ಭಾರತದಲ್ಲಿ ಮೊದಲ ದಿನವೇ ಕೋಟಿ ಕೋಟಿ ಕಲೆಕ್ಷನ್‌ ಮಾಡಿದರೂ ಆ ಸಿನಿಮಾದ ದಾಖಲೆ ಮುರಿಯದ ʼʼಅವತಾರ್‌ -2”  

Team Udayavani, Dec 17, 2022, 12:39 PM IST

ನವದೆಹಲಿ: ಜೇಮ್ಸ್‌ ಕ್ಯಾಮೆರಾನ್‌ ಅವರ ʼಅವತಾರ್‌ ದಿ ವೇ ವಾಟರ್‌ʼ ಸಿನಿಮಾ ವಿಶ್ವದಾದ್ಯಂತ 160 ಭಾಷೆಗಳಲ್ಲಿ 52 ಸಾವಿರಕ್ಕೂ ಹೆಚ್ಚಿನ ಸ್ಕ್ರೀನ್ ಗಳಲ್ಲಿ ತೆರೆಕಂಡಿದೆ. ಮೊದಲ ದಿನವೇ ಹತ್ತಾರು ಸಿನಿಮಾಗಳ ದಾಖಲೆಯನ್ನು ಉಡೀಸ್‌ ಮಾಡಿರುವ ಚಿತ್ರ ಭಾರತದಲ್ಲಿಯೂ ಭರ್ಜರಿ ಹಣ ಗಳಿಸಿದೆ.

ಒಟ್ಟು 6 ಭಾಗಗಳಾಗಿ ಅವತಾರ್‌ ರಿಲೀಸ್‌ ಆಗಲಿದೆ. ದೊಡ್ಡ ಬಜೆಟ್‌ ನಲ್ಲಿ ಮೂಡಿ ಬಂದಿರುವ ಎರಡನೇ ಭಾಗ ರಿಲೀಸ್‌ ಗೂ ಮುನ್ನವೇ ಟಿಕೆಟ್‌ ಬುಕಿಂಗ್‌ ನಲ್ಲೇ ದಾಖಲೆ ಬರೆದಿತ್ತು. ಸಿನಿಮಾ ಬಿಡುಗಡೆಯಾಗಿ ಒಂದು ದಿನ ಕಳೆದಿದೆ. ವಿಶ್ವದಾದ್ಯಂತ 2.9 ಮಿಲಿಯನ್‌ ($2.9 billion) ಕಲೆಕ್ಷನ್‌ ಮಾಡಿದೆ.

ಭಾರತದಲ್ಲಿಯೂ ʼಅವತಾರ್‌ -2ʼ ಸಿನಿಮಾಕ್ಕೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ. ಭಾರತದಲ್ಲಿ ಹಾಲಿವುಡ್‌ ಸಿನಿಮಾವೊಂದು ಅತೀ ಹೆಚ್ಚು ಕಲೆಕ್ಷನ್‌ ಮಾಡಿದರಲ್ಲಿ 2ನೇ ಸ್ಥಾನವನ್ನು ಈಗ ಅವತಾರ್‌ -2 ಪಡೆದುಕೊಂಡಿದೆ.  ಮೊದಲ ದಿನೇ ಭಾರತದಲ್ಲಿ 38- 40 ಕೋಟಿ ರೂ.ಗಳನ್ನು ಗಳಿಸಿದೆ ಎಂದು ವರದಿಯಾಗಿದೆ.

ದಕ್ಷಿಣದ ಮಾರುಕಟ್ಟೆಯಲ್ಲೇ ಭಾರತದಲ್ಲಿ ಅವತಾರ್‌ -2 ಹೆಚ್ಚು ಕಲೆಕ್ಷನ್‌ ಮಾಡಿದೆ. ಆಂಧ್ರ ಪ್ರದೇಶ್‌, ತಮಿಳುನಾಡು, ಕೇರಳ ಹಾಗೂ ಕರ್ನಾಟಕದಲ್ಲಿ ಒಟ್ಟು 22 ಕೋಟಿ ರೂ.ಕಲೆಕ್ಷನ್‌ ಮಾಡಿದೆ. ಈ ಮೂಲಕ “ಸ್ಪೈಡರ್‌ಮ್ಯಾನ್: ನೋ ವೇ ಹೋಮ್”, “ಡಾಕ್ಟರ್ ಸ್ಟ್ರೇಂಜ್: ಮಲ್ಟಿವರ್ಸ್ ಆಫ್ ಮ್ಯಾಡ್ನೆಸ್”,” ಅವೆಂಜರ್ಸ್: ಇನ್ಫಿನಿಟಿ ವಾರ್” ಸಿನಿಮಾದ ದಾಖಲೆಯನ್ನು ಮೀರಿಸಿದೆ.

ಇಷ್ಟೆಲ್ಲಾ ದಾಖಲೆ ಬರೆದರೂ ಜೇಮ್ಸ್‌ ಕ್ಯಾಮೆರಾನ್‌ ಅವರ ʼಅವತಾರ್-2”‌ 2019 ರಲ್ಲಿ ತೆರೆಕಂಡಿದ್ದ ʼಅವೆಂಜರ್ಸ್: ಎಂಡ್‌ಗೇಮ್ʼ ಸಿನಿಮಾ ಭಾರತದಲ್ಲಿ ಮಾಡಿದ ದಾಖಲೆಯನ್ನು ಮೀರಿಸಿಲ್ಲ. ಅವೆಂಜರ್ಸ್: ಎಂಡ್‌ಗೇಮ್ ಮೊದಲ ದಿನವೇ ಭಾರತದಲ್ಲಿ 53.10 ಕೋಟಿ ರೂ.ವನ್ನು ಕಲೆಕ್ಷನ್‌ ಮಾಡಿತ್ತು.

ಇಂಗ್ಲೀಷ್, ಹಿಂದಿ, ತಮಿಳು, ತೆಲುಗು, ಕನ್ನಡ ಮತ್ತು ಮಲಯಾಳಂನಲ್ಲಿ ಭಾರತದಲ್ಲಿ ಸಿನಿಮಾ ತೆರೆಕಂಡಿದೆ.