ ಟ್ರೇಲರ್‌ ಅದ್ಧೂರಿಯಾಗಿ ಬಿಡುಗಡೆಯಾಗಲಿದೆ. ಈಗಾಗಲೇ ಬಿಡುಗಡೆಯಾಗಿರುವ “ಕೆಂಪೇಗೌಡ-2′ ಚಿತ್ರದ ಫ‌ಸ್ಟ್‌ಲುಕ್‌ ಪೋಸ್ಟರ್‌, ಟೀಸರ್‌ಗಳಲ್ಲಿ ಕೋಮಲ್‌ ಡಿಫ‌ರೆಂಟ್‌ ಲುಕ್‌ ನೋಡುಗರ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿದ್ದು, ಈಗ ಬರುತ್ತಿರುವ ಟ್ರೇಲರ್‌ನಲ್ಲಿ ಕೋಮಲ್‌ ಖದರ್‌ ಹೇಗಿದೆ ಎಂಬ ಪ್ರಶ್ನೆಗೆ ನಾಳೆ ಉತ್ತರ ಸಿಗಲಿದೆ.

ಶಂಕರೇಗೌಡ ನಿರ್ಮಾಣದ ಈ ಚಿತ್ರದಲ್ಲಿ ಕ್ರಿಕೆಟ್‌ ಆಟಗಾರ ಶ್ರೀಶಾಂತ್‌ ಕೂಡ ಪ್ರಮುಖ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದಾರೆ. ಸದ್ಯ ಟ್ರೇಲರ್‌ ಬಿಡುಗಡೆಯ ಮೂಲಕ “ಕೆಂಪೇಗೌಡ-2′ ಚಿತ್ರದ ಪ್ರಚಾರ ಕಾರ್ಯಗಳಿಗೆ ಚಾಲನೆ ನೀಡಲಿರುವ ಕೋಮಲ್‌, ಇದೇ ಮೇ ತಿಂಗಳಿನಲ್ಲಿ ಚಿತ್ರವನ್ನು ತೆರೆಗೆ ತರುವ ಯೋಚನೆಯಲ್ಲಿದ್ದಾರೆ.