ಹೆಣ್ಣು ಮಗು ಎಂದೊಡನೆಯೇ ಆನಂದ ಭಾಷ್ಪ ಸುರಿಸಿದ ಯಶ್‌

Team Udayavani, Dec 2, 2018, 8:50 AM IST

ಬೆಂಗಳೂರು: ರಾಕಿಂಗ್‌ ಸ್ಟಾರ್‌ ಯಶ್‌ ಅವರು ಭಾನುವಾರ ತಂದೆಯಾದ ಸಂಭ್ರಮದಲ್ಲಿದ್ದಾರೆ. ಭಾನುವಾರ ಬೆಳಗ್ಗೆ ರಾಧಿಕಾ ಅವರು ಮುದ್ದಾದ ಮಗುವಿಗೆ ಜನ್ಮ ನೀಡಿದ್ದಾರೆ.

ಬೆಳಗ್ಗೆ 6.10 ರ ವೇಳೆಗೆ ಖಾಸಗಿ ಆಸ್ಪತ್ರೆಯಲ್ಲಿ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ತಾಯಿ ಮತ್ತು ಮಗು ಇಬ್ಬರೂ ಆರೋಗ್ಯವಾಗಿದ್ದಾರೆ ಎಂದು ತಿಳಿದು ಬಂದಿದೆ.

ಕೆಲ ದಿನಗಳ ಹಿಂದೆ ಸಂಭ್ರಮದಲ್ಲಿ ರಾಧಿಕಾ ಅವರ ಸೀಮಂತ ಶಾಸ್ತ್ರ ನಡೆದಿತ್ತು. ಈ ವೇಳೆ ಯಶ್‌ ನಾನು ಹೆಣ್ಣು ಮಗುವಿನ ತಂದೆಯಾಗಲು ಬಯಸುತ್ತೇನೆ ಎಂದಿದ್ದರು. ಯಶ್‌ ಆಸೆಯಂತೆಯೇ ಹೆಣ್ಣು ಮಗುವಿನ ಜನನವಾಗಿದ್ದು ಕುಟುಂಬಸ್ಥರು ಮತ್ತು ಅಭಿಮಾನಿಗಳು ಸಂಭ್ರಮ ವ್ಯಕ್ತ ಪಡಿಸಿ ಶುಭ ಹಾರೈಸಿದ್ದಾರೆ.

ಆನಂದ ಭಾಷ್ಪ 
ಪತ್ನಿಗೆ ಸಿಸೇರಿಯನ್‌ ಆಗುವ ವೇಳೆ ಆಸ್ಪತ್ರೆಯಲ್ಲೆ ಇದ್ದ ಯಶ್‌ ವೈದ್ಯರು ಹೆಣ್ಣು ಮಗುವಾಗಿದೆ ಎಂದು ಹೇಳಿದ ತಕ್ಷಣ ಆನಂದ ಭಾಷ್ಪ ಸುರಿಸಿದರು ಎಂದು ವೈದ್ಯೆ ಡಾ.ಸ್ವರ್ಣ ಲತಾ ಅವರು ಮಾಧ್ಯಮಗಳಿಗೆ ತಿಳಿಸಿದ್ದಾರೆ. 

ಇದೇ ತಿಂಗಳ 21 ಕ್ಕೆ ಯಶ್‌ ಅಭಿನಯದ ಭಾರೀ ನಿರೀಕ್ಷಿತ ಬಿಗ್‌ ಬಜೆಟ್‌ ಚಿತ್ರ ಕೆಜಿಎಫ್ ವಿಶ್ವಾದ್ಯಂತ ಬಿಡುಗಡೆಯಾಗಲಿದೆ.