Bollywood: ʼಕಲ್ಕಿʼ ನಿರ್ದೇಶಕನ ಸಿನಿಮಾದಲ್ಲಿ ಬಿಟೌನ್‌ ಬ್ಯೂಟಿ ಆಲಿಯಾ?

Team Udayavani, Nov 10, 2024, 2:10 PM IST

ಹೈದರಾಬಾದ್:‌ ಟಾಲಿವುಡ್‌ನಲ್ಲಿ ʼಕಲ್ಕಿ 2898 ಎಡಿʼ ( Kalki 2898 AD) ಮೂಲಕ ಕಮಾಲ್‌ ಮಾಡಿದ ನಿರ್ದೇಶಕ ನಾಗ್‌ ಅಶ್ವಿನ್ ಮುಂದಿನ ಸಿನಿಮಾದತ್ತ ಗಮನ ಹರಿಸಿದ್ದಾರೆ.

ಪ್ರಭಾಸ್‌, ಅಮಿತಾಭ್‌ ಬಚ್ಚನ್‌, ದೀಪಿಕಾ ಪಡುಕೋಣೆ, ಕಮಲ್‌ ಹಾಸನ್‌ ರಂತಹ ದಿಗ್ಗಜ ಕಲಾವಿದರನ್ನೊಳಗೊಂಡಿದ್ದ ಸೈನ್ಸ್‌ ಫೀಕ್ಷನ್‌ ʼಕಲ್ಕಿʼ ಬಾಕ್ಸ್‌ ಆಫೀಸ್‌ನಲ್ಲಿ ಮೋಡಿ ಮಾಡಿತು. 1000 ಕೋಟಿ ಗಳಿಸುವ ಮೂಲಕ ಹಲವು ದಾಖಲೆಗಳನ್ನು ಚಿತ್ರ ಬ್ರೇಕ್‌ ಮಾಡಿತ್ತು.

ಇದನ್ನೂ ಓದಿ: Tollywood: ‘ಕಣ್ಣಪ್ಪʼ ಚಿತ್ರದ ಫೋಟೋ ಲೀಕ್; 5 ಲಕ್ಷ ರೂ. ಘೋಷಿಸಿದ ಬಳಿಕ ವ್ಯಕ್ತಿ ಪತ್ತೆ

‘ಕಲ್ಕಿʼಯ ಸೀಕ್ವೆಲ್‌ ಕೂಡ ಬರಲಿದೆ. ಆದರೆ ಅದಕ್ಕೂ ಮುನ್ನ ನಾಗ್‌ ಅಶ್ವಿನ್‌ ಮತ್ತೊಂದು ಮೆಗಾ ಬಜೆಟ್‌ ಸಿನಿಮಾದಲ್ಲಿ ತೊಡಗಿಕೊಳ್ಳಲಿದ್ದಾರೆ. ಇದೊಂದು ಮಹಿಳಾ ಪ್ರಧಾನ ಸಿನಿಮಾವಾಗಲಿದ್ದು, ನಾಯಕಿಯೇ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಳ್ಳಲಿರುವ ಸಿನಿಮಾವಾಗಲಿದೆ ಎಂದು ವರದಿ ಆಗಿದೆ.

ಈಗಾಗಲೇ ʼಆರ್‌ ಆರ್‌ ಆರ್ʼ ಸಿನಿಮಾದ ಮೂಲಕ ಪ್ಯಾನ್‌ ಇಂಡಿಯಾದಲ್ಲಿ ಮಿಂಚಿರುವ ಬಿಟೌನ್‌ ಬ್ಯೂಟಿ ಆಲಿಯಾ ಭಟ್‌ (Alia Bhatt) ನಾಗ್‌ ಅಶ್ವಿನ್‌ ಜತೆಗಿನ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ʼಮಿಡ್‌ ಡೇʼ ವರದಿ ಮಾಡಿದೆ.

ನಾಗ್‌ ಅಶ್ವಿನ್‌ ಆಲಿಯಾ ಜತೆ ಆರಂಭಿಕ ಹಂತದ ಮಾತುಕತೆ ನಡೆಸಿದ್ದಾರೆ ಎನ್ನಲಾಗಿದೆ. ಈ ಬಗ್ಗೆ ಅಧಿಕೃತವಾಗಿ ಇನ್ನಷ್ಟೇ ಮಾಹಿತಿ ಬರಬೇಕಿದೆ.

ಇನ್ನೂ ಹೆಸರಿಡದ ಈ ಪ್ರಾಜೆಕ್ಟ್‌ ಗೆ ಹೈದರಾಬಾದ್ ಮೂಲದ ಪ್ರೊಡಕ್ಷನ್ ಹೌಸ್ ವೈಜಯಂತಿ ಫಿಲ್ಮ್ಸ್ ಬಂಡವಾಳ ಹಾಕಲಿದೆ ಎನ್ನಲಾಗಿದ್ದು, 2025ರ ದ್ವಿತೀಯಾರ್ಧದಲ್ಲಿ ಸಿನಿಮಾ ಸೆಟ್ಟೇರುವ ಸಾಧ್ಯತೆಯಿದೆ ಎನ್ನಲಾಗಿದೆ.

ʼಜಿಗ್ರಾʼ ಮೂಲಕ ಸೋತಿರುವ ಆಲಿಯಾ ಸದ್ಯ ಆಲಿಯಾ  ಶರ್ವಾಯಿ ವಾಘ್ ಅವರ ʼಆಲ್ಫಾʼ ಚಿತ್ರೀಕರಣದಲ್ಲಿ ಬ್ಯುಸಿಯಿದ್ದಾರೆ.