Brahmastra ರಿಲೀಸ್‌ ಆಗಿ 1 ವರ್ಷ: ಪಾರ್ಟ್‌ 2 & 3 ಬಗ್ಗೆ ಅಪ್ಡೇಟ್‌ ಕೊಟ್ಟ ನಿರ್ದೇಶಕ

Team Udayavani, Sep 9, 2023, 3:33 PM IST

ಮುಂಬಯಿ: ರಣಬೀರ್‌ ಕಪೂರ್‌ – ಆಲಿಯಾ ಭಟ್‌ ಸೇರಿದಂತೆ ಬಹುಭಾಷಾ ಕಲಾವಿದರು ನಟಿಸಿದ್ದ ʼಬ್ರಹ್ಮಾಸ್ತ್ರʼ (ಪಾರ್ಟ್‌ -1 ಶಿವ) ಸಿನಿಮಾ ಬಿಡುಗಡೆಯಾಗಿ ಇಂದು (ಸೆ.9 ರಂದು) ಒಂದು ವರ್ಷ ಕಳೆದಿದೆ. ಈ ಸಂಭ್ರಮದಲ್ಲಿ ಸಿನಿಮಾದ ನಿರ್ದೇಶಕರು ಮುಂದಿನ ಭಾಗದ ಕುರಿತು ಹೊಸ ಅಪ್ಡೇಟ್‌ ವೊಂದನ್ನು ನೀಡಿದ್ದಾರೆ.

ಪ್ಯಾನ್‌ ಇಂಡಿಯಾ ಸಿನಿಮಾವಾಗಿ ತೆರೆಕಂಡಿದ್ದ ʼಬ್ರಹ್ಮಾಸ್ತ್ರʼಕ್ಕೆ ಆರಂಭಿಕವಾಗಿ ಬಾಯ್ಕಟ್‌ ಕೂಗು ಕೇಳಿ ಬಂದಿತ್ತು. ಸಿನಿಮಾದಲ್ಲಿನ ವಿಎಫ್‌ ಎಕ್ಸ್‌ ವಿಚಾರಕ್ಕೆ ಒಂದಷ್ಟು ಮಂದಿ ನೆಗೆಟಿವ್‌ ರಿವ್ಯೂ ನೀಡಿದ್ದರು. ಈ ಎಲ್ಲದರ ನಡುವೆ ಸಿನಿಮಾ ಬಾಕ್ಸ್‌ ಆಫೀಸ್‌ ನಲ್ಲಿ ಭರ್ಜರಿ ಗಳಿಕೆ ಕಂಡಿತ್ತು. 100 ಕೋಟಿ ಕ್ಲಬ್‌ ಸೇರುವುದರ ಜೊತೆಗೆ ಸಿನಿಮಾ ಬಾಲಿವುಡ್‌ ನಲ್ಲಿ ಹಿಟ್‌ ಸಾಲಿಗೆ ಸೇರಿತ್ತು.

ಇದೀಗ ಸಿನಿಮಾ ತೆರೆಕಂಡು 1 ವರ್ಷ ಪೂರ್ತಿಗೊಂಡಿದ್ದು, ಈ ಸಂದರ್ಭದಲ್ಲಿ ನಿರ್ದೇಶಕ ಅಯಾನ್‌ ಮುಖರ್ಜಿ ಮುಂದಿನ ಭಾಗಗಳ ಬಗ್ಗೆ ಅಪ್ಡೇಟ್‌ ನೀಡಿದ್ದಾರೆ.

“9ನೇ ಸೆಪ್ಟೆಂಬರ್ 2022 ರಂದು, ನಾವು ನಿಮಗೆ ಅಸ್ತ್ರಗಳ ಜಗತ್ತನ್ನು ಪರಿಚಯಿಸಿದ್ದೇವೆ. 1ನೇ ಜನ್ಮದಿನದ ಶುಭಾಶಯಗಳು ಬ್ರಹ್ಮಾಸ್ತ್ರ! ಎಲ್ಲಾ ಸೃಜನಶೀಲತೆ, ಎಲ್ಲಾ ಕಠಿಣ ಪರಿಶ್ರಮ ಮತ್ತು ಚಲನಚಿತ್ರ ತಯಾರಿಕೆಯಲ್ಲಿ ಮತ್ತು ಜೀವನದಲ್ಲಿ ಎಲ್ಲಾ ಪಾಠಗಳಿಗಾಗಿ ಧನ್ಯವಾದಗಳು!” ಎಂದು ಅಯಾನ್‌ ಮುಖರ್ಜಿ ಬರೆದುಕೊಂಡಿದ್ದಾರೆ.

“ಬ್ರಹ್ಮಾಸ್ತ್ರ” (ಪಾರ್ಟ್‌ -2 ದೇವ್)‌ ಇದರ ಆರಂಭಿಕ ಪರಿಕಲ್ಪನೆಯ ಕಲಾಕೃತಿಯನ್ನು ಅವರು ಹಂಚಿಕೊಂಡಿದ್ದಾರೆ. ಬ್ರಹ್ಮಾಸ್ತ್ರ 2 ಮತ್ತು 3 ಗಾಗಿ ದೃಷ್ಟಿ ಮತ್ತು ಕಥೆಯಲ್ಲಿನ ಕೆಲಸಕ್ಕಾಗಿ ಕೆಲವು ತಿಂಗಳುಗಳೇ ಕಳೆದಿದೆ ಎಂದು ನಿರ್ದೇಶಕರು ಬರೆದುಕೊಂಡಿದ್ದಾರೆ.

ರಣಬೀರ್, ಆಲಿಯಾ ಭಟ್ ಜೊತೆಗೆ ಅಮಿತಾಭ್ ಬಚ್ಚನ್, ನಾಗಾರ್ಜುನ, ಮೌನಿ ರಾಯ್, ಸೌರವ್ ಗುರ್ಜಾರ್ ಮುಂತಾದವರು ನಟಿಸಿದ್ದರು. ಶಾರುಖ್‌ ಖಾನ್‌ ಅವರು ವಿಶೇಷ ಪಾತ್ರದಲ್ಲಿ ನಟಿಸಿದ್ದರು.