Amala Paul: ಎಂಗೇಜ್ಮೆಂಟ್‌ ರಿಂಗ್‌ ಹಾಕಿ ಚುಂಬನ; ಮದುವೆಗೆ ಎಸ್‌ ಎಂದ ʼಹೆಬ್ಬುಲಿʼ ಬೆಡಗಿ

Team Udayavani, Oct 26, 2023, 4:56 PM IST

ಚೆನ್ನೈ: ಬಹುಭಾಷಾ ನಟಿ ಅಮಲಾ ಪೌಲ್ ತನ್ನ ಸ್ನೇಹಿತನ ಪ್ರೇಮ ನಿವೇದನೆಗೆ ಎಸ್‌ ಹೇಳುವ ಮೂಲಕ ಮತ್ತೊಮ್ಮೆ ದಾಂಪತ್ಯ ಜೀವನಕ್ಕೆ ಕಾಲಿಡಲು ಸಿದ್ದರಾಗಿದ್ದಾರೆ.

ತಮಿಳು, ತೆಲುಗು ಮತ್ತು ಮಲಯಾಳಂ ಸೇರಿದಂತೆ ಬಹುಭಾಷಾ ಸಿನಿಮಾರಂಗದಲ್ಲಿ ನಟಿಸಿರುವ ಅಮಲಾ ಪೌಲ್ ತನ್ನ ಸ್ನೇಹಿತ ಜಗತ್ ದೇಸಾಯಿ ಅವರ ಪ್ರೇಮ ನಿವೇದನೆಗೆ ಒಪ್ಪಿಕೊಂಡು ರೊಮ್ಯಾಂಟಿಕ್‌ ಆಗಿ ಎಂಗೇಜ್‌ ಮೆಂಟ್‌ ರಿಂಗ್‌ ಹಾಕಿಸಿಕೊಂಡಿದ್ದಾರೆ.

ರೆಸ್ಟೋರೆಂಟ್‌ ವೊಂದರಲ್ಲಿ ಅಮಲಾ – ಜಗತ್‌ ಎಂಗೇಜ್‌ ಮೆಂಟ್‌ ಮಾಡಿಕೊಂಡಿದ್ದಾರೆ. ಇನ್ಸ್ಟ್ರಾಗ್ರಾಮ್‌ ನಲ್ಲಿ ಈ ವಿಡಿಯೋವನ್ನು ಜಗತ್‌ ಹಂಚಿಕೊಂಡಿದ್ದಾರೆ.  ಮಂಡಿಯೋರಿ ತನ್ನ ಪ್ರೇಯಸಿಗೆ ಎಂಗೇಜ್‌ ಮೆಂಟ್‌ ರಿಂಗ್‌ ಹಾಕಿದ್ದಾರೆ. ಮದುವೆ ಆಗುತ್ತೀಯಾ ಎಂದು ಕೇಳಿದ್ದಾರೆ. ಇದಕ್ಕೆ ನಟಿ ಒಪ್ಪಿದ್ದಾರೆ. ಆ ಬಳಿಕ ಇಬ್ಬರು ರೊಮ್ಯಾಂಟಿಕ್‌ ಆಗಿ ಲಿಪ್‌ ಲಾಕ್‌ ಮಾಡಿದ್ದಾರೆ. ಇದರ ಜೊತೆಗೆ ನಟಿಗೆ ಹುಟ್ಟುಹಬ್ಬದ ಶುಭಾಶಯವನ್ನು ಜಗತ್‌ ಕೋರಿದ್ದಾರೆ.

ಅಮಲಾ ಪೌಲ್ 2014 ರಲ್ಲಿ ʼ ದೈವ ತಿರುಮಗಲ್ʼ ಸಿನಿಮಾದ ನಿರ್ದೇಶಕ ಎಎಲ್ ವಿಜಯ್ ಅವರನ್ನು ವಿವಾಹವಾಗಿದ್ದರು. ಆದರೆ ಸಿನಿಮಾರಂಗದಲ್ಲಿ ವೃತ್ತಿ ಜೀವನವನ್ನು ಮುಂದುವರೆಸುವುದು ಬೇಡ ಎಂದು ಅತ್ತೆ ಹೇಳಿದ್ದರಿಂದ ನಟಿಯ ದಾಂಪತ್ಯ ಜೀವನ ಮುರಿದುಹೋಗಿತ್ತು. 2017 ರಲ್ಲಿ ಇಬ್ಬರು ದೂರವಾಗಿದ್ದರು.

 

View this post on Instagram

 

A post shared by Jagat Desai (@j_desaii)