Box office: ಈ ವಾರ ಬಾಲಿವುಡ್‌ನಲ್ಲಿ ಎರಡು ಸಿನಿಮಾಗಳು ರಿಲೀಸ್: 1st Day ಗಳಿಸಿದ್ದೆಷ್ಟು?

Team Udayavani, Apr 20, 2024, 11:50 AM IST

ಮುಂಬಯಿ: ಈ ವಾರ ಬಾಲಿವುಡ್‌ ನಲ್ಲಿ ಎರಡು ಸಿನಿಮಾಗಳು ತೆರೆಕಂಡಿವೆ. ಮೊದಲ ದಿನ ಎರಡೂ ಸಿನಿಮಾಗಳು ಬಾಕ್ಸ್‌ ಆಫೀಸ್‌ ನಲ್ಲಿ ತಕ್ಕಮಟ್ಟಿಗೆ ಸದ್ದು ಮಾಡಿದೆ.

ದಿಬಾಕರ್ ಬ್ಯಾನರ್ಜಿ ನಿರ್ದೇಶನದ ʼ ಲವ್ ಸೆಕ್ಸ್ ಔರ್ ಧೋಖಾ 2ʼ ಹಾಗೂ ವಿದ್ಯಾ ಬಾಲನ್ ಮತ್ತು ಪ್ರತೀಕ್ ಗಾಂಧಿ ಅಭಿನಯದ ‘ದೋ ಔರ್ ದೋ ಪ್ಯಾರ್’ ಸಿನಿಮಾಗಳು ಈ ವಾರ ರಿಲೀಸ್‌ ಆಗಿದೆ. ಎರಡು ಭಿನ್ನ ಕಥೆಯನ್ನೊಳಗೊಂಡಿರುವ ಸಿನಿಮಾಗಳಾಗಿದ್ದು, ಬಾಕ್ಸ್‌ ಆಫೀಸ್‌ ನಲ್ಲಿ ಮೊದಲ ದಿನ ತಕ್ಕಮಟ್ಟಿಗಿನ ಆರಂಭವನ್ನು ಪಡೆದುಕೊಂಡಿದೆ.

ಡಿಜಿಟಲ್‌ ಜಗತ್ತಿನ ಕರಾಳ ವಾಸ್ತವವನ್ನು ತೆರೆದಿಡುವ ʼಲವ್‌ ಸೆಕ್ಟ್‌ ಔರ್‌ ಧೋಖಾ -2ʼ ಸಿನಿಮಾದಲ್ಲಿ ಟೈಟಲ್‌ ನಲ್ಲೇ ಹೇಳಿರುವಂತೆ ಪ್ರೇಮ ಹಾಗೂ ಕಾಮದ ನಡುವಿನ ಕಥೆಯನ್ನು ಡಿಜಿಟಲ್‌ ಯುಗದ ವಾಸ್ತವದೊಂದಿಗೆ ಹೇಳುವ ಸಿನಿಮಾವಾಗಿದೆ.

ಸಿನಿಮಾದಲ್ಲಿ ಒಂದಷ್ಟು ಹಸಿಬಿಸಿ ದೃಶ್ಯಗಳನ್ನು ಕಥೆಗೆ ತಕ್ಕ ಹಾಗೆ ತೋರಿಸಲಾಗಿದೆ. ಮೊದಲ ದಿನ ಸಿನಿಮಾ 15 ಲಕ್ಷ ರೂಪಾಯಿ ಗಳಿಕೆಯನ್ನು ಕಂಡಿದೆ.

ಪರಿತೋಷ್ ತಿವಾರಿ, ಬೋನಿತಾ ರಾಜಪುರೋಹಿತ್ ಮತ್ತು ಅಭಿನವ್ ಸಿಂಗ್  ಮುಂತಾದವರು ಸಿನಿಮಾದಲ್ಲಿ ನಟಿಸಿದ್ದಾರೆ.

ನಿರೀಕ್ಷೆಗೆ ತಕ್ಕ ಸಿನಿಮಾಕ್ಕೆ ಪಾಸಿಟಿವ್‌ ಆರಂಭ ಸಿಕ್ಕಿಲ್ಲ.

ಇನ್ನು ವಿದ್ಯಾ ಬಾಲನ್‌ ಹಾಗೂ ಪ್ರತೀಕ್‌ ಗಾಂಧಿ ಅಭಿನಯದ ‘ದೋ ಔರ್ ದೋ ಪ್ಯಾರ್’ ಮೊದಲ ದಿನ ಉತ್ತಮ ಆರಂಭವನ್ನು ಪಡೆದುಕೊಂಡಿದೆ.

ಶಿರ್ಷಾ ಗುಹಾ ಠಾಕುರ್ತಾ ನಿರ್ದೇಶನದ ಈ ಸಿನಿಮಾ ಆಧುನಿಕ ದಿನದ ಸಂಬಂಧಗಳ ಸುತ್ತ ಸಾಗುವ ಕಥೆಯನ್ನೊಳಗೊಂಡಿದೆ. ವಿಮರ್ಶಕರಿರಂದ ಸಿನಿಮಾದ ಬಗ್ಗೆ ಉತ್ತಮ ಅಭಿಪ್ರಾಯ ಕೇಳಿ ಬಂದಿದೆ.

ಮೊದಲ ದಿನ ಈ ಸಿನಿಮಾ 50 ಲಕ್ಷ ರೂಪಾಯಿಯ ಗಳಿಕೆಯನ್ನು ಪಡೆದುಕೊಂಡಿದೆ. ವಿದ್ಯಾ ಬಾಲನ್, ಪ್ರತೀಕ್ ಗಾಂಧಿ, ಇಲಿಯಾನಾ ಡಿಕ್ರೂಜ್ ಮತ್ತು ಸೆಂಧಿಲ್ ರಾಮಮೂರ್ತಿ ಈ ಸಿನಿಮಾದ ಪ್ರಧಾನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ವೀಕೆಂಡ್‌ ನಲ್ಲಿ ‘ದೋ ಔರ್ ದೋ ಪ್ಯಾರ್’ ಚಿತ್ರ ಬಾಕ್ಸ್‌ ಆಫೀಸ್‌ ನಲ್ಲಿ ಭರ್ಜರಿ ಕಮಾಯಿ ಮಾಡುವ ಸಾಧ್ಯತೆಯಿದೆ ಎನ್ನಲಾಗುತ್ತಿದೆ.