Tollywood: ಮತ್ತೆ ಒಂದೇ ಸಿನಿಮಾದಲ್ಲಿ ʼಬೇಬಿʼ ಜೋಡಿ; ಹೊಸ ನಿರ್ದೇಶಕ ಎಂಟ್ರಿ

Team Udayavani, Oct 21, 2023, 10:36 AM IST

ಹೈದರಾಬಾದ್: ಟಾಲಿವುಡ್‌ ನಲ್ಲಿ ಯುವಜನತೆಯನ್ನು ಸೆಳೆದಿದ್ದ ಆನಂದ್‌ ದೇವರಕೊಂಡ ಅವರ ʼಬೇಬಿʼ ಸಿನಿಮಾ ತಂಡ ಪ್ರೇಕ್ಷಕರಿಗೆ ಮತ್ತೊಂದು ಬಿಗ್‌ ನ್ಯೂಸ್‌ ಕೊಟ್ಟಿದೆ.

ಟಾಲಿವುಡ್‌ ನಟ ವಿಜಯ್‌ ದೇವರಕೊಂಡ ಅವರ ಸಹೋದರ ಆನಂದ್‌ ದೇವರಕೊಂಡ ಅಭಿನಯಿಸಿದ ʼಬೇಬಿʼ ಯು ಪ್ರೇಕ್ಷಕರನ್ನು ರಂಜಿಸಿತ್ತು. 100 ಕೋಟಿ ಗಳಿಕೆ ಕಂಡಿತ್ತು. ಕಾಲೇಜು ಹದಿಹರೆಯದವರು ಸಿನಿಮಾವನ್ನು ಮೆಚ್ಚಿಕೊಂಡಿದ್ದರು. ಸಾಯಿ ರಾಜೇಶ್ ನೀಲಂ ನಿರ್ದೇಶನದ ಸಿನಿಮಾದ ಹಾಡು ಕೂಡ ಹಿಟ್‌ ಆಗಿತ್ತು. ಆನಂದ್‌ ದೇವರಕೊಂಡ ಹಾಗೂ ವೈಷ್ಣವಿ ಚೈತನ್ಯ ಅವರ ಆನ್‌ ಸ್ಕ್ರೀನ್‌ ಕೆಮೆಸ್ಟ್ರಿ ಜನರಿಗೆ ಇಷ್ಟವಾಗಿತ್ತು. ಈ ಸಿನಿಮಾದ ಸೀಕ್ವೆಲ್‌ ಬರಬೇಕೆಂದು ಅನೇಕರು ಬಯಸಿದ್ದರು.

ಟಾಲಿವುಡ್‌ ಸಿನಿಮಾರಂಗದಲ್ಲಿ ಸೂಪರ್‌ ಹಿಟ್‌ ಆಗಿದ್ದ ʼಬೇಬಿʼ ಜೋಡಿ ಮತ್ತೊಮ್ಮೆ ಬಿಗ್‌ ಸ್ಕ್ರೀನ್‌ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ನಿರ್ಮಾಪಕರು ಹೇಳಿದ್ದಾರೆ.

ಇದನ್ನೂ ಓದಿ: ಶಾರುಖ್‌,ರಜಿನಿ ದಾಖಲೆ ಬ್ರೇಕ್‌ ಮಾಡಿದ ʼLEOʼ: ಅತೀ ಹೆಚ್ಚು ಗಳಿಕೆಯಲ್ಲಿ ದಳಪತಿಯೇ ಮುಂದೆ  

ನಿರ್ಮಾಪಕ ಶ್ರೀನಿವಾಸ ಕುಮಾರ್ ನಾಯ್ಡು  ಅವರು ʼಬೇಬಿʼ ತಂಡ ರೀ-ಯೂನಿಟ್‌  ಬಗ್ಗೆ ʼಎಕ್ಸ್‌ʼ(ಟ್ವಿಟರ್)‌ ನಲ್ಲಿ ಬರೆದುಕೊಂಡಿದ್ದಾರೆ.

ʼಬೇಬಿʼ ಸಿನಿಮಾದ ಹಿಟ್‌ ಬಳಿಕ ಮತ್ತೆ ಸಾಯಿ ರಾಜೇಶ್ ನೀಲಂ  ಅವರ ಕಥೆಯೊಂದಿಗೆ ಜತೆಯಾಗುತ್ತಿದ್ದೇವೆ. ರಾಷ್ಟ್ರಪ್ರಶಸ್ತಿ ವಿಜೇತ ಪ್ರೊಡಕ್ಷನ್ ಹೌಸ್ ಜೊತೆ ಸಹಯೋಗ ಇದಕ್ಕೆ ಇರಲಿದೆ. ನಾನು ಹಾಗೂ ರಾಜೇಶ್‌ ಅವರು ಈ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿದ್ದೇವೆ. ಆನಂದ್‌ ಹಾಗೂ ವೈಷ್ಣವಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಸಿನಿಮಾವನ್ನು ನವ ನಿರ್ದಶಕ ರವಿ ನಂಬೂರಿ ಅವರು ಡೈರೆಕ್ಟ್‌ ಮಾಡಲಿದ್ದಾರೆ” ಎಂದು ಬರೆದುಕೊಂಡಿದ್ದಾರೆ.

ಪೋಸ್ಟರ್‌ ವೊಂದನ್ನು ರಿಲೀಸ್‌ ಮಾಡಿದ್ದು, ಶೀಘ್ರದಲ್ಲಿ ಚಿತ್ರೀಕರಣ ಆರಂಭವಾಗಲಿದೆ. 2024 ರ ಬೇಸಿಗೆಯಲ್ಲಿ ಸಿನಿಮಾ ರಿಲೀಸ್‌ ಆಗಲಿದೆ ಎಂದು ಚಿತ್ರತಂಡ ಹೇಳಿದೆ.

After CULT BLOCKBUSTER #Babythemovie our combo is back again with another wonderful story written by Sai Rajesh @MassMovieMakers
Is Happy to collaborate with National award winning production house @AmruthaProd me and Sai Rajesh producing this
With our beautiful & talented pair… pic.twitter.com/h3oemVr2zZ

— SKN (Sreenivasa Kumar) (@SKNonline) October 20, 2023