UI Movie: ಬಾಕ್ಸ್‌ ಆಫೀಸ್‌ನಲ್ಲಿ ಯು-ಐ ಬ್ಲಾಕ್‌ ಬಸ್ಟರ್

Team Udayavani, Dec 30, 2024, 3:04 PM IST

ಉಪೇಂದ್ರ ನಟನೆ, ನಿರ್ದೇಶನದ “ಯು-ಐ’ ಸಿನಿಮಾ ಡಿಸೆಂಬರ್‌ 20 ತೆರೆಕಂಡಿದ್ದು ಗೊತ್ತೇ ಇದೆ. ಉಪೇಂದ್ರ ನಿರ್ದೇಶನದ ಸಿನಿಮಾವಾದ್ದರಿಂದ ಚಿತ್ರ ಭರ್ಜರಿ ನಿರೀಕ್ಷೆ ಹುಟ್ಟಿಸಿತ್ತು. ಅದರಂತೆ ಚಿತ್ರ ಬಾಕ್ಸ್‌ ಆಫೀಸ್‌ನಲ್ಲೂ ದೊಡ್ಡ ಮಟ್ಟದಲ್ಲಿ ಹಿಟ್‌ ಆಗಿದೆ. ಇಡೀ ತಂಡ ಇತ್ತೀಚೆಗೆ ಸಕ್ಸಸ್‌ ಮೀಟ್‌ ಮೂಲಕ ಸಂಭ್ರಮಿಸಿದೆ.

ಲಹರಿ ಫಿಲಂಸ್‌ನ ವೇಲು ಅವರು ಹೇಳುವಂತೆ, “ಸಿನಿಮಾ ದೊಡ್ಡ ಮಟ್ಟದಲ್ಲಿ ಹಿಟ್‌ ಆಗಿದೆ. ನಮ್ಮ ನಿರೀಕ್ಷೆಗೂ ಮೀರಿ ಜನ ಈ ಸಿನಿಮಾವನ್ನು ಸ್ವೀಕರಿಸಿದ್ದಾರೆ. ಬಾಕ್ಸ್‌ ಆಫೀಸ್‌ನಲ್ಲಿ ಚಿತ್ರ ಬ್ಲಾಕ್‌ ಬಸ್ಟರ್‌ ಆಗಿದೆ’ ಎನ್ನುವ ಮೂಲಕ ಸಿನಿಮಾ ಗೆದ್ದ ಖುಷಿ ಹಂಚಿಕೊಂಡರು.

ನಟ ಉಪೇಂದ್ರ ಕೂಡಾ ಜನ ಸಿನಿಮಾವನ್ನು ಸ್ವೀಕರಿಸಿರುವ ರೀತಿ ಬಗ್ಗೆ ಮಾತನಾಡಿದರು. “ಪ್ರೇಕ್ಷಕರು ಯಾವತ್ತೂ ಬುದ್ಧಿವಂತರೂ ಎಂಬುದನ್ನು ತೋರಿಸಿಕೊಟ್ಟಿ ದ್ದಾರೆ. ಅವರು ಸಿನಿಮಾದ ಪ್ರತೀ ಸಿನಿಮಾವನ್ನು ಡೀಕೋಡ್‌ ಮಾಡಿರುವ ರೀತಿ ಅದ್ಭುತ. ಅವರು ವಿವರಿಸಿರುವ ರೀತಿ ನೋಡಿ ನನಗೆ ಅಚ್ಚರಿಯಾಯಿತು. ಸಿನಿಮಾ ನಿರೀಕ್ಷೆಗೂ ಮೀರಿ ಗೆದ್ದಿದೆ’ ಎಂದರು.

ಇಡೀ ತಂಡ ಜೊತೆಯಾಗಿ ಕೇಕ್‌ ಕಟ್‌ ಮಾಡುವ ಮೂಲಕ ಸಿನಿಮಾದ ಗೆಲುವನ್ನು ಸಂಭ್ರಮಿಸಿತು.