Sandalwood: ‘ಟಿಆರ್‌ಪಿ ರಾಮ’ನಿಗಾಗಿ ಮತ್ತೇ ಬಂದ್ರು ಮಹಾಲಕ್ಷ್ಮೀ

Team Udayavani, Sep 27, 2023, 4:02 PM IST

ಹಿರಿಯ ನಟಿ ಮಹಾಲಕ್ಷ್ಮೀ “ಟಿಆರ್‌ಪಿ ರಾಮ’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಇತ್ತೀಚೆಗೆ ಚಿತ್ರದ ಟ್ರೇಲರ್‌ ಬಿಡುಗಡೆ ಕಾರ್ಯಕ್ರಮಕ್ಕೆ ಆಗಮಿಸಿದ್ದರು. “ಕೆಟ್ಟದನ್ನು ಕೇಳಬಾರದು. ಕೆಟ್ಟದನ್ನು ನೋಡಬಾರದು..ಕೆಟ್ಟದನ್ನು ಮಾಡಬಾರದು. ಅದನ್ನು ನಿಮ್ಮ ಮಕ್ಕಳಿಗೆ ನೆನಪಿಸಿ. ಅವರ ಜೀವನ ಚೆನ್ನಾಗಿರುತ್ತದೆ. ಅದನ್ನೂ ಹೇಳಿ ಕೊಡುವುದೇ ಟಿಆರ್‌ಪಿ ರಾಮ.

ಚಿತ್ರದಲ್ಲಿ ಮನರಂಜನೆ ಇದೆ. ನೀತಿ ಇದೆ. ಆ ನೀತಿ ನಮ್ಮ ಜನರೇಷನ್‌ಗೆ ಸಿಗಬೇಕು. ನಮ್ಮ ಸರ್ಕಾರ ಎಲ್ಲಾ ನಿರ್ಧಾರ ತೆಗೆದು ಕೊಳ್ಳುತ್ತಿದೆ. ಆದರೆ ಅದನ್ನು ಫಾಲೋ ಮಾಡಲು ಆಗುತ್ತಿಲ್ಲ’ ಎಂದರು. “ನಾನು ನನ್‌ ಆಗಿರಲಿಲ್ಲ. ಆದರೆ, ಕ್ರಿಶ್ಚಿಯನ್‌ ಧರ್ಮಕ್ಕೆ ಮತಾಂತರವಾಗಿದ್ದೆ. ನನ್ನ ಮಕ್ಕಳು, ಮೊಮ್ಮಕ್ಕಳೊಂದಿಗೆ ಖುಷಿಯಾಗಿದ್ದೇನೆ’ ಎಂದಿದ್ದಾರೆ ನಟಿ ಮಹಾಲಕ್ಷ್ಮೀ.

ರವಿಪ್ರಸಾದ್‌ ಈ ಸಿನಿಮಾದ ನಿರ್ದೇಶಕರು. ಸ್ಪರ್ಶ ರೇಖಾ ಕೂಡಾ ಈ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ರಾಜ್‌ ಗುರು ಹೊಸಕೋಟೆ ಸಂಗೀತ, ಸುನಿಲ್‌ ಕಶ್ಯಪ್‌ ಸಂಕಲನ ಚಿತ್ರಕ್ಕಿದೆ.