ತ್ರಿ ಈಡಿಯಟ್ಸ್ ಖ್ಯಾತಿಯ ಬಾಲಿವುಡ್ ನಟ ಅರುಣ್ ಬಾಲಿ ನಿಧನ

Team Udayavani, Oct 7, 2022, 9:23 AM IST

ಮುಂಬೈ: ಬಾಲಿವುಡ್‌ ನ ಹಲವು ಚಿತ್ರಗಳಲ್ಲಿ ತಮ್ಮ ಅಭಿನಯದ ಮೂಲಕ ಮಿಂಚಿದ್ದ ಹಿರಿಯ ನಟ ಅರುಣ್ ಬಾಲಿ ಇಂದು ನಿಧನರಾದರು. 79 ವರ್ಷದ ಅವರು ಮುಂಬೈನಲ್ಲಿ ನಿಧನರಾದರು.

ಅರುಣ್‌ ಬಾಲಿ ಅವರು ಕೆಲ ಸಮಯದಿಂದ ಅಪರೂಪದ ನರಸ್ನಾಯುಕ ಕಾಯಿಲೆಯಾದ ಮೈಸ್ತೇನಿಯಾ ಗ್ರ್ಯಾವಿಸ್‌ ನಿಂದ ಬಳಲುತ್ತಿದ್ದರು. ಈ ವರ್ಷದ ಆರಂಭದಲ್ಲಿ ಅವರನ್ನು ಮುಂಬೈನ ಹಿರ್ನಂದಾನಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.

ಅರುಣ್ ಬಾಲಿ ಅವರ ಪುತ್ರಿಯರಿಬ್ಬರು ಅಮೆರಿಕದಲ್ಲಿ ನೆಲೆಸಿದ್ದಾರೆ. ಅವರು ನಾಳೆ (ಅಕ್ಟೋಬರ್ 8) ಬರಲಿದ್ದು, ನಂತರ ಅಂತಿಮ ವಿಧಿಗಳನ್ನು ನೆರವೇರಿಸಲಾಗುವುದು ಎಂದು ವರದಿಯಾಗಿದೆ.

ಇದನ್ನೂ ಓದಿ:ಕೈ ತಪ್ಪಿದ ಔಟ್‌ಬೋರ್ಡ್‌ ಎಂಜಿನ್‌ ಸಹಾಯಧನ : ನಾಡದೋಣಿ ಮೀನುಗಾರರ ಸಂಕಷ್ಟ

ಅರುಣ್ ಬಾಲಿ ಅವರು 3 ಈಡಿಯಟ್ಸ್, ಕೇದಾರನಾಥ್, ಪಾಣಿಪತ್, ಹೇ ರಾಮ್, ದಂಡ್ ನಾಯಕ್, ರೆಡಿ, ಜಮೀನ್, ಪೋಲೀಸ್ ವಾಲಾ ಗುಂಡಾ, ಫೂಲ್ ಔರ್ ಅಂಗಾರ್, ಮತ್ತು ರಾಮ್ ಜೇನ್ ಸೇರಿದಂತೆ ಅನೇಕ ಚಲನಚಿತ್ರಗಳಲ್ಲಿನ ಪಾತ್ರಗಳಿಗೆ ಹೆಸರುವಾಸಿಯಾಗಿದ್ದಾರೆ.  ಅರುಣ್ ಬಾಲಿ ರಾಷ್ಟ್ರ ಪ್ರಶಸ್ತಿ ವಿಜೇತ ನಿರ್ಮಾಪಕರೂ ಹೌದು.