ಜೂನ್ 18 ಕ್ಕೆ ಅಮಿತಾಭ್ ನಟನೆಯ “ಜುಂಡ್ ” ದೇಶಾದ್ಯಂತ ರಿಲೀಸ್

Team Udayavani, Feb 20, 2021, 5:15 PM IST

ಮುಂಬೈ: ಬಾಲಿವುಡ್ ಅಂಗಳದ ಮೆಗಾಸ್ಟಾರ್ ಅಮಿತಾಭ್ ಬಚ್ಚನ್ ಅಭಿನಯದ ಸ್ಫೋರ್ಟ್ಸ್ ಸಿನಿಮಾವಾದ “ಜುಂಡ್ ” ಚಿತ್ರದ ಬಿಡುಗಡೆಗೆ ಡೇಟ್ ನಿಗದಿಯಾಗಿದೆ. ಮುಂಬರುವ ಜೂನ್ 18 ರಂದು ಚಿತ್ರವನ್ನು ಚಿತ್ರಮಂದಿರದಲ್ಲಿ ಬಿಡುಗಡೆಗೊಳಿಸುವುದಾಗಿ ಚಿತ್ರತಂಡ ತಿಳಿಸಿದ್ದು, ಸಿನಿ ಪ್ರಿಯರಲ್ಲಿ ನಿರೀಕ್ಷೆ ಹೆಚ್ಚಿಸಿದೆ.

ಈ ಕುರಿತಾಗಿ ಟ್ವೀಟ್ ಮಾಡುವ ಮೂಲಕ ಚಿತ್ರದ ಪೋಸ್ಟರ್  ಹಂಚಿಕೊಂಡಿರುವ ನಟ ಅಮಿತಾಭ್ ಬಚ್ಚನ್ ಕೋವಿಡ್ ನಮಗೆ ಹಿನ್ನೆಡೆಯನ್ನು ನೀಡಿತ್ತು. ಆದರೆ ಇದೀಗ ಮತ್ತೆ ಪುನರಾರಂಭವನ್ನು ಪಡೆಯುತ್ತಿದ್ದೇವೆ . ಮುಂಬರುವ ಜೂನ್ 18 “ಜುಂಡ್ ” ಸಿನಿಮಾ  ಚಿತ್ರ ಮಂದಿರದಲ್ಲಿ  ಬಿಡುಗಡೆಗೊಳ್ಳಲಿದೆ ಎಂದು ತಿಳಿಸಿದ್ದಾರೆ.

ಬಾಲಿವುಡ್ ನ ಖ್ಯಾತ ನಿರ್ದೇಶಕರಾದ ನಾಗರಾಜ್ ಪೊಪಾತ್ರಾವ್ ಮಂಜುಲೆ ಆ್ಯಕ್ಷನ್ ಕಟ್ ನಲ್ಲಿ ಮೂಡಿಬರುತ್ತಿರುವ ಸಿನಿಮಾ ಇದಾಗಿದ್ದು, ಸ್ಲಮ್ ಸೋಸರ್ (Slum Soccer) NGO ದ ಸಂಸ್ಥಾಪಕರಾಗಿರುವ ವಿಜಯ್ ಬಾರ್ಸೆ ಅವರ ಜೀವನಾಧಾರಿತ ಸಿನಿಮಾ ಇದಾಗಿರಲಿದೆ.

ಇದನ್ನೂ ಓದಿ:ಮಹಾರಾಷ್ಟ್ರ: ಖಾಸಗಿ ಕ್ಲಿನಿಕ್ ನಲ್ಲಿ ಇಬ್ಬರು ಕೋವಿಡ್ ಸೋಂಕಿತರಿಗೆ ಚಿಕಿತ್ಸೆ: ವೈದ್ಯರ ಬಂಧನ

ಈ ಚಿತ್ರವನ್ನು ಕಳೆದ ವರ್ಷದ ಸೆಪ್ಟೆಂಬರ್ ನಲ್ಲಿಯೇ ಬಿಡುಗಡೆಗೊಳಿಸುವುದಕ್ಕೆ ತಯಾರಿ ನಡೆಸಿದ್ದು ಈ ನಡುವೆ ಕೋವಿಡ್ ಸೋಂಕಿನ ಪರಿಣಾಮ ಚಿತ್ರದ ಕೆಲಸಗಳು ವಿಳಂಬಗೊಂಡಿತ್ತು . ಇದೀಗ ಮುಂಬರುವ ಜೂನ್ 18 ರಂದು ಚಿತ್ರ ತೆರೆಮೇಲೆ ಬರಲಿದೆ ಎಂದು ಚಿತ್ರ ತಂಡ ತಿಳಿಸಿದೆ.

T 3818 – Covid gave us setbacks .. but it’s comeback time now! WE’RE BACK IN THEATERS .. “JHUND” releasing 18th June !!@Nagrajmanjule @itsBhushanKumar #KrishanKumar @vinodbhanu #RaajHiremath #SavitaRajH #GargeeKulkarni #MeenuAroraa @AjayAtulOnline @tandavfilms @aatpaat @TSeries pic.twitter.com/a9sHZCBTS6

— Amitabh Bachchan (@SrBachchan) February 19, 2021

ನಟ ಅಮಿತಾಭ್ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಳ್ಳುತ್ತಿರುವ ಈ ಸಿನಿಮಾದಲ್ಲಿ ಆಕಾಶ್ ಥೋಸರ್ , ರಿಂಕು ರಾಜಗುರು ಮುಂತಾದವರು ಬಣ್ಣ ಹಚ್ಚಿದ್ದಾರೆ.

ಈ ನಡುವೆ ‘ಗುಲಾಬೋ ಸೀತಾಬೋ’ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದ ಅಮಿತಾಭ್ ಬಚ್ಚನ್ ಆ ಬಳಿಕ ಹಲವು ಸಿನಿಮಾಗಳಲ್ಲಿ ನಟಿಸಿದ್ದು, ಅವುಗಳಲ್ಲಿ  ‘ಬ್ರಹ್ಮಾಸ್ತ್ರ’, “ಮೇ ಡೇ’ ಚಿತ್ರಗಳು ಬಿಡುಗಡೆಗೆ ತಯಾರಾಗಿವೆ.