Diwali:‌ ದೇವರಕೊಂಡ ಮನೆಯಲ್ಲಿ ದೀಪಾವಳಿ ಆಚರಿಸಿಕೊಂಡ್ರಾ ರಶ್ಮಿಕಾ? ಫ್ಯಾನ್ಸ್ ಹೇಳಿದ್ದೇನು?

Team Udayavani, Nov 13, 2023, 3:04 PM IST

ಹೈದರಾಬಾದ್: ಎಲ್ಲೆಡೆ ದೀಪಾವಳಿ ಹಬ್ಬದ ಸಡಗರ – ಸಂಭ್ರಮ ಜೋರಾಗಿದೆ. ಇತ್ತ ಸೆಲೆಬ್ರಿಟಿಗಳು ತಮ್ಮ ಸಿನಿಮಾದ ಪೋಸ್ಟರ್‌, ಟೀಸರ್‌, ಟ್ರೇಲರ್‌ ರಿಲೀಸ್‌ ಮಾಡಿ ಫ್ಯಾನ್ಸ್‌ ಗಳಿಗೆ ಹಬ್ಬದ ಶುಭಾಶಯವನ್ನು ಕೋರುತ್ತಿದ್ದಾರೆ.

ಟಾಲಿವುಡ್‌ ನಟ ವಿಜಯ್‌ ದೇವರಕೊಂಡ ತಮ್ಮ ಮನೆಯಲ್ಲಿ ಕುಟುಂಬದವರೊಂದಿಗೆ ಬೆಳಕಿನ ಹಬ್ಬವನ್ನು ಆಚರಿಸಿದ್ದಾರೆ. ದೀಪಾವಳಿ ಹಬ್ಬವನ್ನು ಆಚರಿಸಿಕೊಂಡ ಕ್ಷಣದ ಫೋಟೋವನು ದೇವರಕೊಂಡ ಹಂಚಿಕೊಂಡಿದ್ದು ಕೆಲ ಫ್ಯಾನ್ಸ್‌ ಇದರಲ್ಲೂ ರಶ್ಮಿಕಾ ಅವರನ್ನು ಹುಡುಕಿದ್ದಾರೆ.

ʼಗೀತಾ ಗೋವಿಂದಂʼ ಬಳಿಕ ರಶ್ಮಿಕಾ – ದೇವರಕೊಂಡ ಕ್ಲೋಸ್‌ ಆಗಿರುವುದು ಗೊತ್ತೇ ಇದೆ. ಇಬ್ಬರು ಡೇಟ್‌ ಮಾಡುತ್ತಿದ್ದಾರೆ ಎನ್ನುವ ಗುಸು ಗುಸು ಟಾಲಿವುಡ್‌ ವಲಯದಲ್ಲಿ ಕೇಳಿ ಬಂದಿತ್ತು. ರೆಸ್ಟೋರೆಂಟ್‌ ನಲ್ಲೂ ಕೆಲ ಸಮಯವನ್ನು ಜೊತೆಯಾಗಿ ದೇವರಕೊಂಡ – ರಶ್ಮಿಕಾ ಕಳೆದಿದ್ದರು. ಆದರೆ ಇಬ್ಬರು ಕೂಡ ತಾವಿಬ್ಬರೂ ಬೆಸ್ಟ್‌ ಫ್ರೆಂಡ್ಸ್‌ ಎಂದು ಹೇಳಿದ್ದಾರೆ.

ಆದರೆ ಇದೀಗ ಮತ್ತೊಮ್ಮೆ ರಶ್ಮಿಕಾ – ದೇವರಕೊಂಡ ಬಗ್ಗೆ ಫ್ಯಾನ್ಸ್‌ ಗಳು ಮಾತನಾಡುತ್ತಿದ್ದಾರೆ.  ದೇವರಕೊಂಡ ತನ್ನ ಅಪ್ಪ – ಅಮ್ಮ ಹಾಗೂ ತಮ್ಮನ ಜೊತೆ ದೀಪಾವಳಿ ಹಬ್ಬವನ್ನು ಆಚರಿಸಿಕೊಂಡಿದ್ದಾರೆ. ಇದರ ಫೋಟೋವನ್ನು‌ ಅವರು ಹಂಚಿಕೊಂಡು ಬೆಳಕಿನ ಹಬ್ಬದ ಶುಭಾಶಯವನ್ನು ಕೋರಿದ್ದಾರೆ.

ಇನ್ನೊಂದೆಡೆ ರಶ್ಮಿಕಾ ಸಾಂಪ್ರದಾಯಿಕ ಉಡುಗೆಯಲ್ಲಿ ಕೂತುಕೊಂಡಿರುವ ಫೋಟೋವನ್ನು ಹಂಚಿಕೊಂಡು ಹಬ್ಬದ ವಿಶ್‌ ಮಾಡಿದ್ದಾರೆ. ಈ ಫೋಟೋ ನೋಡಿಯೇ ಫ್ಯಾನ್ಸ್‌ ಗಳು ರಶ್ಮಿಕಾ – ದೇವರಕೊಂಡ ಬಗ್ಗೆ‌ ಮಾತನಾಡಿದ್ದಾರೆ.

ರಶ್ಮಿಕಾ ದೇವರಕೊಂಡ ಕೂತಿರುವ ಮನೆ ದೇವರಕೊಂಡ ಅವರದು. ಹಿಂದಿರುವ ಗೋಡೆ ನೋಡಿದರೆ ಅದು ಒಂದೇ ಸ್ಥಳವೆಂದು ಗೊತ್ತಾಗುತ್ತದೆ ಎಂದು ಕೆಲ ಫ್ಯಾನ್ಸ್‌ ಗಳು ಕಮೆಂಟ್‌ ಮಾಡಿದ್ದಾರೆ. ಯಾರೆಲ್ಲ ರಶ್ಮಿಕಾ ದೇವರಕೊಂಡ ಅವರ ಮನೆಯಲ್ಲಿ ಕೂತಿದ್ದಾರೆ ಯಾರು ಒಪ್ಪುತ್ತೀರಿ? ಎಂದು ಮತ್ತೊಬ್ಬರು ಕಮೆಂಟ್‌ ಮಾಡಿದ್ದಾರೆ.

ಸದ್ಯ ವಿಜಯ್‌ ದೇವರಕೊಂಡ ʼಫ್ಯಾಮಿಲಿ ಸ್ಟಾರ್‌ʼ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದು, ರಶ್ಮಿಕಾ ʼಅನಿಮಲ್‌ʼ ಸಿನಿಮಾದ ಪ್ರಚಾರದಲ್ಲಿ ಬ್ಯುಸಿಯಾಗಿದ್ದಾರೆ.