ವೆಡ್ಡಿಂಗ್ ಗಿಫ್ಟ್; ಸ್ತ್ರೀ ರಕ್ಷಣೆಯ ಕಾನೂನಿನ ದುರ್ಬಳಕೆ ವಿರುದ್ಧ ಪ್ರೇಮ ಖಡಕ್ ವಾರ್

Team Udayavani, Jun 4, 2022, 9:52 AM IST

ಕನ್ನಡದ ಖ್ಯಾತ ನಟಿ ಪ್ರೇಮ ಬಹುದಿನಗಳ ಬಳಿಕ ಮತ್ತೆ ಇದೀಗ ‘ವೆಡ್ಡಿಂಗ್ ಗಿಫ್ಟ್’ ಎಂಬ ಸಿನಿಮಾದಲ್ಲಿ ಕಾಣಿಸಿಕೊಳ್ತಿರುವ ವಿಷ್ಯ ಈಗಾಗ್ಲೇ ನಿಮಗೆಲ್ಲಾ ತಿಳಿದೇ ಇದೆ. ವಿಕ್ರಂ ಪ್ರಭು ಅವ್ರೇ ನಿರ್ದೇಶಿಸಿ, ನಿರ್ಮಾಣದ ಜವಾಬ್ದಾರಿಯನ್ನೂ ಹೊತ್ತಿರುವ ಈ ಸಿನಿಮಾ ಟೈಟಲ್ ಮೂಲಕವೇ ಎಲ್ಲರ ಗಮನ ಸೆಳೆದಿತ್ತು. ಸದ್ಯ ವೆಡ್ಡಿಂಗ್ ಗಿಫ್ಟ್ ಚಿತ್ರದ ಟೀಸರ್ ಹೊರಬಿದ್ದಿದೆ.

ಟೈಟಲ್ ಕೇಳಿದಾಗಲೇ ಇದೊಂದು ವೈವಾಹಿಕ ಜೀವನಕ್ಕೆ ಸಂಬಂಧಿಸಿದ ಯಾವುದೋ ಒಂದು ಕಥೆ ಈ ಸಿನಿಮಾದಲ್ಲಿರಲಿದೆ ಎನ್ನುವುದು ತಿಳಿದಿತ್ತು. ಸದ್ಯ ಹೊರಬಂದಿರುವ ಟೀಸರ್ ಚಿತ್ರದ ಕಥೆ ಬಗ್ಗೆ ಮತ್ತಷ್ಟು ವಿಚಾರಗಳನ್ನು ರಿವೀಲ್ ಮಾಡಿದೆ. ಮದುವೆ ಬಳಿಕ ಆ ಸಂಸಾರದಲ್ಲಿ ಕೌಟುಂಬಿಕ ಕಲಹಗಳು ಸಾಮಾನ್ಯವಾಗಿ ಇದ್ದೇ ಇರುತ್ತವೆ. ಕೆಲವೊಮ್ಮೆ ಆ ಕಲಹಕ್ಕೆ ಹೆಣ್ಣೆ ಮುಖ್ಯ ಕಾರಣಕರ್ತಳಾಗಿ, ಆ ಪ್ರಕರಣ ಹೆಚ್ಚು ತೀವ್ರತೆ ಪಡೆದು ನ್ಯಾಯಾಲಯದವರೆಗೂ ಹೋಗಿರುವ ಸಾಕಷ್ಟು ಉದಾಹರಣೆಗಳಿವೆ. ಪ್ರಸ್ತುತ ಸಮಾಜದಲ್ಲಿ ನಡೆಯುವ ಇಂತಹ ಕಥೆಗಳ ಎಳೆಯನ್ನಿ ಇಟ್ಟುಕೊಂಡು ನಿರ್ದೇಶಕರು ಈ ಸಿನಿಮಾ ಮಾಡಿದ್ದಾರೆ. ಹೆಣ್ಣು ಮಕ್ಕಳ ರಕ್ಷಣೆಗಾಗಿ ಇರುವ ಕಾನೂನನ್ನು ಹೆಣ್ಣು ಮಕ್ಕಳೇ ತಮ್ಮ ತಪ್ಪನ್ನು ಮುಚ್ಚಿಕೊಳ್ಳಲು ಹೇಗೆಲ್ಲಾ ದುರುಪಯೋಗ ಪಡಿಸಿಕೊಳ್ಳುತ್ತಾರೆ ಎನ್ನುವುದು ಈ ಚಿತ್ರಕಥೆಯ ಮುಖ್ಯ ಅಂಶ ಎನ್ನಬಹುದು. ಸದ್ಯ ಹೊರಬಂದಿರುವ ಟೀಸರ್ ನಲ್ಲಿ ಈ ಎಲ್ಲಾ ಅಂಶಗಳು ರಿವೀಲ್ ಆಗಿವೆ.

ಈ ಚಿತ್ರದಲ್ಲಿ ನಿಶಾನ್ ನಾಣಯ್ಯ ನಾಯಕರಾಗಿ ಕಾಣಿಸಿಕೊಂಡಿದ್ದರೆ, ನಟಿ ಸೋನು ಗೌಡ ನಾಯಕಿಯಾಗಿ ವಿಭಿನ್ನ ಪಾತ್ರವನ್ನು ನಿಭಾಯಿಸಿದ್ದಾರೆ. ಇನ್ನೂ ಸ್ಯಾಂಡಲ್ ವುಡ್ ನ ದಿಗ್ಗಜ ನಟರೊಂದಿಗೆ ತೆರೆ ಮಿಂಚಿ ಸೈ ಅನ್ನಿಸಿಕೊಂಡಿರುವ ಪ್ರತಿಭಾನ್ವಿತ ಕಲಾವಿದೆ ಪ್ರೇಮ ಈ ಸಿನಿಮಾದಲ್ಲಿ ಲಾಯರ್ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ಟೀಸರ್ ನಲ್ಲಿ ಬರುವ ಪ್ರೇಮ ಅವರ ಒಂದು ದೃಶ್ಯ ಅವರ ರೋಲ್ ಬಗ್ಗೆ ಮತ್ತಷ್ಟು ಕ್ಯೂರಿಯಾಸಿಟಿ ಬ್ಯುಲ್ಡ್ ಮಾಡುತ್ತೆ. ಜೊತೆಗೆ ನಟ ಅಚ್ಯುತ್ ಕುಮಾರ್ ಹಾಗೂ ನಟಿ ಪವಿತ್ರ ಲೋಕೆಶ್ ಕೂಡ ಈ ಸಿನಿಮಾದ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಇದನ್ನೂ ಓದಿ:ನಾನು ನಿರ್ದೇಶಕನಾಗಿದ್ದಾಗ ಬಹಳ ಸ್ಟ್ರಾಂಗ್‌ ಆಗಿ ಇರುತ್ತೇನೆ..: ಉಪೇಂದ್ರ

ಅಂದಹಾಗೆ ವೆಡ್ಡಿಂಗ್ ಗಿಫ್ಟ್ ಸಿನಿಮಾಗೆ ಬಾಲಚಂದ್ರ ಪ್ರಭು ಸಂಗೀತ ಸಂಯೋಜಿಸಿದ್ದಾರೆ. ಒಟ್ಟಾರೆ ಸದ್ಯ ರಿವೀಲ್ ಆಗಿರೋ ಚಿತ್ರದ ಟೀಸರ್ ಸಿನಿಮಾ ಮೇಲಿನ ನಿರೀಕ್ಷೆ ಹಾಗೂ ಕುತೂಹಲಗಳನ್ನು ಹೆಚ್ಚಿಸಿದೆ. ಹಾಗಾದರೆ ಸಿನಿಮಾ ಬಿಡುಗಡೆ ಬಳಿಕ ಯಾವ ರೀತಿ ಸದ್ದು ಮಾಡಲಿದೆಯೆಂದು ನೋಡಬೇಕು.