Vinod Prabhakar; ‘ಫೈಟರ್‌’ ಮೊಗದಲ್ಲಿ 50ರ ನಗು

Team Udayavani, Dec 2, 2023, 3:58 PM IST

ವಿನೋದ್‌ ಪ್ರಭಾಕರ್‌ ನಾಯಕರಾಗಿ ನಟಿಸಿರುವ “ಫೈಟರ್‌’ ಚಿತ್ರ 50 ದಿನ ಪೂರೈಸುವ ಮೂಲಕ ಚಿತ್ರತಂಡದ ಖುಷಿಗೆ ಕಾರಣವಾಗಿದೆ. ಔಟ್‌ ಅಂಡ್‌ ಔಟ್‌ ಆ್ಯಕ್ಷನ್‌ ಜೊತೆಗೆ ರೈತರ ಸಮಸ್ಯೆಗಳ ಸುತ್ತ ಬೆಳಕು ಚೆಲ್ಲುವ ಕಥಾವಸ್ತುವಿನೊಂದಿಗೆ ಈ ಸಿನಿಮಾ ತೆರೆಗೆ ಬಂದಿತ್ತು. ಮಾಸ್‌ ಪ್ರಿಯರ ಜೊತೆ ಸಿನಿಮಾದಲ್ಲೊಂದು ಗಟ್ಟಿಕಥೆ ಬೇಕೆಂದು ಬಯಸುವ ಮಂದಿ “ಫೈಟರ್‌’ ಇಷ್ಟಪಟ್ಟಿದ್ದರು. ಈ ಮೂಲಕ ವಿನೋದ್‌ ಪ್ರಭಾಕರ್‌ಗೆ “ಫೈಟರ್‌’ ಚಿತ್ರ ಒಂದೊಳ್ಳೆಯ ಬ್ರೇಕ್‌ ನೀಡಿದ್ದು ಸುಳ್ಳಲ್ಲ.

ಇನ್ನು ನಿರ್ಮಾಪಕರಿಗೂ ಈ ಚಿತ್ರ ಒಳ್ಳೆಯ ಹೆಸರುತಂದುಕೊಟ್ಟಿತು. ಈ ಕುರಿತು ಮಾತನಾ ಡುವ ನಿರ್ಮಾಪಕ ಕೆ.ಸೋಮಶೇಖರ್‌, “ಫೈಟರ್‌ ಚಿತ್ರ ನನಗೆ ಖುಷಿ ಕೊಟ್ಟಿದೆ. ಹಣ, ಹೆಸರು ಎಲ್ಲವನ್ನು ತಂದುಕೊಟ್ಟ ಚಿತ್ರ. ಮುಂದಿನ ದಿನಗಳಲ್ಲಿ ಮತ್ತಷ್ಟು ಹೊಸ ಪ್ರಾಜೆಕ್ಟ್ಗಳನ್ನು ಮಾಡಲಿದ್ದೇನೆ’ ಎನ್ನುತ್ತಾರೆ.

ನಿರ್ದೇಶಕ ನೂತನ್‌ ಉಮೇಶ್‌ ಚಿತ್ರಕಥೆಯಲ್ಲಿ ವೇಗ ಕಾಯ್ದುಕೊಳ್ಳುವ ಮೂಲಕ “ಫೈಟರ್‌’ ಓಟಕ್ಕೆ ಕಾರಣವಾಗಿದ್ದರು. ಮುಖ್ಯವಾಗಿ ಈ ಚಿತ್ರದ ಹೈಲೈಟ್‌ಗಳಲ್ಲಿ ಡೈಲಾಗ್ಸ್‌ ಕೂಡಾ ಒಂದು. ಪಡ್ಡೆ ಹುಡುಗರು ಶಿಳ್ಳೆ ಹಾಕುವಂತೆ ಡೈಲಾಗ್ಸ್‌ಗಳನ್ನು ನಾಯಕಿ ಬಾಯಿಂದ ಹೇಳಿಸಿದರೆ, ಇನ್ನೊಂದಿಷ್ಟು ಪಂಚಿಂಗ್‌ ಡೈಲಾಗ್ಸ್‌

ನಾಯಕನ ಪಾಲಾಗಿತ್ತು. ಚಿತ್ರದಲ್ಲಿ ನಾಯಕಿಯರಾಗಿ ಪಾವನಾ ಹಾಗೂ ಲೇಖಾಚಂದ್ರ ನಿರ್ವಹಿಸಿದ್ದಾರೆ.