ಮಡದಿಗೆ 13 ಲಕ್ಷ.ರೂ ಬೆಲೆಯ ಉಡುಗೊರೆ ನೀಡಿದ ನಿಕ್ : ಏನದು ದುಬಾರಿ ಗಿಫ್ಟ್  ?

Team Udayavani, Jul 19, 2021, 2:15 PM IST

ತಮ್ಮ ಪತ್ನಿ ಪ್ರಿಯಾಂಕಾ ಚೋಪ್ರಾ ಅವರಿಗೆ ಹುಟ್ಟುಹಬ್ಬದ ಉಡುಗೊರೆಯಾಗಿ ನಿಕ್ ಜೋನಾಸ್ ದುಬಾರಿ ಉಡುಗೊರೆಯೊಂದನ್ನು ನೀಡಿದ್ದಾರೆ. ಅದರ ಬೆಲೆ 10 ರಿಂದ 13 ಲಕ್ಷ ರೂ.

ಬಾಲಿವುಡ್-ಹಾಲಿವುಡ್ ಬೆಡಗಿ ಪ್ರಿಯಾಂಕಾ ಇತ್ತೀಚಿಗೆ ತಮ್ಮ ಹುಟ್ಟುಹಬ್ಬವನ್ನು ಆಚರಿಕೊಂಡರು. ಮಡದಿಯ ಜನ್ಮದಿನದಕ್ಕೆ ಪತಿ ನಿಕ್ ಕಾಸ್ಟ್ಲಿ ವೈನ್ ಗಿಫ್ಟ್ ಮಾಡಿದ್ದಾರೆ. ಇದರ ಬೆಲೆ ಇದೀಗ ನೆಟ್ಟಿಗರ ಕಣ್ಣು ಅರಳಿಸಿದೆ.

‘ಚಾಟ್ಯೂ ಮೌಟನ್ ರೋಥ್ ಚಿಲ್ಡ್ 1982’ ಹೆಸರಿನ ವೈನ್ ಪತಿಯಿಂದ ಉಡುಗೊರೆ ಪಡೆದಿದ್ದಾರೆ ಪಿಗ್ಗಿ. ಅಂದಹಾಗೆ ಈ ವೈನ್ ಅಪರೂಪದ್ದು. ಇದನ್ನು ಫ್ರಾನ್ಸ್ ನ ಬೋರ್ಡೆಕ್ಸ್ ನಗರದ ಪೌಲಾಕ್ ಎಂಬ ಹಳ್ಳಿಯಲ್ಲಿ ತಯಾರಿಸಲಾಗುತ್ತದೆ. ಇದರ ಬೆಲೆ ಸುಮಾರು 13 ಲಕ್ಷ ರೂಪಾಯಿಯಂತೆ. ಬೇರೆ ಬೇರೆ ದೇಶಗಳಲ್ಲಿ ವಿಭಿನ್ನ ಬೆಲೆಯಲ್ಲಿ ಮಾರಾಟ ಮಾಡಲಾಗುತ್ತೆ.

“ಹುಟ್ಟುಹಬ್ಬದ ಶುಭಾಶಯಗಳು ಮೈ ಲವ್. ನೀವು ಜಗತ್ತಿನ ಎಲ್ಲಾ ಸಂತೋಷಕ್ಕೂ ಅರ್ಹರು. ಇವತ್ತು ಮತ್ತು ಪ್ರತಿದಿನ ನಾನು ನಿಮ್ಮನ್ನು ಪ್ರೀತಿಸುತ್ತೇನೆ” ಎಂದು ನಿಕ್ ಜೋನಾಸ್ ವಿಶ್ ಮಾಡಿದ್ದಾರೆ.