ಲೀಕ್ ಆಯ್ತು ಶಂಕರ್ ನಿರ್ದೇಶನದ ‘ಇಂಡಿಯನ್ 2’ನಲ್ಲಿ ಕಮಲಹಾಸನ್ ಲುಕ್

Team Udayavani, Oct 23, 2019, 10:16 PM IST

ಚೆನ್ನೈ: ದಕ್ಷಿಣ ಭಾರತದ ಖ್ಯಾತ ನಿರ್ದೇಶಕ ಶಂಕರ್ ನಿರ್ದೇಶನದಲ್ಲಿ ತಯಾರಾಗುತ್ತಿರುವ ‘ಇಂಡಿಯನ್ 2’ ಚಿತ್ರದಲ್ಲಿ ಕಮಲಹಾಸನ್ ಪಾತ್ರದ ಸ್ವರೂಪ ಹೇಗಿರುತ್ತದೆ ಎಂಬ ಕುತೂಹಲ ಚಿತ್ರಪ್ರೇಮಿಗಳಲ್ಲಿ ತುಂಬಿಕೊಂಡಿರುವಂತೆ ಆ ಚಿತ್ರದಲ್ಲಿ ಕಮಲ್ ಪಾತ್ರಕ್ಕೆ ಮೇಕಪ್ ಮಾಡುತ್ತಿರುವ ಫೊಟೋ ಒಂದು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

INDIAN 2 is one SEQUEL I m waiting too badly to see @ikamalhaasan as a nonagenarian vigilante. World needs such vigilantes to end corruption.

INDIAN 2- 2021 release. pic.twitter.com/7upeUTrMWB

— Annttonn (@an10ANTON) October 23, 2019

ಇಂಡಿಯನ್ 2 ಚಿತ್ರದ ಚಿತ್ರೀಕರಣ ಸೆಟ್ ನಲ್ಲಿ ಕಮಲಹಾಸನ್ ಅವರು ಸೇನಾಪತಿ ಗೆಟಪ್ ನಲ್ಲಿರುವ ಈ ಫೊಟೋವನ್ನು ಟ್ವಿಟ್ಟರ್ ಮತ್ತು ಇನ್ ಸ್ಟಾಗ್ರಾಂ ಬಳಕೆದಾರರು ಶೇರ್ ಮಾಡುತ್ತಿದ್ದಾರೆ. 1996ರಲ್ಲಿ ತರೆಕಂಡಿದ್ದ ‘ಇಂಡಿಯನ್’ ಚಿತ್ರದ ಮುಂದುವರಿದ ಭಾಗವಾಗಿರುವ ಈ ಚಿತ್ರವನ್ನು ಭೌಮಿಕ್ ಗೊಂಡಾಲಿಯಾ ಹಾಗೂ ಸುಭಾಸ್ಕರನ್ ಅಲ್ಲಿರಾಜಾ ಅವರು ನಿರ್ಮಿಸುತ್ತಿದ್ದಾರೆ.

ಕಮಲಹಾಸನ್ ಹಾಗೂ ಹಿರಿಯ ನಟ ನೆಡುಮುಡಿ ವೇಣು ಅವರು ‘ಇಂಡಿಯನ್’ ಚಿತ್ರದಲ್ಲಿದ್ದಂತೆ ಈ ಚಿತ್ರದಲ್ಲಿಯೂ ಕ್ರಮವಾಗಿ ಸೇನಾಪತಿ ಹಾಗೂ ಕೃಷ್ಣಸ್ವಾಮಿ ಪಾತ್ರಗಳನ್ನು ನಿರ್ವಹಿಸುತ್ತಿದ್ದಾರೆ.

ಇನ್ನುಳಿದಂತೆ ಕಾಜಲ್ ಅಗರ್ವಾಲ್, ಸಿದ್ದಾರ್ಥ್, ರಕುಲ್ ಪ್ರೀತ್ ಸಿಂಗ್, ವಿವೇಕ್ ಮತ್ತು ಪ್ರಿಯಾ ಭವಾನಿ ಶಂಕರ್ ಅವರು ಬಹುನಿರೀಕ್ಷಿತ ಈ ಚಿತ್ರದಲ್ಲಿ ಇನ್ನುಳಿದ ಪ್ರಮುಖ ಪಾತ್ರಗಳನ್ನು ನಿಭಾಯಿಸಲಿದ್ದಾರೆ ಹಾಗೂ ಆ್ಯಕ್ಷನ್ ಸ್ಟಾರ್ ವಿದ್ಯುತ್ ಜಮ್ವಾಲ್ ಅವರು ಈ ಚಿತ್ರದಲ್ಲಿ ನೆಗೆಟಿವ್ ರೋಲ್ ನಲ್ಲಿ ಕಾಣಿಸಿಕೊಳ್ಳುವ ಸಾಧ್ಯತೆಗಳಿವೆ.

ಸುಮಾರು 200 ಕೋಟಿ ರೂಪಾಯಿ ಬಜೆಟ್ ನಲ್ಲಿ ನಿರ್ಮಾಣಗೊಳ್ಳುತ್ತಿರುವ ‘ಇಂಡಿಯನ್ 2’ ಚಿತ್ರ 2021ರ ಎಪ್ರಿಲ್ 14ರಂದು ವಿಶ್ವಾದ್ಯಂತ ತೆರೆ ಕಾಣುವ ನಿರೀಕ್ಷೆ ಇದೆ.