“ರಕ್ಷಾ ಬಂಧನ” ಚಿತ್ರೀಕರಣ ಮುಗಿಸಿದ ಖುಷಿಯಲ್ಲಿ ನಟ ಅಕ್ಷಯ್

Team Udayavani, Oct 12, 2021, 5:58 PM IST

ಮುಂಬೈ: ಬಾಲಿವುಡ್ ಸೂಪರ್ ಸ್ಟಾರ್ ಅಕ್ಷಯ್ ಕುಮಾರ್ ಅಭಿನಯದ “ರಕ್ಷಾ ಬಂಧನ” ಸಿನಿಮಾದ ಚಿತ್ರೀಕರಣ ಸೋಮವಾರ ಮುಕ್ತಾಯವಾಗಿದೆ. ಶೂಟಿಂಗ್ ಮುಗಿಸಿದ ತಂಡ ಸಿನಿಮಾದ ಕೆಲವೊಂದು ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್ ಮಾಡಿ ಖುಷಿ ಹಂಚಿಕೊಂಡಿದೆ.

ಶೂಟಿಂಗ್ ಮುಗಿಸಿದ ಖುಷಿಯಲ್ಲಿರುವ ಅಕ್ಷಯ್ ಕುಮಾರ್ ತಮ್ಮ ಟ್ವಿಟ್ಟರ್ ನಲ್ಲಿ ನಿರ್ದೇಶಕ ಆನಂದ್ ರಾಯ್ ಜೊತೆಗಿನ ಕ್ಯಾಂಡಿಡ್ ಫೋಟೋ ಹಂಚಿಕೊಂಡಿದ್ದಾರೆ. ಅಕ್ಷಯ್ ಹಾಗೂ ಆನಂದ್ ರಾಯ್ ಖುಷಿಯಿಂದ ನಗುತ್ತಿರುವ ದೃಶ್ಯ ಫೋಟೋದಲ್ಲಿದೆ.

ಈ ಚಿತ್ರವು ಅಣ್ಣ ಮತ್ತು ತಂಗಿ ಬಾಂಧವ್ಯದ ಕಥಾಹಂದರ ಹೊಂದಿದ್ದು, ನಾಯಕಿಯಾಗಿ ಭೂಮಿ ಪಡ್ನೇಕರ್ ಕಾಣಿಸಿಕೊಂಡಿದ್ದಾರೆ. ಚಿತ್ರೀಕರಣವನ್ನು ಜೂನ್ (2021) ತಿಂಗಳಿನಲ್ಲಿ ಆರಂಭಿಸಿ, ದೆಹಲಿಯಲ್ಲಿ ಮುಕ್ತಾಯಗೊಳಿಸಿದ್ದಾರೆ.

Here’s to all I and @aanandlrai did throughout the shoot of #RakshaBandhan – laugh like there’s no tomorrow! Ironically, as we wrapped the film last night, there was a bittersweet tinge of sadness. Off to the next. New day, new roller coaster. pic.twitter.com/KIPO7whup4

— Akshay Kumar (@akshaykumar) October 12, 2021

“ರಕ್ಷಾ ಬಂಧನ” ಚಿತ್ರ ಕಥೆಯನ್ನು ಹಿಮಾಂಶು ಶರ್ಮಾ ಹಾಗೂ ಕನಿಕಾ ದಿಲೋನ್ ಬರೆದಿದ್ದಾರೆ. ಕಲರ್ ಎಲ್ಲೋ ಪ್ರೋಡಕ್ಷನ್, ಝೀ ಸ್ಟುಡಿಯೋ, ಆಲ್ಕಾ ಹಿರಾನಂದನಿ ಅವರು ಕೇಫ್ ಆಫ್ ಗುಡ್ ಫಿಲ್ಮ್ ಬ್ಯಾನರ್‍ ನಡಿಯಲ್ಲಿ ನಿರ್ಮಿಸಿದ್ದಾರೆ.

ಇದನ್ನೂ ಓದಿ: ಬಾಲಿವುಡ್‍ಗೆ ಕನ್ನಡದ ಬಾದ್‍ ಷಾ | ಸಲ್ಲು ಭಾಯ್‍ಗೆ ಕಿಚ್ಚ ಸುದೀಪ್ ಆ್ಯಕ್ಷನ್ ಕಟ್   

ಇನ್ನು ಚಿತ್ರೀಕರಣ ಮುಗಿಸಿಕೊಂಡಿರುವ “ರಕ್ಷಾ ಬಂಧನ” ಪೋಸ್ಟ್ ಪ್ರೊಡಕ್ಷನ್ ಕೆಲಸಕ್ಕೆ ಅಣಿಯಾಗಿದೆ. ಮುಂದಿನ ವರ್ಷ (2022) ಆಗಸ್ಟ್ 11 ಕ್ಕೆ ತೆರೆ ಮೇಲೆ ಸಿನಿಮಾ ತರುವುದಾಗಿ ಚಿತ್ರತಂಡ ಹೇಳಿದೆ.