ಧನುಷ್ ಅಭಿನಯದ ‘ಮಾರನ್’ ಮಾರ್ಚ್ 11 ರಂದು ಓಟಿಟಿಯಲ್ಲಿ ಬಿಡುಗಡೆ

Team Udayavani, Mar 1, 2022, 12:46 PM IST

ನಿರ್ದೇಶಕ ಕಾರ್ತಿಕ್ ನರೇನ್ ಅವರ ಬಹುನಿರೀಕ್ಷಿತ ಆಕ್ಷನ್ ಎಂಟರ್‌ಟೈನರ್, ಧನುಷ್ ಮತ್ತು ಮಾಳವಿಕಾ ಮೋಹನನ್ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ ಸಿನಿಮಾ `ಮಾರನ್`, ಮಾರ್ಚ್ 11 ರಂದು ಡಿಸ್ನಿ+ ಹಾಟ್‌ಸ್ಟಾರ್‌ನಲ್ಲಿ ಬಿಡುಗಡೆಯಾಗಲಿದೆ.

ಸೋಮವಾರ, ಚಿತ್ರದ ಟ್ರೇಲರ್ ಅನ್ನು ಅಭಿಮಾನಿಗಳು ಮತ್ತು ಪ್ರೇಕ್ಷಕರು ಟ್ವಿಟರ್‌ನಲ್ಲಿ `ಟ್ವಿಟರ್ ಅನ್‌ಲಾಕ್` ಎಂಬ ವೈಶಿಷ್ಟ್ಯದ ಮೂಲಕ ಅನಾವರಣಗೊಳಿಸಿದ್ದು, ಈ ವೈಶಿಷ್ಟ್ಯವನ್ನು ಅಳವಡಿಸಿಕೊಂಡ ಮೊದಲ ತಮಿಳು ಚಿತ್ರ ಇದಾಗಿದೆ ಎಂದು ತಯಾರಕರು ಹೇಳಿದ್ದಾರೆ.

ಟ್ರೇಲರ್‌ಗಳನ್ನು ಬಿಡುಗಡೆ ಮಾಡಲು ಪ್ರೇಕ್ಷಕರನ್ನೇ ಸೆಲೆಬ್ರಿಟಿಗಳನ್ನಾಗಿ ಮಾಡುವ ಉದ್ದೇಶದಿಂದ `ಟ್ವಿಟರ್ ಅನ್‌ಲಾಕ್’ ಮೂಲಕ ಟ್ರೇಲರ್ ಅನ್ನು ಅನಾವರಣಗೊಳಿಸಿತು.

ಇದೀಗ ಟ್ರೈಲರ್ ಡಿಸ್ನಿ+ ಹಾಟ್‌ಸ್ಟಾರ್ ಯೂಟ್ಯೂಬ್ ಚಾನೆಲ್‌ನಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ.  ಸತ್ಯಜ್ಯೋತಿ ಫಿಲ್ಮ್ಸ್ ಟಿ ಜಿ ತ್ಯಾಗರಾಜನ್ ಅವರು ಪ್ರಸ್ತುತಪಡಿಸಿದ್ದು, ಸೆಂಧಿಲ್ ತ್ಯಾಗರಾಜನ್ ಮತ್ತು ಅರ್ಜುನ್ ತ್ಯಾಗರಾಜನ್ ನಿರ್ಮಿಸಿದ್ದಾರೆ, ಕಾರ್ತಿಕ್ ನರೇನ್ ನಿರ್ದೇಶನದ `ಮಾರನ್’ ಚಿತ್ರದಲ್ಲಿ ಧನುಷ್ ಮತ್ತು ಮಾಳವಿಕಾ ಮೋಹನನ್ ಮುಖ್ಯಭೂಮಿಕೆಯಲ್ಲಿದ್ದಾರೆ. ಜಿ.ವಿ.ಯವರ ಸಂಗೀತವನ್ನೊಳಗೊಂಡಿದೆ.

ಇದನ್ನೂ ಓದಿ:ಸ್ಯಾಂಡಲ್‌ ವುಡ್‌ ಶಿವಧ್ಯಾನ; ಇಂದು ಹಾಡು, ಪೋಸ್ಟರ್‌, ಟೈಟಲ್‌ ರಿಲೀಸ್‌

ಪ್ರಕಾಶ್ ಕುಮಾರ್, ಸಮುತಿರಕನಿ, ಕೃಷ್ಣ ಕುಮಾರ್, ಮಾಸ್ಟರ್ ಮಹೇಂದ್ರನ್, ಜಯಪ್ರಕಾಶ್ ಮತ್ತು ಆಡುಕಳಂ ನಾರಾಯಣ್ ಸೇರಿದಂತೆ ಇತರರನ್ನು ತಾರಾಂಗಣ ಒಳಗೊಂಡಿದ್ದು, ಚಿತ್ರಕಥೆಯನ್ನು ಕಾರ್ತಿಕ್ ನರೇನ್ ಮತ್ತು ಖ್ಯಾತ ಬರಹಗಾರರಾದ ಸುಹಾಸ್ ಮತ್ತು ಶರ್ಫು ಬರೆದಿದ್ದಾರೆ.