200 ಕೋಟಿ ಕ್ಲಬ್ ಗೆ ಸೇರಿದ ತಾನಾಜಿ ; ಏನಿದು ಥರ್ಡ್ ಸಂಡೇ ಕಲೆಕ್ಷನ್ ರೆಕಾರ್ಡ್?

Team Udayavani, Jan 28, 2020, 9:17 PM IST

ಮುಂಬಯಿ: ಅಜಯ್ ದೇವಗನ್, ಕಾಜೋಲ್, ಸೈಫ್ ಆಲಿಖಾನ್ ಹಾಗೂ ಶರದ್ ಕೇಲ್ಕರ್ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿರುವ ತಾನಾಜಿ – ದಿ ಅನ್ ಸಂಗ್ ವಾರಿಯರ್ ಹಿಂದಿ ಚಿತ್ರ ಈ ಹಿಂದಿನ ಹಲವಾರು ದಾಖಲೆಗಳನ್ನು ಮುರಿದು ಮುನ್ನುಗ್ಗುತ್ತಿದೆ.

ತಾನಾಜಿ ಶುಕ್ರವಾರವಷ್ಟೇ 200 ಕೋಟಿ ಕ್ಲಬ್ ಗೆ ಸೇರ್ಪಡೆಗೊಂಡ ಸಾಧನೆಯನ್ನು ಮಾಡಿತ್ತು. ಬಳಿಕ ಚಿತ್ರ ಬಿಡುಗಡೆಗೊಂಡ ಮೂರನೇ ರವಿವಾರ (ಥರ್ಡ್ ಸಂಡೇ) ಅತೀ ಹೆಚ್ಚು ಗಳಿಕೆ ಮಾಡಿದ ಚಿತ್ರಗಳ ಸಾಲಿನಲ್ಲಿ ತಾನಾಜಿ ಮೂರನೇ ಸ್ಥಾನ ಪಡೆದಿದೆ. ಈ ಮೂಲಕ ಥರ್ಡ್ ಸಂಡೇ ಕಲೆಕ್ಷನ್ ನಲ್ಲಿ ಇದುವರೆಗೂ ಮೂರನೇ ಸ್ಥಾನದಲ್ಲಿದ್ದ ಅಮೀರ್ ಖಾನ್ ಅಭಿನಯದ ಬ್ಲಾಕ್ ಬ್ಲಸ್ಟರ್ ಚಿತ್ರ ಪಿಕೆ ನಾಲ್ಕನೇ ಸ್ಥಾನಕ್ಕೆ ಜಾರಿದೆ ಮತ್ತು ಶಾಹೀದ್ ಕಪೂರ್ ಅವರ ಕಬೀರ್ ಸಿಂಗ್ ಚಿತ್ರ ಥರ್ಡ್ ಸಂಡೇ ಕಲೆಕ್ಷನ್ ನಲ್ಲಿ ಐದನೇ ಸ್ಥಾನದಲ್ಲಿದೆ.

#Tanhaji versus #Blockbusters on *Third Sunday*…
⭐️ #Baahubali2 #Hindi: 17.75 cr
⭐️ #Dangal: 14.33 cr
⭐️ #Tanhaji: 12.58 cr
⭐️ #PK: 11.58 cr
⭐️ #KabirSingh: 9.61 cr
⭐️ #Sanju: 9.29 cr
⭐️ #Uri: 9.20 cr
⭐️ #BajrangiBhaijaan: 9.07 cr
⭐️ #TigerZindaHai: 8.27 cr
contd.

— taran adarsh (@taran_adarsh) January 27, 2020

ತಾನಾಜಿ ಬಿಡುಗಡೆಗೊಂಡ ಮೂರನೇ ಸಂಡೇ 12.58 ಕೋಟಿ ಕಲೆಕ್ಷನ್ ಮಾಡುವ ಮೂಲಕ ಇದಕ್ಕೂ ಮೊದಲು ಈ ದಾಖಲೆ ಮಾಡಿದ್ದ ಬಾಹುಬಲಿ -2 (ಹಿಂದಿ) (17.75 ಕೋಟಿ) ಮತ್ತು ದಂಗಲ್ (14.33 ಕೋಟಿ) ಚಿತ್ರಗಳ ನಂತರದ ಸ್ಥಾನವನ್ನು ಆಕ್ರಮಿಸಿಕೊಂಡಿದೆ.

ಈ ದಾಖಲೆಯ ಮೂಲಕ ತಾನಾಜಿ ಚಿತ್ರ ತನ್ನ ಥರ್ಡ್ ಸಂಡೇ ಕಲೆಕ್ಷನ್ ನಲ್ಲಿ ಪಿಕೆ (11.58 ಕೋಟಿ), ಕಬೀರ್ ಸಿಂಗ್ (9.61 ಕೋಟಿ) ಸಂಜು (9.29 ಕೋಟಿ), ಉರಿ (9.20 ಕೋಟಿ), ಭಜರಂಗಿ ಭಾಯ್ ಜಾನ್ (9.07 ಕೋಟಿ), ವಾರ್ (5.60 ಕೋಟಿ), ಬಾಹುಬಲಿ (ಹಿಂದಿ) (5.11 ಕೋಟಿ) ಮತ್ತು ಸುಲ್ತಾನ್ (5.14 ಕೋಟಿ) ಚಿತ್ರಗಳನ್ನು ಹಿಂದಿಕ್ಕಿದ ಸಾಧನೆಯನ್ನು ಸಹ ಮಾಡಿದಂತಾಗಿದೆ.

#Tanhaji surpasses all expectations, estimations and calculations… While *most films* struggle to survive after 2 weeks, #Tanhaji is setting new benchmarks in Week 3… [Week 3] Fri 5.38 cr, Sat 9.52 cr, Sun 12.58 cr. Total: ₹ 224.93 cr. #India biz.

— taran adarsh (@taran_adarsh) January 27, 2020